Acontece

Persoal e usuarios dos centros de dependentes denuncian “agresións e roubos” por parte de mozos con problema mentais obrigados a convivir con anciáns en centros sen atención médica axeitada.

Galicia é un dos territorios do Estado, xunto con Asturias, cunhas taxas de suicidio máis elevadas, moi por riba da media española. Cada ano as entidades profesionais e sociais ligadas ao coidado da saúde mental fan fincapé en que os suicidios son "evitables". As novas Unidades de Prevención do Suicidio atenderon xa máis de 1.500 persoas.

No que levamos de ano os prezos dos alugueiros incrementáronse moi por riba da inflación, cun aumento do 6% no conxunto de Galicia, que é maior nas urbes e grandes vilas. Os aumentos dende xaneiro de 2022 superan o 15% na Coruña e o 14,5% en Santiago

A falta de profesionais nos centros de saúde volve provocar as denuncias de persoas usuarias. CIG-Saúde cualifica a situación de "caótica". 

O sindicato advirte que os catro centros, que lograron 74 concertos da Xunta tras obrigalos a Lomloe a non segregar, só ofertaron matrícula mixta en primeiro de Primaria, alegando que no resto de cursos as prazas xa estaban cubertas.

Nos últimos tempos estase a artellar toda unha revolución de nais ben informadas que loitan polos seus dereitos e os das súas crianzas que callou esta semana nunha nova vitoria na área de Santiago e Barbanza. Cesáreas acompañadas e pel con pel xa son posibles alí. E a revolta continúa.

Ata o 10 de setembro os visitantes poderán coñecer en Valongo, na área metropolitana de Porto, os lugares de interese das cidades do Eixo Atlántico, así como os seus produtos gastronómicos

Para a ORGACCMM, a reforma da lei de montes veciñais en man común busca "eliminar o carácter xermánico da titularidade veciñal para converter as terras comunitarias en titularidades de carácter privado e así poidan ser acaparadas por intereses empresariais alleos a veciñanza comuneira"