David Lombao

Mentres os datos sociolingüísticos apuntan a que, se algo fixo o galego no ensino na última década foi retroceder, o PP volve en Galicia ao vieiro da alerta de importación sobre o castelán oprimido nas aulas polo resto de idiomas oficiais, agora a conta da reforma educativa que promove o Goberno de España

Oito dos falecementos incorporados ao cómputo oficial son das últimas vinte e catro horas e outros sete, de varios días anteriores. O número de novos casos segue en cifras inferiores aos das semanas previas, con 523 na última xornada, mentres a cifra de probas PCR volve ascender por riba das 8.000 en vinte e catro horas e a súa positividade media baixa do 8% tras varias semanas de estabilidade nesa cifra

Sete dos 15 falecementos computados polo Sergas correspóndense coa xornada do martes e outros 8, con días anteriores. Nos primeiros dez días de novembro Galicia sumou 91 mortes ligadas á pandemia. Máis da metade dos 520 novos casos rexístranse nas áreas sanitarias da Coruña e Vigo nunha xornada de incremento das PCR tras varios días á baixa

Dezaoito das 21 mortes incluídas no cómputo oficial do Sergas producíronse entre o venres e o domingo e as tres restantes, o luns. Nove son persoas que viviran en residencias de maiores. O Sergas suma 383 novos casos, a cifra máis baixa dende o 20 de outubro, tras unha xornada con algo máis de 4.300 probas PCR, o menor número dende o 21 do mesmo mes, mentres a súa positividade segue estable na contorna do 8%

Sanidade indica agora que se pode "ocupar a totalidade" dos asentos en buses e barcos, pero "deberase manter a máxima separación entre persoas" cando "o nivel de ocupación o permita". En autobuses e barcos sen asignación de asento, a Xunta pasa a recomendar que "as persoas usuarias anoten no billete o número de asento que ocupen"

Os 399 novos casos notificados este luns son a cifra máis baixa en vinte días mentres tamén descende a cifra de test PCR, se ben a correlación entre ambos indicadores non é a mesma en todas as áreas sanitarias. As 605 persoas hospitalizadas con test positivo do coronavirus supoñen outro máximo da segunda vaga mentres o Sergas suma outras 7 mortes e a porcentaxe de probas PCR positivas continúa na contorna do 8%

A Xunta está determinada a manter en segredo cantas persoas traballan no dispositivo de rastrexo de contactos da COVID-19, mesmo tras asignarlle a esta Central de Seguimento tarefas que ata agora encomendaba ao persoal médico de Atención Primaria, como a petición de probas PCR para contactos estreitos de persoas contaxiadas

En declaracións a 'La Razón', os herdeiros do ditador confirman que teñen en marcha a contratación de "entre trinta e cincuenta camións" para baleirar o Pazo, que conta no seu interior con "obxectos de moitísimo valor"

O descenso de novos casos coincide cunha baixada na cifra de PCR que, malia seguir en máximos da pandemia, son ata o sábado unhas 9.000 menos que a semana anterior e seguen nunha taxa de positividade na contorna do 8%. O Sergas notifica outras cinco mortes que elevan o total a 981 e os ingresos ligados ao coronavirus en coidados intensivos son agora 89; a principios de outubro apenas superaban a trintena e nos primeiros días de setembro, a quincena

O xeneral golpista quedou co pazo o 5 de decembro de 1938, cando llo entregou a 'Junta Pro Pazo del Caudillo', culminando a operación financiada con achegas económicas forzosas. Os herdeiros de Franco din estar dispostos á entrega mentres non se resolve o seu recurso. Non obstante, a xuíza advirte de que "se non proceden á entrega voluntaria" o día fixado, a Policía procederá "ao inmediato desaloxo"

Sanidade suma 666 novos casos do coronavirus, 639 diagnósticos mediante PCR, e a incidencia acumulada a 14 días descende por primeira vez dende hai un mes. A porcentaxe de probas PCR positivas segue na contorna do 8% e destaca a suba de positividade na área de Lugo, afectada polo brote detectado na residencia de maiores de San Cibrao

A Xunta aceptou, tras catro meses, remitir ao Parlamento a segunda parte do seu estudo de seroprevalencia do coronavirus, á que tivo acceso Praza.gal. Estima que apenas un 1,2% da poboación galega estivera exposta ao virus e inclúe unha conclusión dunha única frase: "O valor da prevalencia da positividade en Galicia é tan baixo que non se pode contar con practicamente ningunha protección derivada da inmunidade de grupo"