Acontece

O estudo do IGE sobre a carga de poboación estacional dos concellos galegos amosa que as cidades soportan moita máis poboación real que a indicada polas súas cifras oficiais, o mesmo que moitas vilas industriais e localidades turísticas. A estatística detalla os movementos diúrnos e nocturnos e mais os cambios entre un e outro trimestre.

Hai tres anos a Deputación de Lugo creou en Castro de Rei esta unidade pioneira que busca mellorar a investigación sobre o sector lácteo, central na economía galega e moi especialmente na lucense, e especialmente a formación do alumnado, pois acolle as prácticas do estudantado de Veterinaria. Falamos co seu coordinador, o profesor Luís Quintela (USC)

Comeza a tramitación da lei que veta estes refrescos —que consomen acotío 16.000 mozos en Galicia—, que prohibe fumar a menos de 50 metros de centros escolares e sanitarios e que permite á Administración multar Concellos que permitan o botellón.

O DOG publica este xoves os dous festivos de carácter local que haberá en 2024 en cada concello galego, e que se suman aos 12 festivos de carácter autonómico ou estatal xa confirmados previamente. Podes consultar nesta táboa interactiva os festivos locais no teu concello, ben seguindo a orde ortográfica, ou ben buscando directamente o seu nome

O 20% da rapazada di ter sufrido bullying e o 23% das familias considera que os seus pequenos sufrírono algunha vez, segundo un estudo publicado con motivo do Día Internacional contra a Violencia e o Acoso Escolar.

No proxecto, enmarcado na estratexia EDUSI, o Concello de Santiago leva a cabo a substitución de lámpadas por tecnoloxía LED, actuacións na envolvente dos edificios, instalación de caldeiras de gas natural ou biomasa, monitorización e xestión dos consumos enerxéticos