Finaliza a restauración do Pórtico da Gloria, que permite aprecialo con todas as súas cores
GALERÍA DE IMAXES | Veñen de rematar os traballos iniciados hai tres anos co obxectivo de protexer a obra, moi deteriorada, e recuperar o seu aspecto orixinal. A actuación, xunto con outras accións realizadas pola Fundación Barrié na Catedral de Santiago, tivo un orzamento de 6 millóns de euros.
Investimento en ciencia e respecto pola paisaxe, principais reivindicacións das Medallas Castelao
Feijóo aproveita o seu discurso en San Domingos de Bonaval, dez días despois de renunciar á loita por presidir o PP, para dicir que “Galicia non é un lugar de paso”
Galicia celebra o Día do Orgullo, unha xornada de defensa da diversidade e da liberdade de ser
Todas as cidades presentan estes días (algunhas xa o fixeron a pasada semana) unha completa programación de actos e as bandeiras LGTBI+ coas cores do arco da vella locen en edificios públicos, mercados e rúas. Hai 40 anos tiñan lugar as primeiras mobilizacións no Estado español.
Os bombeiros da provincia de Lugo ven equiparado o seu salario aos do resto de Galicia
O presidente da Deputación, Darío Campos, critica que a suba demorouse desde hai dous anos porque a Xunta non achegou a súa metade do incremento
Case 250 mil persoas sofren problemas de acceso á sanidade en Galicia por listas de espera ou transporte
A Enquisa Nacional de Saúde reflicte que case un cuarto de millón de persoas tivo o pasado ano demoras no acceso á atención sanitaria ou, directamente, non puido acceder a ela. Así mesmo, 72.600 galegos e galegas víronse privadas de medicación por motivos económicos. A situación é aínda máis negativa no conxunto do Estado
'Cándido y los demás', de Fran Pintadera e Christian Inaraja, Premio Compostela de Álbum Ilustrado
Destacouse a “variedade e calidade” dos traballos presentados ao certame, procedentes de 18 países. Houbo unha lembranza especial á figura e ao legado literario do escritor Xabier P. DoCampo, que foi integrante do xurado do galardón en dúas ocasións, a última o ano pasado.
8 vídeos para lembrar a Xabier P. Docampo
Na madrugada do luns ao martes finou Xabier P. Docampo. Déixanos as súas palabras e os seus libros, o seu sorriso e a súa "voz de trebón", a súa habelencia para a conversa e para o relato. Son moitos os vídeos que hoxe podemos repasar para lembralo
A cultura galega chora o falecemento de Xabier P. Docampo
O escritor e mestre finou esta noite aos 72 anos de idade. Durante toda a súa vida estivo ligado ao ensino e pedagoxía. Con ducias de libros publicados, converteuse nun dos grandes renovadores da literatura infantil-xuvenil galega.
A Fiscalía mantén a petición de 5 anos de prisión para Emilio Cao
Este luns celebrouse en Madrid a vista oral do xuízo contra o mozo carballiñés, que estivo acompañado dunha concentración de apoio e pola presenza de representantes de En Marea no Congreso e no Parlamento galego. "Síntome máis tranquilo e seguro. A verdade está da miña parte, non hai ningún delito", destaca.
A Coruña uniuse este luns ás cidades cun casco histórico peonil
A Cidade Vella pasa a ter todas as súas rúas peonalizadas, unha medida que o Concello acompaña dun plan de reviltalización do barrio, 248 prazas de aparcamento para residentes e axudas á rehabilitación e para o asentamento de poboación permanente
VíDEO | "O cole rural que mola"
O CPI Virxe da Saleta de Cea (O Cole de Cea) conmemora o seu 50 aniversario cunha canción e cun vídeo titulados "O Cole Que Mola". Dende o centro educativo destacan que se trata "dun cole rural, cheo de vida, que quere seguir así por moitos anos máis"
O CEMMA rescata o seu golfiño número 3.000 en Galicia e alerta da súa mortalidade por pesca accidental
A entidade iniciou a súa actividade en 1990 e só no que levamos de 2018 localizou 96 exemplares desta especie varados nas nosas costas. Calculan que máis de 200 golfiños morren cada ano por capturas accidentais de pesqueiros galegos e tamén subliñan o prexuízo causado polos plásticos.