David Lombao

Alén da vertente económica, a votación dos Orzamentos alarga a maioría que investiu presidente a Pedro Sánchez. PSOE e UP reprochan o "non" do Bloque, cuxo deputado coida que ambos grupos "defenden o indefendíbel" para "explicar o descenso de investimento en Galiza". Pedro Sánchez congratúlase por sacar adiante "os Orzamentos máis renovadores e sociais para responder á peor crise nun século"

As demandas novas por ocupación ilegal de vivendas descenden un 26,2% interanual en Galicia, unha caída seis puntos superior á dos lanzamentos por impagamento de arrendamentos e hipotecas. O dato chega pouco despois de que a Xunta comezase a financiar un teléfono 'antiocupacións'

O Sergas suma 369 novos positivos e dez falecementos mentres os principais indicadores da pandemia manteñen a súa xeira descendente e a positividade media das probas PCR se achega ao 5% que a OMS sinala como limiar para dar por controlada a COVID nun territorio. A hospitalización cae por baixo das 400 persoas, pero segue a baixar lentamente

As reunións entre persoas que non convivan e a actividade hostaleira volven estar permitidas en toda Galicia, pero con limitacións diferentes en función da incidencia do virus. Case sesenta concellos continuarán afectados por peches perimetrais no novo paquete de medidas, en vigor dende o 4 de decembro. Dende ese día e ata o 9, a Xunta aplicará por primeira vez o peche perimetral de toda Galicia

Cada día de novembro faleceron, de media, nove persoas que contraeran a COVID-19 en Galicia e o total sitúase xa en 1.211. O Sergas computa 271 novos positivos e os principais indicadores da pandemia seguen en liña descendente para o global de Galicia, pero con diferenzas significativas nalgunhas comarcas e cunha melloría máis lenta nas cifras de hospitalización

O 1 de decembro de 2010 comezaba a operar oficialmente a entidade resultante da fusión de Caixa Galicia con Caixanova, que naquel día se presentaba como unha "plataforma financeira máis forte que as dúas de orixe". A aventura de Novacaixagalicia durou como tal apenas un ano; en 2011 tivo que emprender a bancarización e Novagalicia Banco acabaría precisando un rescate do que o Banco de España dá por perdidos uns 9.000 millóns de euros

PSOE e UP contan xa cunha marxe duns dez votos por riba da maioría absoluta para aprobar o orzamento para 2021. Pontón coida que as contas deixan a Galicia fóra de "investimentos estratéxicos" e Rego insta o Goberno do PSOE e UP a "rectificar" para reconsideraren o voto afirmativo. Os socialistas instan o Bloque a "sumar coas forzas de progreso" e sinala que "sen o AVE, o orzamento do 2021 recolle 770 millóns en investimentos para Galicia", alén das partidas para a "rebaixa histórica das peaxes da AP-9"

Cun 6% menos de probas PCR, os positivos das últimas dúas xornadas son un 25% menos aos da fin de semana previa e os 251 notificados este luns son a cifra máis baixa dende o 15 de outubro. O Sergas notifica outras doce mortes mentres a incidencia acumulada do virus segue á baixa no dato global galego, aínda que con notables diferenzas por áreas sanitarias, concellos e comarcas

Na véspera da presentación dos orzamentos da consellería con competencias en vivenda, a Xunta autorizou o financiamento público dunha liña telefónica de "asesoramento gratuíto" para "afectados por ocupación ilegal". A conselleira afirma que "garantir o acceso á vivenda" é unha das prioridades do departamento mentres BNG e PSdeG  reprochan a ausencia de vivenda pública de alugueiro e as iniciativas "populistas" sobre ocupacións

O Sergas suma 441 novos casos por segundo día consecutivo e define a situación como de "estabilidade con tendencia ao descenso". Sanidade, que ultima un plan de 'desescalada', incorpora tres concellos do Salnés e outros tantos da Costa da Morte ás restricións máis severas, das que saen os municipios de Viveiro, Toén, San Cibrao das Viñas, O Pino, Vedra e Mugardos.

Os positivos en residencias sociosanitarias son agora o 8% dos positivos activos, incluíndo o persoal, pero as mortes de persoas que vivían nestes centros son o 43% dos ligados á COVID-19 en Galicia. A Xunta anuncia "cribados semanais" e un "plan de choque" para estas instalacións

O Sergas suma 441 novos casos, un descenso a respecto da xornada previa malia á realización de máis probas PCR, e computa 3 falecementos, dous deles do pasado martes. A leve baixada aínda non se percibe con claridade nos datos xerais de incidencia a 14 días; por cidades, Pontevedra e Vigo seguen rexistrando as máis elevadas e Santiago e Ourense, as máis baixas