Praza Pública

Dúas manifestacións, convocadas pola Asociación pola Defensa da ría de Pontevedra, saíron ás sete e media da tarde das Alamedas de Pontevedra e Marín, para esixir a paralización do proceso de renovación da AAI á planta e a marcha definitiva do complexo. As marchas rematarán cunha polbada colectiva na Praza da Pedreira.

Vítimas da estafa das participacións preferentes das antigas caixas galegas chegados de toda Galicia (uns seis mil segundo a organización) ocuparon as rúas da cidade, nunha manifestación que tamén criticou a xestión de Goberno central, Xunta e Banco de España. A marcha finalizou no Obelisco, pero ten previsto desprazarse á Praza de Azcárraga, na casa do presidente de Novagalicia Banco, José María Castellano, onde se fará un xantar con bocadillos de chourizo.

Este sábado comeza en Vigo a segunda edición do Festival Émundial, que durante tres semanas traerá a Vigo concertos, mesas redondas ou obradoiros. Porén, este venres o Concello desvinculouse da organización "sen dar explicacións", segundo AGAL, que denuncia "boicote". A inauguración do festival e os eventos desta fin de semana, comezando polo Encontro de Escritores da Lusofonía, trasládanse da Casa Galega da Cultura ao Hotel Bahía.

Os actos, concerto, mitins, conferencias e debates desenvolveranse ao longo do sábado no barrio de Caranza. Destaca unha mesa redonda sobre as folgas e sucesos do 72, que contará coa participación de Rafael Pillado, ex secretario xeral do partido, e de Waldino Varela, fundador das CCOO en Vulcano.

Fiare organiza mesas redondas e reunións ao longo do mes de xuño en Betanzos, Vigo, Coruña ou Compostela. O pleno do Concello de Manzaneda aprobou por unanimidade a súa entrada en Fiare Galiza, converténdose na primeira administración municipal que o fai.

A Coordinadora lembra a importancia desta decisión, que se toma no momento de formalizar a matrícula e que ten unha vixencia de tres anos. Sinala que só o ensino en galego garante que os nenos e nenas teñan "competencia nas dúas linguas para poderen no futuro decidir cal queren usar"

Segundo manifestou Xosé Luís Armesto, subir a nota mínima para obter unha bolsa vai en contra da igualdade de oportunidades dos estudantes ao esixirlle un maior rendemento académico aos alumnos bolseiros. “Os estudantes que solicitan estas bolsas proceden dun contorno económico máis desfavorecido e segundo os expertos, o contorno social dun alumno inflúe notablemente nas cualificacións", dixo

Na clasificación, elaborada por unha trintena de expertos, a Universidade de Vigo é 16ª, A Coruña é 17ª e Santiago é 22ª. Encabezan a lista as universidades de Granada, Zaragoza e La Laguna.

Conde Roa, caso perdido, do periodista de El País José Precedo, inaugura a colección Xornalistas de 2.0 Editora, na que se irán publicando crónicas e reportaxes de actualidade realizadas por profesionais. O libro esmiuza a carreira política do ex acalde de Compostela, os seus excesos como figura política e a súa incursión marrada nos negocios inmobiliarios. Praza ofrécevos o primeiro capítulo do libro, que se presenta este venres en Santiago.

O polémico proxecto, situado nos concellos de Ponteceso, Cabana de Bergantiños e Coristanco, atópase en exposición pública para acadar a consideración de "estratéxico". Colectivos veciñais e ecoloxistas alertan da contaminación que xeraría unha explotación, de escasos beneficios para a comarca.

O Grupo Municipal de Esquerda Unida en Ferrol denuncia o comportamento da alcaldía da cidade departamental, "que coa súa intransixencia e desdén pola masiva mobilización das traballadoras e traballadores de Navantia, fura aínda máis na feble credibilidade da alcaldía desta cidade".

No programa destaca ademais a retrospectiva dedicada a Peter Kubelka, a estrea en España de The Pettifogger, de Lewis Klahr -un dos máis recoñecidos creadores da animación contemporánea-, os encontros que Alberte Pagán manterá co público ou a proxección dos primeiros Super8 de La Cuadrilla (Santiago Aguilar, Luís Guridi e Raúl Barbé)