A diferenza entre os datos do Sergas e do Ministerio sobre o virus está nos casos acumulados e nas mortes en residencias
A disparidade responde a dous xeitos de presentar os mesmos datos: o Ministerio indica o total de casos acumulados e a Xunta distingue entre activos, falecementos e altas. As 95 persoas que figuran como falecidas nos datos do Sergas e non nos do Ministerio, que si as computa no total de casos acumulados, correspóndense cos falecementos nas residencias
- Datos Coronavirus
- Acontece
O descenso da hospitalización por coronavirus en Galicia acada o seu maior ritmo e a metade de novos casos son en residencias
Galicia rexistra 6.085 positivos activos, 66 máis dos que case o 50% proceden de residencias; os falecementos chegan a 405, un incremento de 14 persoas das que sete vivían en centros de maiores e dependentes. As altas seguen aumentando máis que os positivos activos e chegan xa ás 1.383
Pagar agora un viño por internet e tomalo nun bar de Lugo despois da pandemia
O concello lucense lanza xunto á asociación de hostalaría e a Federación de Comercio da cidade o proxecto 'Cos de sempre', un sitio web no que a veciñanza que o desexe poderá adquirir produtos ou servizos de pequenos comercios e locais hostaleiros para consumilos cando poidan reabrir tras a pandemia do coronavirus
A Xunta desbota usar os hospitais de campaña na Coruña e Santiago ao dar por "superado o pico" da pandemia
Feijóo dá por "desactivada a fase aguda" da pandemia da covid-19 e sitúa o "pico" na contorna da primeira fin de semana de abril. A Xunta sinalara que prevía unhas 400 camas nos hospitais de campaña de Expocoruña e o Multiúsos Fontes do Sar; Galicia conta cunhas 7.000 camas públicas e arredor de 2.000 privadas
- Datos Coronavirus
- Acontece
O coronavirus segue a frear en Galicia con 6.000 casos activos e sete mortes máis, cinco delas en residencias
Os positivos activos chegan a 6.109, un 0,77% máis, e as altas medran un 4,68% e chegan ás 1.298. Xa se rexistran 391 falecementos ligados á pandemia e as persoas que precisan asistencia na UCI por esta causa diminúen por undécimo día consecutivo
Turismo tras a pandemia: a Xunta aférrase ao Xacobeo e o sector pide apoio entre a incerteza
A maioría das voces expertas coinciden en que o levantamento do confinamento será gradual e implicará manter durante un tempo aínda indefinido restricións nas viaxes e nas concentracións de persoas, base dun sector que rolda o 10% da economía galega
Os casos de coronavirus volven medrar menos dun 1% en Galicia e un terzo dos novos falecementos son en residencias
Os positivos activos chegan este 14 de abril aos 5.973 e os falecementos son xa 384, quince máis que na xornada previa. As persoas dadas de alta son xa 1.240 e o seu número segue medrando por riba dos novos positivos detectados
Toda a oposición esixe a Feijóo explicacións sobre o coronavirus nas residencias e non limitarse "á propaganda na TVG"
PSdeG, BNG e Galicia en Común reiteran a necesidade de coñeceren información "pormenorizada" do que acontece nas residencias de maiores e dependentes por seren o principal "foco" da pandemia actualmente no país. Tras non recibiren a chamada da Xunta para un novo encontro con Feijóo medra o malestar entre as formacións da esquerda galega, que instan o Goberno a redobrar "a cooperación" ao estar o Parlamento disolto
- Datos Coronavirus
- Acontece
As altas de pacientes de coronavirus en Galicia medran o dobre que os novos casos e as mortes xa son 369
Os positivos activos chegan este 13 de abril aos 5.939 en Galicia, que segundo o Sergas xa rexistrou 369 falecementos pola covid-19. O número de persoas na UCI polo virus baixa por noveno día consecutivo
DomusVi ofrece emprego a estudantes de Medicina e Enfermaría nas residencias que suman máis mortes por coronavirus
Segundo os datos coñecidos a través da Xunta, os centros de DomusVi en Santiago e Cangas concentran uns 40 falecementos ligados ao coronavirus, respectivamente. A empresa subliña que os estudantes de último curso de Enfermaría e Medicina traballarán con "supervisión", na liña do estipulado polo Ministerio
- Datos Coronavirus
- Acontece
A hospitalización por coronavirus volve baixar en Galicia e o 40% das persoas falecidas vivían en residencias
Os positivos activos chegan este 9 de abril aos 5.551, un aumento do 1,7%, e as persoas falecidas son xa case 300. Un total de 910 persoas foron xa dadas de alta e volve diminuír o número de persoas hospitalizadas por mor da covid-19
Primeiro respiro parcial na pandemia para o persoal dalgunhas cadeas de supermercados
Algunhas das cadeas de supermercados con máis presenza en Galicia pechan tanto o xoves como o venres da Semana Santa. Nas últimas semanas, persoal dos supermercados e sindicatos reclamaron tanto medidas de seguridade ás empresas como responsabilidade á clientela