Praza Pública

O accidente sáldase con sete persoas falecidas e só dúas sobreviventes, unha delas o condutor. Unha persoa que viu a varanda estragada na ponte e unha segunda chamada dende o interior do bus, que cubría a liña Lugo-Vigo, alertaron os servizos de Emerxencias. Foi precisa a intervención de axentes de actividades subacuáticas e dun helicóptero de Gardacostas para recuperar os corpos

Mercedes Queixas (BNG) advirte de que os peores datos se rexistran "nas mocidade que empezou os estudos co decreto do timo do plurilingüismo", nacido do "sometemento" do PP ao "xugo negacionista" de movementos como as "infelices manifestacións" que secundara o actual presidente Rueda. A iniciativa do Bloque para deseñar "un plan específico para superar o estancamento no uso do galego" recibiu o apoio do PSdeG, pero o "non" do PP impediu aprobala

As dependentas das tendas de Inditex da provincia da Coruña suspenden a folga tras lograr unha mellora retributiva que "responde ás demandas trasladadas" cun incremento de 322 euros mensuais retroactivo a novembro, cando comezaron as protestas

O maior número de prazas libres serán para orientación laboral, 130, seguidas de 70 prazas para persoal de limpeza e cociña

"As alternativas de ocio contribúen de forma xeral a crear entre a propia mocidade unha imaxe positiva do lugar onde viven", asegura a deputada responsable da área de Mocidade da Deputación de Lugo, Mónica Freire, que debulla algunhas iniciativas clave do mandato

No novo episodio do Fálase poñemos contexto ao veto do Tribunal Constitucional fronte á reforma para renovalo; con Carlos Amoedo sabemos máis da importancia política e xurídica do veto e da súa posible evolución. Ademais, achegámonos ao Nadal de Vigo e ás súas múltiples facianas

Os galardóns entregaranse o sábado 28 de xaneiro no Pazo da Cultura de Carballo. Será o xurado quen decida finalmente a proposta gañadora en todas as categorías, agás no Premio do Público, que se elixe por votación popular a través da rede

O proxecto impulsado polos concellos de Cariño, Cedeira, Cerdido, Moeche, Ortigueira, San Sadurniño e Valdoviño e a Deputación da Coruña recibe o informe favorable do organismo dependente da ONU e a súa designación oficial debe ser ratificada o vindeiro mes de maio. Na actualidade hai no planeta 177 parques xeolóxicos de gran valor natural, un deles en Galicia: O Courel.

Unha manifestación convocada pola formación nacionalista demanda en Compostela unha "saída xusta e galega" á actual situación de encarecemento da vida, que Pontón cualifica de "estafa á maioría social". O Bloque esixe tamén mellorar a "rede de protección social" e "blindar" a sanidade e todos os servizos públicos

A vila lucense acolle este domingo, Día Internacional da poboación migrante, a estrea do documental Si ka badu, ka ta biradu (Se non marchas, non podes volver), elaborado por Agareso, e que retrata a través de catro xeracións a importancia que ten o traballo invisible das mulleres migrantes na supervivencia e no benestar das súas familias

A escritora finou este sábado en Lisboa aos 85 anos de idade. Membro de honra da RAG e primeira muller doutora honoris causa da USC, reflectiu en obras coma 'A República dos soños' a epopea da emigración galega a América e reivindicou en todo momento a súa identidade mixta, construída nunha e noutra beira do Atlántico

O PSdeG celebrou este sábado o seu Comité Nacional Galego, o principal órgano entre congresos da formación. O líder dos socialistas galegos, Valentín González Formoso, chamou a "dalo todo" nos comicios locais e fixo tamén fincapé na importancia das eleccións ao Parlamento galego: “aspiramos ao máximo nas autonómicas para representar ao pobo ao que lle debemos todo”.