Marcos Pérez Pena

Alberto Pena, profesor da Facultade de Comunicación da Universidade de Vigo, vén de publicar un estudo que salienta a eficacia comercial da lingua galega e das especificidades do país: "Galicia vende. Galicia ten valores que poden servir para promocionar desde un viño ata unha marca de roupa"

Do 16 ao 22 de setembro celébrase en toda Europa a Semana da Mobilidade, con actividades en varias cidades galegas. Falamos con algúns activistas en defensa do uso da bicicleta, cada vez con máis usuarios pero aínda con numerosos obstáculos e dificultades

Do negro ao verde. Despois do incendio arrasou case por completo o espazo natural, a asociación Monte Pindo Parque Natural fai balance da desfeita e comeza a traballar na recuperación. E tamén reitera as críticas á xestión realizada polo goberno galego. 

No 80 aniversario da participación de Galicia nunha xuntanza da Sociedade de Nacións, primeiro recoñecemento oficial como nación, falamos con Xulio Ríos, director do IGADI e da Fundación Plácido Castro: "sen estratexias avanzadas de acción exterior Galicia está fóra de xogo"

Do 16 ao 18 de setembro de 1933 celebrouse en Berna (Suíza) o IX Congreso de Nacionalidades Europeas, organismo da Sociedade de Nacións, no que participou Plácido Castro, e que recoñeceu a Galicia como nación.

Ramón Noceda, alcalde de Carnota, denuncia o desleixo da Xunta, tanto pola ausencia de políticas de prevención dos incendios coma á hora de protexer o espazo do Monte Pindo. "Perdeuse o que nunca se debeu de perder", di, e destaca a actuación dos veciños: "se non fose polo seu esforzo, que traballaron defendendo os seus bens e as súas vivendas, non terían saído adiante"

Xeopesca é unha aplicación desenvolvida com licenzas libres co obxectivo de rexistrar a actividade pesqueira dun barco ou dun conxunto de barcos, facilitando o intercambio de información, a análise dos recursos mariños para optimizar as capturas e a comercialización do produto.

O festival consolida a súa singular proposta, nun escenario irrepetible e mantendo a calidade e orixinalidade da súa oferta musical. Unha serie de debates sobre a cultura autónoma ou temáticas de xénero completou o menú.

Catro novas xornalistas galegas levan unha semana en Marrocos coñecendo de primeira man a loita das organizacións locais a prol do desenvolvemento. A iniciativa da Asociación Galega de Reporteiros Solidarios e a ONG Asemblea de Cooperación pola Paz pódese seguir nun blog actualizado a diario.

Alonso Caxade, acordeonista en Pel de Noz, Cuarteto Caramuxo e bombardinista na Orquestra Os Modernos, grava estes días o seu primeiro álbum en solitario, que editará en novembro. O seu proxecto mestura elementos do indie, da "poética do folk como canción reivindicativa" e o son das bandas de música, "as grandes esquecidas en Galicia"

Estes días Vimianzo mantense nun compás de espera ante a controvertida sentenza que lexitima a moción de censura presentada en marzo por seis concelleiros, varios deles tránsfugas. O alcalde, Manuel Antelo, amósase tranquilo por ter a lei da súa parte, pero pídelle a Feijoo que non consinta "a comisión dun delito" por parte de edís do PP.

Xosé Manuel Pereiro, Manuel Rivas e Iago Martínez presentan na Coruña o número 0 dunha revista mensual que verá a luz en outono. Busca recuperar o xornalismo "de textos longos" e de "contar historias". "O que pretendemos non é satisfacer a demanda do que xa se quere, senón incrementar a oferta do que non hai", conclúen.