A Coruña

Hai ano e medio acordouse a futura venda dos peiraos de Batería e Calvo Sotelo, que pasarían a pertencer nun 75% ao Concello e nun 20% á Xunta. Porén, este domingo o voceiro municipal, Lage Tuñas, descartou esta posibilidade, lembrando as declaracións do presidente da Autoridade Portuaria, que asegurou que a actividade crecente de Punta Langosteira será suficiente para cadrar as contas

A asociación O Mural, que dende hai anos reclama con In Nave Civitas protección para os frescos que o artista pintou nun baixo da rúa Olmos da Coruña, presentou a solicitude ante a Dirección Xeral de Patrimonio. As pinturas sofren un gran deterioro por mor da humidade e as filtracións de augas nun inmoble abandonado dende hai tres anos

As dependentas das tendas de Inditex da provincia da Coruña suspenden a folga tras lograr unha mellora retributiva que "responde ás demandas trasladadas" cun incremento de 322 euros mensuais retroactivo a novembro, cando comezaron as protestas

Sanidade pasa de argumentar que non eran rendibles a estimar un beneficio antes de impostos duns 12.000 euros ao ano

A ministra Calviño e a alcaldesa da Coruña, Inés Rey, especifican que ambas administracións ultiman un convenio para a instalación da AESIA, que xa contaba con 5 millóns nos Orzamentos do Estado deste 2022. Formoso afirma que "como galego, dan mágoa as palabras dun ex-presidente poñendo en dúbida a adxudicación á Coruña, só podemos enmarcalas no seu seguidismo permanente de Ayuso"

O ex-presidente da Xunta e o actual titular coinciden en felicitarse pola elección do Goberno de Pedro Sánchez pero o primeiro sementa dúbidas sobre a transparencia do proceso e o segundo di que “os criterios acreditan que a da Coruña foi unha elección correcta"

O BOE publica a valoración detallada dos diversos criterios que tivo en conta o Goberno de España para elixir a candidatura galega fronte ás de Alacante e Granada

A Xunta e as principais forzas políticas coinciden en sinalar que a elección da Coruña para albergar a Axencia Española de Intelixencia Artificial beneficia o conxunto de Galicia

O Consello de Ministros concede á cidade herculina a desexada sede da AESIA, para a que se presentaran máis dunha ducia de candidaturas. A entidade, no marco da política de descentralización de institucións do Estado, supervisará o desenvolvemento desta tecnoloxía e converterase nun factor de impulso das TIC no país.

Tres xornalistas de La Opinión da Coruña, Enrique Carballo, Marta Otero e Iván Aguiar (con quen falamos) veñen de publicar o libro Mar Egeo. El día que ardió el mar, que reconstrúe o sinistro que tivo lugar hai 30 anos e as súas consecuencias posteriores a través de entrevistas con algúns dos principais protagonistas.

O 3 de decembro de 1992  un petroleiro cargado con 79.000 toneladas de cru encallou a carón da Torre de Hércules, provocando unha gran columna de fume e unha intensa marea negra que cubriu as Rías Altas. O desastre levou á promesa de que se adoptarían medidas para que este tipo de sinistro non se repetise e para contar con equipos axeitados para loitar contra a contaminación mariña. Pero pouco ou nada se fixo.

O groso do paro convocado nas tendas do grupo na provincia da Coruña terá lugar este venres coincidindo co black friday, pero este xoves adiantouse nalgúns comercios que xa facían descontos. A CIG destaca a "ampla participación", que "anticipa un seguimento histórico". Haberá manifestacións na Coruña, Santiago e Ferrol