Marcos Pérez Pena

Libre acceso a persoas e colectivos, funcionamento asembleario e autofinanciamento definen as emisoras libres, que buscan "darlles voz aos sen voz". O traballo voluntario suple os obstáculos impostos pola administración, que as manteñen nunha situación de alegalidade. Falamos con Cuac FM, Radio Filispim e Radio Piratona.

Os investimentos en instalacións fotovoltaicas de máis de 2.600 familias galegas quedaron no aire tralos cambios normativos retroactivos do Goberno. Esta fin de semana chega a Lugo e Santiago a campaña Camino del Sol, da Asociación Nacional de Productores Fotovoltaicos. Falamos co seu secretario, Juan Castro Gil

Núñez Feijoo asegurara que o convenio que o Goberno galego asinou con Defensa o pasado ano tiña como obxectivo a investigación "do potencial de avións non tripulados para uso civil". O Searcher MK II J, de fabricación israelí, foi empregado contra a poboación palestina, denuncia AGE.

Os votos de Ferrol en Común, PSdeG-PSOE, BNG e Ciudadanos botan abaixo a ordenanza que deu orixe ao tributo, unha vez comprobado que Emafesa estaba a cobrar por un servizo de depuración que non realizaba.

O novo equipo xestor deste centro social autoxestionado da Coruña vén de anunciar que en outubro comezará a nova programación cultural. Mantén "o espírito de centro social aberto e participativo co que se iniciou o anterior proxecto", destacan nesta entrevista.

A Coruña acolle esta tarde a presentación dos procesos participativos impulsado polo Goberno municipal, que comezarán coa organización en distritos, nun traballo conxunto coas entidades sociais e cos veciños e veciñas. Falamos coa concelleira de Participación, Claudia Delso.

Galicia non aplicou ningunha medida que asegure o acceso gratuíto de mulleres soas e de parellas lesbianas a tratamentos de fertilidade, limitado polo Ministerio de Sanidade a pacientes con parella masculina. Falamos con Elísabet Pérez (Nós Mesmas)

Falamos con David Paz, un dos integrantes do equipo fundador da Casa Tomada, o Centro Social de Intervención Artística que este mes de agosto pechou as súas portas. Foi tan só un 'deica logo'. Un novo equipo comezará alí un novo proxecto que manterá os obxectivos iniciais do espazo.

ENTREVISTA Falamos con Luis Babiano, xerente da Asociación Española de Operadores Públicos de Abastecemento e Saneamento, que a vindeira semana estará en Galicia para coñecer os procesos de remunicipalización da auga en Santiago, Teo ou Ferrol e o funcionamento da empresa municipal da Coruña, que pode servir de modelo.

O rexedor ferrolán, Jorge Suárez, non asistiu á ofrenda á Virxe dos Remedios, na que o Concello de Vilalba lle pediu á imaxe "sabedoría" para solucionar os problemas da mocidade, do campo e dos refuxiados. Alfonso Rueda e Ethel Vázquez representaron á Xunta na cerimonia.

Co gallo do Día Mundial de Prevención do Suicidio, a plataforma reclama "visibilizar" este asunto e un plan específico para o seu tratamento. A nosa comunidade rexistra a taxa máis elevada de casos en toda España, cun forte incremento nos últimos anos.

Os traballadores e traballadoras de Diario de Ferrol, Diario de Arousa, El Ideal Gallego e DXT levarán a cabo unha nova folga o vindeiro 15 de setembro. Falamos con Alberte Amado (CIG) sobre a situación desta empresa, que reduciu un 40% o seu persoal nos últimos anos.