David Lombao

Nos primeiros nove días do mes rexistráronse xa 199 mortes de persoas coa COVID-19 tras outras 411 en xaneiro e o total chega xa a 2.016. A incidencia a 14 días para o conxunto de Galicia rolda os 570 casos tras un descenso pronunciado que, admite Sanidade, aínda está "moi lonxe do obxectivo" marcado. As persoas hospitalizadas por mor da pandemia seguen descendendo, pero as UCI aínda non rexistran cambios significativos, con case 250 persoas ingresadas

"Sería pouco prudente, con 250 pacientes na UCI, comezar a falar da desescalada", considera o conselleiro de Sanidade, Julio García Comesaña, apenas unha hora despois de que o presidente da Xunta avanzase no Parlamento que "imos facer o que nos comprometemos a facer, unha desescalada medida, gradual"

O número de casos novos segue descendendo tan rápido como subiu e o Sergas leva xa catro xornadas por baixo dos mil positivos novos e dúas entre os 500 e os 600. Dende o día de Nadal morreron en Galicia 622 persoas que contraeran a COVID-19, tres máis que en toda a primeira vaga e o total chega xa ás 1.988. A ocupación nas UCI segue sen diminuír significativamente mentres si o fai a hospitalización ordinaria

O 'número dous' do PP en Galicia, Miguel Tellado atribúe ao asesor da ministra Yolanda Díaz un "soldo de máis de cen mil euros ao ano" en Navantia, aínda que como representante do Ministerio de Traballo na empresa pública lle corresponden só dietas por asistencia, que non poden superar os 11.994 euros

Os 526 casos que o Sergas suma este 8 de febreiro supoñen a cifra máis baixa dende o 5 de xaneiro. O total de persoas hospitalizadas coa COVID-19 é inferior ao de hai unha semana, pero os ingresos nas UCI son doce máis que daquela mentres o total de falecementos da terceira vaga xa está a piques de superar o da primeira

A xuíza ve probado que o Luisa Piñeiro e o ex-presidente da Deputación de Pontevedra, actual presidente da Federación Galega de Fútbol, participaron nun "plan" para pagar 86.000 euros adicionais á construtora dun campo de fútbol subvencionado pola Deputación por obras fóra do proxecto e, para facelo, subvencionaron traballos xa feitos como se fosen novos nunha adxudicación amañada

As incidencias acumuladas a 7 e 14 días son inferiores ás de hai unha semana por primeira vez dende comezos de decembro, pero aínda seguen en niveis moi elevados en moitos concellos galegos. O total de hospitalización é inferior ao de hai unha semana por primeira vez dende finais de decembro, pero a presión nas UCI segue sen ceder e o ritmo de novas mortes augura que a terceira vaga deixará máis vítimas que a primeira

Nunha nova protesta de municipios da raia, desta volta atrancada polas propias restricións, alcaldes e alcaldesas advirten do incremento dos gastos de combustible e tempos de desprazamento para as persoas que viven nunha beira da fronteira e traballan na outra

O Sergas suma 1.184 novos casos en vinte e catro horas e a semana segue na contorna dos mil por xornada. Sanidade rexistra na última semana unha media de 25 mortes ao día de persoas que contraeran a COVID-19 e todo apunta a que a terceira faga deixará máis vítimas mortais que a primeira. Mentres, a ocupación das UCI semella transitar polo seu pico con 247 pacientes e a hospitalización total rexistra as primeiras diminucións significativas

Case seis anos despois da imputación, o tribunal arquiva o caso da xuíza De Lara ao non ver "base suficiente" para formular nin como "indicio" que existise unha "trama urbanística" integrada polo ex-líder do PSdeG e o ex-alcalde de Lugo xunto a construtores e funcionarios

As 247 persoas nas UCI con test positivo supoñen aínda unha cifra moi elevada e Sanidade prevé que a forte presión hospitalaria continúe nos vindeiros días malia ás primeiras baixadas. O Sergas suma 1.141 novos casos da COVID e as incidencias a 7 e 14 días modéranse. Saúde Pública di ler con "cautela" a posible mellora porque as incidencias seguen sendo moi elevadas e tamén por factores como os posibles casos "en estudo" da variante inicialmente detectada no Reino Unido

O traspaso de competencias sobre a Autoestrada do Atlántico que o Goberno de Rajoy mantivo bloqueado retoma a súa marcha dous anos despois de ser aprobado por primeira vez. O PP defende que a Xunta xestionará a AP-9 mellor que o Estado, o BNG subliña que a transferencia é "o primeiro paso" para unha autoestrada "galega e libre de peaxes" e o PSdeG defende o traspaso e os descontos incluídos nos Orzamentos do Estado como a mellor vía para "aliviar" o "regalo envelenado" que deixou Aznar