O PP tenta aplacar a súa marxe dereita cun recorte parcial do dereito ao aborto
Os conservadores presentan a reforma para recortar o dereito a interromper o embarazo ás mozas de 16 e 17 anos en vésperas da manifestación dos antiabortistas contra Rajoy. Os abortos de mozas menores de idade son apenas o 3% do total en Galicia.
Besteiro deixa a política local para "centrarse na construción dun proxecto para Galicia"
O líder do PSdeG confirma que se dedicará plenamente á política galega tras oito anos na Deputación de Lugo e traza as liñas mestras do seu programa, baseado "galeguismo de base económica".
O Sergas négalle á veciñanza os datos de mortalidade por infarto en Lugo
O Valedor do Pobo "reitéralle" formalmente ao Sergas a obriga de remitirlle un informe sobre as queixas da plataforma que reclama os servizos pendentes no HULA, polo que agarda dende finais de 2014. As protestas "van arreciar", advirte o colectivo cidadán.
A Xunta destina 45.000 euros máis a un novo torneo de golf por varias autonomías
A Axencia Turismo de Galicia organiza a quinta edición do seu torneo de golf, que se celebrará, como "mínimo", en Asturias, Cantabria ou La Rioja, Euskadi, Navarra e Madrid
O día en que Feijóo prognosticou a súa vitoria no "berce do nacionalismo"
O 17 de febreiro de 2009 Galicia estaba en plena campaña e unha das novas do día era un mitin que Feijóo e Baltar protagonizaran en Allariz. Alí os populares instaron a "pararlle os pés ao bipartito" para que PSdeG e BNG non acabasen "colgando aos alcaldes" do PP.
A Xunta deslígase da coordinación dos aeroportos en vésperas electorais
Tras destinar 30.000 euros a un estudo para coordinar os aeroportos o Goberno galego limítase a evidenciar que "hai que conseguir" esta coordinación "en beneficio de todos". O Sá Carneiro do Porto seguiu gañando tráfico en plena crise mentres Lavacolla, Alvedro e Peinador o perdían.
Sanidade incendia a precampaña municipal en Lugo
A plataforma cidadá que reclama os servizos pendentes para Hospital de Lugo anuncia unha manifestación para tres días antes das eleccións municipais despois de que a conselleira Rocío Mosquera se negase de novo a que a unidade que atende infartos abra as 24 horas. Concello e Deputación planean declarala "persoa non grata".
Crespo volve advertir: "Persoas moi importantes do PP están moi tocadas, teño probas"
O presunto líder da trama Zeta asegura que Pachi Lucas recibiu "todas as bendicións" de Feijóo para "traballar" con el e ameaza con revelar datos incriminatorios contra o presidente da Xunta, Romay Beccaría, Negreira e Beatriz Mato.
"A confluencia política dáse na rúa, se é así os dispositivos electorais nacen automaticamente"
ENTREVISTA David Fernández, cabeza visible da CUP catalá, comparte actos en Galicia coa Marea Atlántica e Anova e pon o acento en que a crise é "tamén das esquerdas que se comportaron como dereitas". Fernandez reivindícase como "independentista e de esquerdas" porque "cómpre recuperar as palabras, que é o primeiro que nos rouban", e advirte de que o proceso soberanista en Catalunya non é para "baixar unha bandeira e erguer outra".
A Xunta anuncia unha axuda para a luz equivalente a un recibo e medio ao ano
Dous días despois de vetar unha lei para impedir os cortes de enerxía a quen non poida pagala Feijóo anuncia unha suba no subsidio do "tícket enerxético". O prezo medio por recibo achégouse aos 150 euros en decembro.
"En Gaza hai nenos que non poden falar dende a última ofensiva israelí"
ENTREVISTA Raquel Martí, directora do comité español da axencia da ONU para as persoas refuxiadas en Palestina, visita Galicia para poñer o foco na grave crise humanitaria que padece a poboación de Gaza, onde "é difícil falar de dereitos humanos mentres haxa unha ocupación militar" de Israel.
Pleno de problemas coa Xustiza no primeiro goberno do PP en Santiago
A concelleira de Turismo de Santiago, imputada por un presunto delito de tráfico de influencias por mor dunha mensaxe na que lle pedía ao edil de Tráfico se podía "facer algo" cunha multa que lle viñan de impoñer. Feijóo esfórzase en desligar a Hernández dos conflitos xudiciais do consistorio.