David Lombao

O Sergas suma outros 531 positivos e nove mortes máis a apenas dez días do horizonte marcado pola Xunta para avaliar se cómpre manter de maneira xeral as restricións impostas co obxectivo declarado de "resetear" o sistema sanitario e "salvar a campaña de Nadal". A incidencia acumulada a 14 días sitúase nos 266 casos novos por cada cen mil habitantes, pero con notables diferenzas por áreas e concellos mentres a hospitalización segue descendendo moi lentamente

Tras precisar un 'rescate' de 1,2 millóns de euros durante 2020, a S.A. do Xacobeo pasa de prever máis de 400.000 estancias de peregrinos nos seus albergues no Ano Santo a estimar que chegarán apenas 35.000. Os fondos da Xunta para a partida de turismo chegan aos 104 millóns, un 42% máis que un ano antes e un 32% máis que no anterior Xacobeo

A dirección central do PP asegura que o seu partido vai "tratar de bloquear" a LOMLOE nas comunidades autónomas e Feijóo compromete a "máis mínima aplicación posible" mentres o voceiro dos populares galegos no Parlamento di "non ter dúbidas" sobre o cumprimento da lei, tamén en Galicia

As contas públicas manexan algo máis de 13.000 millóns de euros, incluíndo a débeda, con máis marxe para gastar grazas ao incremento dos fondos do estado e da UE. Os fondos sanitarios, educativos e da débeda pública absorben case sete de cada dez euros

A relaxación a nivel europeo das normas de austeridade por mor da pandemia permite á Xunta incrementar o gasto apoiándose en máis fondos estatais e comunitarios, dada a renuncia do Goberno galego a aumentar os ingresos pola vía de calquera imposto. Os fondos de sanidade e educación estarán xa, en termos absolutos, por riba dos consignados polo Goberno de PSdeG e BNG en 2009, aínda que esta partida e a sanitaria seguen sen recuperarse do recorte acumulado na década pasada

A reforma educativa superou a súa primeira gran proba parlamentaria con 177 votos a prol de 7 grupos políticos para pasar a páxina da LOMCE, aprobada en 2013 cos 182 votos que daquela tiña o PP. Veta as subvencións a centros privados que segregan por sexo, estipula o "incremento progresivo da rede de centros de titularidade pública" e aposta polo "equilibrio" no coñecemento das linguas oficiais por parte do alumnado. O Goberno de España subliña que será "un paso adiante á educación excelente e inclusiva" mentres o PP mantén que é un ataque á "liberdade"

O Sergas suma 686 novos casos en vinte e catro horas, a cifra máis alta en case dúas semanas, dos que 280 corresponden á área de Vigo, e computa outras 15 mortes de persoas contaxiadas da COVID-19. Un forte brote na residencia Asilo de Vilalba, agora intervida pola Xunta, suma 114 positivos entre residentes e outros 18 entre o persoal

A media diaria de diagnósticos rolda os 500 mentres Sanidade admite que as melloras dos últimos días aínda non teñen "impacto claro" nos hospitais e pide "cumprir" as restricións porque "senón, a curva pode erguerse de novo". A incidencia acumulada sitúase na contorna dos 292 casos e Sanidade sinala datos "preocupantes" en Vigo e Lugo

A subvención extraordinaria súmase á contemplada nos propios concertos educativos e está encamiñada a financiar contratacións adicionais de profesorado, mercar material e adaptar espazos ás restricións do coronavirus. Dous colexios da Coruña, un de Santiago e outro de Ourense son os que reciben maiores cantidades desta achega, que chega a 227 colexios concertados

Seis das 17 novas mortes computadas polo Sergas son persoas que vivían na residencia de Salvaterra e morreron no propio centro, que acumula unha vintena de falecementos de persoas contaxiadas. Sanidade suma 409 novos casos e a incidencia acumulada a 14 días baixa do limiar dos 300 casos por cada cen mil habitantes tras unha semana cun lixeiro incremento de probas PCR, pero con menos positivos

O proxecto orzamentario prevé investimentos en Galicia por importe de 832 millóns de euros e o Bloque ultima emendas parciais para subilo ata un "mínimo" de 1.000 millóns. Ana Pontón e Néstor Rego amosan "disposición a negociar" e o PSdeG di agardar que, finalmente, a formación soberanista actúe con "responsabilidade" e opte polo voto afirmativo ás contas

As 110 persoas diagnosticadas da COVID-19 que precisan asistencia na UCI supoñen outro máximo da segunda vaga da pandemia. O Sergas suma 444 novos casos do coronavirus e a media semanal de diagnósticos mediante PCR baixa ata a contorna dos 500 ao día mentres Sanidade confirma outras 7 mortes que elevan o total de falecementos ligados á pandemia ata os 1.069