Praza Pública

Os actores, actrices, dramaturg@s, director@s ou escenógraf@s, formados e formadas na Escola Superior de Arte Dramática amosarán entre o venres e o domingo as súas propostas no Auditorio municipal. E coas entradas regalaranse tapas e degustacións en varios bares e cafetarias da cidade.

O 1 de febreiro de 1993 morreu de cancro na Coruña despois dunha vida de loita compaxinando durante anos o seu labor como crego e a súa militancia política: nacionalista e de esquerdas. O BNG homenaxéao este sábado no cemiterio de Santo Amaro coa intervención da poeta Pilar Pallarés.

Espazo Ecosocialista presenta un informe sobre a situación da investigación no noso país e reclama que "non haberá unha saída sólida da crise ata que esta debilidade en I+D+i se corrixa e se aposte por un modelo de desenvolvemento sustentable".

Os promotores da iniciativa levarán o martes á cámara os apoios recibidos por esta proposta que pide un novo modelo da xestión dos residuos, desbotando a queima do lixo e apostando polos tres erres: redución, reutilización e reciclaxe.

Está convocada ás sete da tarde diante do Marco e coincidindo co 193 aniversario do nacemento de Concepción Arenal. As novas sobre o estudo da concesión do terceiro grao a petición do cárcere da Lama alimentan a esperanza do indulto.

Os nacionalistas convocan un acto simbólico para este xoves á tarde, coincidindo co pleno no que o rexedor compostelán, Ángel Currás, explicará a súa situación xudicial

A marcha está apoiada por todos os partidos da oposición, sindicatos e por varios concellos. Partirá ás 11.30 da Alameda e rematará aos pés de Monte Pío, residencia oficial do presidente da Xunta.

A Mesa, CIG, AGE ou Compromiso censuran a "belixerancia" e o "odio furibundo" do Goberno de Feijóo contra a lingua propia tras o anuncio de que recorrerá as sentenzas do decreto.

Os ministros de Agricultura da UE examinaron este luns en Bruxelas un informe da Axencia Europea de Seguridade Alimentaria (EFSA) que cuestiona o uso de tres tipos de pesticidas neonicotinoides para o cultivo de millo, colza e xirasol e este xoves a Comisión realizará unha proposta para limitar o seu uso.

Os votos do BNG permitiron aprobar a moción da Asociación Animalista Libera. A vila únese a Cangas, Dodro, Vedra, A Pobra do Brollón, Teo, Ares e Viveiro. Este xoves os plenos de Arteixo e Culleredo votarán resolucións semellantes.

A taxa de desemprego durante a etapa de goberno do actual presidente incrementouse en 9,1 puntos, máis que no conxunto do Estado. Durante o bipartito, a taxa de paro aumentou en pouco máis dun punto, mentres en España se disparaba en oito puntos.

Este mércores estrea o seu segundo episodio un programa, no que os concursantes debaterán de política e mesmo darán a súa opinión sobre a monarquía