Un estudo do Instituto de Salud Global de Barcelona sinala que máis do 66% da poboación da urbe coruñesa vive en áreas con menos espazos verdes dos recomendados pola OMS, fronte ao 28,5% de Pontevedra ou o 25,4% de Santiago, das mellores situadas no ránking europeo.
O Ministerio de Sanidade e as comunidades aprobaron esta semana a administración de doses de reforzo aos maiores de 70 anos, pero tan só o 35% da poboación mundial está vacinada contra a COVID, o que incrementa o risco de mutacións resistentes aos actuais tratamentos. Falamos con Agustín Montes, profesor de Saúde Pública da USC, e con Xosé María Torres, voceiro de patentes da ONG Farmamundi, que cualifica a decisión de "egoísta"
A investigación oficial conclúe que a tripulación non calculou ben “a capacidade ascensional da aeronave" para saír do val no que entraran, con terreo escarpado, vento desfavorable e elevada carga de auga
Dende as 00:00 deste sábado decae oficialmente o mapa de restricións e entra en vigor o novo protocolo, marcado pola ampliación xeral ao 90% das ocupacións máximas en interiores. As persoas coa COVID ingresadas nos hospitais seguen sendo arredor de 40 e a campaña de vacinación está a piques de superar o 93% das persoas de 12 ou máis anos con pauta completa
Ducias de centros educativos acollen acotío dende hai semanas mobilizacións de familias, alumnado ou docentes que protestan polos recortes en profesorado e recursos. A Valedora investiga xa o caso do CEIP Rosalía de Castro en Carril, onde familias demandan máis persoal para a atención de seis nenos con necesidades educativas especiais
A Real Academia Galega e o Concello de Ames presentan o Mapa sociolingüístico escolar da localidade, que detecta unha perda do 10% de galegofalantes iniciais no primeiro contacto co medio educativo. Na secundaria só o 11% do alumnado é galegofalante e outro 11% bilingüe, fronte a un 77% de falantes habituais de castelán, a maioría deles monolingües
Asociacións de familias e persoas con enfermidade mental denuncian que a dispersión, a falta de servizos e a COVID dificultan o acceso á atención necesaria. Falamos con Alume, unha das asociacións que atende e acompaña persoas con estas doenzas na súa propia contorna.
Case o 70% da poboación de Galicia vive en municipios que rexistraron menos dunha decena de novos casos do coronavirus en 14 días. Apenas 40 persoas están ingresadas nos hospitais galegos con test positivo da COVID e a positividade das probas de detección do virus rolda o 1%.
Dende hai varios días persoal de enfermaría está a realizar dende os centros de saúde chamadas a quen consta como non vacinado. Falamos con dous destes profesionais sobre os casos que están a atopar, cunha parte significativa de persoas que residen noutras comunidades autónomas ou noutros países, onde xa foron inmunizados.
A Xunta disponse a plasmar no DOG unhas ampliación da ocupación máxima do 90% no groso de actividades sociais, económicas e culturais, onde xa non haberá límite máximo de persoas participantes. Nos concertos, a ampliación ao 90% aplicarase co público sentado; se está de pé, no exterior queda no 66% e no interior, no 50%. Na hostalería, a ocupación máxima das mesas pasa de 8 a 10 persoas no interior e de 15 a 20 nas terrazas
Idade, pobreza, xénero ou dependencia son vulnerabilidades, di a organización, que “non se superpoñen, senón que se tecen, dando lugar a condicións de vida especialmente difíciles”
A Xunta actualiza e relaxa as medidas do protocolo para o ensino, que aclara que un convivente dun contaxiado por coronavirus poderá ir ás aulas se está inmunizado ou pasou a doenza nos últimos seis meses.