David Lombao

O Goberno galego mantén só tres concellos con prohibición da mobilidade e da restauración nunha nova desescalada que segundo o presidente non será revisada ata a propia Semana Santa. As novas medidas inclúen a prohibición de encontros entre non conviventes nos espazos privados, acordada entre o Goberno de España e as autonomías para San Xosé e Semana Santa

A implantación da videoconsulta para servizos dos centros de saúde e dos hospitais chega tras a extensión da consulta por teléfono durante a pandemia mediante unha nova aplicación que tamén inclúe unha versión electrónica da tarxeta sanitaria

O pasado xaneiro, Galicia rexistrou unha media de case 1.200 casos novos ao día; nos primeiros 14 días de marzo sumou pouco máis de 2.200. A media diaria de diagnósticos por PCR estáncase arredor dos 130 e as persoas ingresadas con test positivo nos hospitais galegos aínda superan as 300.

A área sanitaria da Coruña segue destacando con cifras máis elevadas de casos novos nun contexto estable para o conxunto de Galicia, cuns 130 diagnósticos novos da COVID-19 ao día. As persoas hospitalizadas co coronavirus seguen sendo máis de 300 e as que precisan atención na UCI, máis de 70

Iglesias volve a Madrid, onde xermolou o seu partido na década pasada, e faino postulándose para encabezar unha candidatura conxunta das formacións madrileñas á esquerda do PSOE nas eleccións desa rexión. Sinala á ministra de Traballo como substituta na vicepresidencia do Goberno que encabeza Pedro Sánchez e aléntaa como aspirante a cabeza de cartel por Unidas Podemos nas vindeiras xerais

O número de hospitalizados por coronavirus volve baixar, ata 320, pero hai aínda 75 persoas nas UCI. Sanidade suma 112 casos novos fronte aos 277 da xornada anterior.

O informe exhibido pola Fiscalía no xuízo da caixa B que se desenvolve na Audiencia Nacional, sinalado por Bárcenas como auténtico, recolle dous millóns en doazóns xestionadas polo PPdeG e datadas en 2006 que serviron, segundo o ex-tesoureiro, para sufragar a campaña das eleccións galegas de 2005 por vías alleas á legalidade vixente na época

O consistorio reitera a petición mentres ENCE agarda pola Xustiza e centra a batalla política na oposición á lei de cambio climático, que propiciaría a saída da ría en 2033 aínda no caso de que lograse o aval xudicial. "Galicia necesitaría dúas pasteiras e vamos a quedar sen ningunha", di Feijóo para expresar a súa oposición á nova lei

Cinco municipios continuarán dende o luns no nivel máximo, con peches perimetrais individuais e veto aos encontros entre non conviventes. O Sergas suma 167 casos novos e a media diaria de diagnósticos por PCR a sete días tende ao estancamento en niveis semellantes aos de mediados do pasado agosto. A hospitalización ordinaria experimenta outro lixeiro descenso e queda en 330 persoas, pero nas UCI hai aínda 73 pacientes coa COVID

O Sergas suma 158 novos casos e na última semana rexistra unha media duns 132 diagnósticos diarios mediante PCR. As persoas ingresadas con test positivo do coronavirus aínda superan as 340 e xa morreron 2.284 persoas que se contaxiaran.

Sanidade introduce dúas mudanzas no anunciado inicialmente e dende o venres, Mos e Cambados situaranse tamén no nivel medio de restricións. O Sergas suma 168 novos casos e a incidencia acumulada a sete días deixa de descender, en boa medida polo relativo empeoramento na área coruñesa

Estas probas realizaranse nas sete áreas sanitarias e, di Sanidade, teñen por obxectivo testar a infraestrutura de vacinación masiva e tamén a de citación. As citadas para estas primeiras vacinación masivas serán persoas nacidas entre o 11 de marzo de 1965 e o 31 de decembro de 1971