A CIG mobilizouse "por unha saída xusta da crise" e unha maior intervención pública na economía
O sindicato levou a cabo manifestacións e concentracións en 18 cidades e vilas galegas, actos nos que reclamou a derrogación das dúas últimas reformas laborais e das pensións e propuxo a participación da Xunta en proxectos empresariais clave ou a nacionalización das plantas de Alcoa ou Alu Ibérica.
Un Día dos Medios en Galego con "moito que sachar" para normalizar o uso da lingua
Este domingo celébrase do Día dos Medios en Galego, que conmemora o aniversario do primeiro número de O Tio Marcos d'A Portela, primeira cabeceira de masas publicada en galego. O IGE amosa que existe unha importante demanda de máis contidos na lingua propia do país, pero a realidade idiomática do consumo de medios é moi distinta.
O 'illamento solitario', un "cárcere dentro do cárcere" que Esculca esixe eliminar
Dende hai semanas o Observatorio para a Defensa dos Dereitos e Liberdades vén impulsando unha campaña pola abolición do confinamento solitario en prisión, que sofren un milleiro de persoas no Estado e que provoca grandes prexuízos físicos e sobre todo psicolóxicos.
Naturgy centraliza en Madrid o control da rede eléctrica galega e destrúe 28 empregos na Coruña
A eléctrica só ofrece aos traballadores afectados a alternativa de trasladarse á capital do Estado e xustifica a decisión no "avance das novas tecnoloxías e a dixitalización" que "permiten dar cobertura a toda a rede desde un único punto".
- Con vídeo
- Ciencia e tecnoloxía
O Instituto Galego de Física de Altas Enerxías impulsa un novo detector para o CERN na procura de partículas aínda non descubertas
O IGFAE, centro mixto da USC e a Xunta de Galicia, co-lidera o proxecto de instalación dun novo instrumento, CODEX- b, co obxectivo de achar as denominadas partículas de longa vida, que poderían achegar nova información sobre a estrutura da materia ou a orixe do Universo.
Reclaman á Xunta "transparencia" no reparto dos fondos de recuperación para non beneficiar "as grandes empresas contaminantes"
Están convocadas concentracións na Coruña, Chantada, Compostela, Pontevedra, Ourense, Ordes, Betanzos, Lugo, Vigo, Vilagarcía, Vilalba e Ferrol. Unha ducia de entidades sociais denuncian que a Xunta "semella ter repartido xa o pastel, enfocando unha gran parte dos recursos cara á industria enerxética e as empresas que pretenden lucrarse cun novo espolio dos recursos do sector forestal"
A alcaldesa de Boimorto mantense no cargo tras vacinarse contra a COVID malia as advertencias previas de Feijóo
O PPdeG abriulle un expediente disciplinario á alcaldesa, á que suspendeu cautelarmente de militancia á espera de "explicacións claras", pero quedará en nada ao pedir ela mesma a baixa do partido
O Servizo de Normalización da USC presenta unha nova ferramenta para mellorar os correctores lingüísticos dos ordenadores
O SNL incorpora un suplemento especializado de termos vencellados ás Ciencias da Saúde, que se engade aos xa publicados dos eidos da Economía e Empresa, Dereito e Matemáticas. Poden ser incorporados de balde aos programas de corrección empregados no LibreOffice ou no MS Office
Rebelo de Sousa revalida a presidencia de Portugal co 60% dos votos nas eleccións marcadas pola COVID
O xefe do Estado portugués logra recuncar no cargo con 8 puntos máis que hai cinco anos nuns comicios con dez puntos menos de participación que en 2016. Comprométese a "fazer esquecer as xenofobias, as exclusões, os medos instalados" no inicio do mandato en que será conmemorado medio século do 25 de abril. A segunda candidata máis votada, Ana Gomes, dá por logrado o obxectivo de que a extrema dereita saíse das urnas convertida en "alternativa"
- Vídeo
- Ciencia e tecnoloxía
'The Waylanders' inclúe a versión en galego e unha recreación da Compostela medieval no lanzamento do videoxogo en todo o mundo
A versión completa do xogo estará dispoñible esta primavera, pero na súa compra anticipada xa chegou a máis de 150 países dos cinco continentes. Trátase dunha superprodución do estudio coruñés Gato Salvaje que recrea lendas e escenarios celtas e medievais.
56 concellos máis pasan ao nivel máximo de restricións, entre eles Vigo e Pontevedra
Un total de 115 localidades, nas que vive o 72% das poboación galega, terá así as medidas máis duras, que implican limitacións de mobilidade, coa prohibición de entrar e saír do termo municipal, e o peche de toda a actividade interior da hostalaría.
- Vídeo Coronavirus
- Acontece
Galicia comeza a administrar a segunda dose da vacina e inicia a inmunización contra a COVID
Nieves Cabo, primeira persoa vacinada no país, recibe a segunda dose este domingo e inicia o camiño cara á inmunidade, que prevé ser total entre usuarios e persoal das residencias antes de finalizar febreiro.