David Lombao

O empresario que tentou rexistrar a marca 'Xacobeo 2022' iniciou os trámites apenas unha hora despois de que a Igrexa confirmase a prórroga do Ano Santo, o pasado 31 de decembro. A Xunta exerceu o seu dereito a opoñerse a ese rexistro e, paralelamente, rexistrou outras tres ligadas ao Ano Santo prorrogado por mor da pandemia

O total de persoas hospitalizadas con test positivo do coronavirus segue sendo dunhas 200 máis que antes do Nadal. Os 104 novos casos que suma o Sergas son a cifra máis baixa dende os primeiros días de agosto e os concellos sen novos casos nas últimas dúas semanas roldan os 80. Á espera da consolidación dos datos, febreiro de 2021 é xa o terceiro mes con máis mortes ligadas á pandemia

A transferencia da xestión dos terreos costeiros fora abordada por Anxo Quintana co Goberno de Zapatero; ao retornar á Xunta en 2009, o PP asegurara que ía "dar continuidade ás demandas" de competencias do anterior Executivo. Dende aquela, o Goberno galego non sumou ningunha competencia nova e transita polo período sen novos traspasos máis prolongado da historia da autonomía

Nas áreas sanitarias da Coruña, Ferrol e Pontevedra, a veciñanza só poderá desprazarse a outros concellos no seu mesmo nivel de incidencia e da súa mesma área sanitaria. Nas de Santiago, Vigo, Ourense e Lugo, a mobilidade entre municipios estará condicionada á incidencia e non aos límites da área sanitaria. Resumimos o avanzado polo Goberno galego a respecto das novas limitacións e os concellos afectados, que non coinciden cos avanzados por Feijóo

As 586 hospitalizacións que reflicten os últimos datos do Sergas son unhas 250 máis que antes do Nadal e os 121 ingresos en UCI, o dobre que nos días previos ás festas. O Sergas rexistra unha media duns 260 diagnósticos diarios mediante PCR na última semana, cifra semellante á de antes da segunda vaga. Xa morreron en Galicia máis de 2.200 persoas que contraeran a doenza

Galicia rexistra unha media de 285 diagnósticos novos por PCR ao día na última semana, un nivel semellante ao previo ao Nadal e tamén ao do final da segunda vaga. As persoas hospitalizadas con test positivo do coronavirus son aínda unhas 300 máis que antes das festas

O Goberno galego crea unha nova escala de restricións baseada na suma de casos a 14 días e Feijóo pide á cidadanía que “se quere volver aos bares, teña un comportamento individual correcto”

Todos os principais indicadores da pandemia están en liña claramente descendente, pero aínda por riba das cifras previas á segunda 'desescalada', a da ponte da Constitución. Os 289 casos novos que suma o Sergas este domingo son a menor cifra en vinte e catro horas dende o 27 de decembro e os concellos con máis de 500 casos novos por cen mil habitantes a catorce días xa son apenas vinte

Feijóo adoita expresar desaprobación advertindo que tal asunto "non parece razoable". Así ve a mudanza da sede do PP mentres se afasta dos motivos esgrimidos por Casado: o partido adebeda "un porrón de cartos" por non gañar eleccións. Asegúrao mentres traza comparacións de alta voltaxe para o seu partido: "Se vostede lle pregunta ao presidente Sánchez hai un par de anos que lle faltaba ao PSOE para ser alternativa ao PP, sentiríase nunha situación parecida á que me sinto eu. (...) Agora é presidente do Goberno"

O 45% dos positivos e o 37% das mortes de persoas coa COVID-19 en Galicia rexistráronse dende o 24 de decembro. O Sergas suma 417 novos casos e o total de persoas hospitalizadas baixa de 800 por primeira vez dende finais de xaneiro mentres o ritmo de baixada da incidencia acumulada tende a estancarse

A Xunta prevé ter vixente o 'seguro COVID' para turistas cando menos ata finais de febreiro de 2022 cunha eventual prórroga de 9 meses máis que elevaría o custo ata a contorna dos 2,4 millóns de euros. Cobre gastos médicos, de prolongación da estancia por hospitalización ou corentena ou traslado ao lugar de orixe

O 'número dous' de Feijóo atribúe ao BNG unha "defensa velada do uso da violencia" e di perseguir "unanimidade na condena" dos "acontecementos dos últimos días en moitas cidades de España". Ao tempo, Tellado recorre ao éuscaro para estender os seus reproches a Podemos e descualificar o vicepresidente Pablo Iglesias como "autor intelectual da kale borroka"