O teatro galego responde a Manuel Guede
O director do CDG sinala que o teatro galego non evolucionou e non chega ao gran público. Avelino González (AAAG) sinala que o único que falta son recursos materiais, apoio das administracións e visibilidade mediática. E Salvador del Río (Escena Galega) subliña que o gran problema é a ausencia de programación estable.
Os veciños organízanse para frear a construción da autovía Pontevedra-Vilaboa
A plataforma 'Salvemos a Fracha' celebrará unha asemblea o vindeiro venres 16 na Casa Cultural de Marcón. Sinalan que o proxecto da A57 é "innecesario", gastará 86 millóns de euros e provocará un gran prexuízo medioambiental e social na zona.
Resurrection Fest: Viveiro está feito de metal
Falamos con Iván Méndez, director do festival, convertido xa nun referente en toda a Península para o metal, o punk e o hardcore, e que o pasado ano reuniu máis de 33 mil asistentes. Do 31 de xullo ao 2 de agosto pasarán por Viveiro Megadeth, NOFX, Down ou Amon Amarth.
"O ser humano debe ter liberdade de circulación, para ir buscar a vida onde poida"
Ourense acolleu unha xornada sobre A emigración hoxe en Galiza, organizada por Anova, con achegas académicas e tamén dos movementos sociais, e na que destacou a intervención do senegalés Mamadou Niass, que advertiu que "a xente vai seguir vindo a Europa, porque é aquí onde levaron a riqueza de África"
Conta atrás para salvar os 135 anos de actividade do Ateneo Ferrolán
A entidade pon en marcha a campaña Salvemos o Ateneo ante a negativa do Concello a pagar os 39 mil euros que se comprometera a achegar para recuperar o patrimonio da institución, trasladado pors obras de rehabilitación. Cren que a estratexia municipal pasa por "castigar" unha actividade cultural "incómoda".
"Caballero quere aproveitar a debilidade do movemento veciñal de Vigo para facerse co seu control"
Anxo Iglesias, secretario da Asociación de Veciños de Teis, denuncia que o intento de privatización do Centro Cívico do barrio agocha unha manobra para controlar o movemento veciñal vigués no seu conxunto. Audio no interior.
"Ante a violencia de xénero a xustiza non o está a facer todo o ben que se esperaría dela"
A Mesa contra a Violencia de Xénero de Pontevedra denunciou esta semana que o incremento das sentenzas de conformidade deixa desprotexidas as vítimas, e anuncia unha xuntanza coa Fiscalía para tratar esta situación. Falamos Carmen Fouces, concelleira de Servizos Sociais
A sanidade mobilízase ante "o maior peche de camas da historia"
CIG, CCOO, CESM-OMEGA, CSI-F, SAE e UGT denunciarán o 14, 21 e 28 de maio que o número de persoas en lista de espera supera as 60 mil, moi por riba das 38 mil recoñecidas pola Xunta, á que acusan de preparar o camiño para a implantación da sanidade privada.
Un Díaz Castro 'de cine'
Proxecto Nimbos, o chamamento lanzado por Acto de primavera para elaborar curtametraxes a partir dos poemas de Xosé María Díaz Castro, suma xa 13 obras, que se poden ver a través de youtube. Falamos con Martin Pawley, promotor da iniciativa.
Cáritas demanda que a RISGA se converta nun "dereito obxectivo" das persoas sen recursos
No seu informe Coidemos os dereitos lembra que en Galicia hai case medio millón de pobres, 120 mil deles en situación de pobreza severa. Sinala que "só poderemos considerar o noso sistema democrático se garantimos os dereitos dos máis vulnerables". Falamos co seu voceiro, Miguel Fernández.
Para que a Casa da Xuventude de Ourense volva ser o que foi
Unha plataforma reclama a recuperación dunha institución que durante tres décadas foi o centro da cultura na cidade e que dende hai tres anos se atopa paralizada, debido á excesiva burocratización e ao control político da Xunta, exercido por Mercedes Valeiras, curmá de Núñez Feijoo
O presidente da comunidade de montes de Cabral, imputado por apropiación indebida
A fiscalía acusa a Luis Rodríguez de "apropiación indebida" por unha permuta ilegal de terreos, seguindo unha denuncia dos comuneiros opostos á actual xunta reitora. Este sábado unha andaina celebrará a "segunda primavera de Cabral".