Acontece

O menor número de PCR realizadas dende a Noiteboa está a invisibilizar o empeoramento da situación, pero aínda así este domingo detectáronse 422 novas infeccións de Covid-19, moi por riba dos datos dos últimos tres domingos: 305, 190 e 234. A porcentaxe de probas positivas sitúase no 7,7%, preto dos peores datos da segunda onda (8,26%) e duplicando os valores previos á Noiteboa (3,58%)

O informe agora feito público di que o falecido patrón do Silvosa “apartouse do procedemento habitual de saída da dársena”, na que as correntes “supoñen un risco” durante “períodos de tempo significativos durante o inverno”

O Sergas rexistra seis novas mortes nunha xornada na que só sumou 296 novos casos tras realizar apenas 3.300 probas PCR fronte ás entre seis mil e nove mil que se viñan facendo desde finais de outubro

Os falecementos superan os 1.400 e hai 354 persoas hospitalizadas

O grupo Maternidades Feministas publicou esta semana as conclusións dunha enquisa na que participaron preto de 300 mulleres, que detallaron os obstáculos que deben enfrontar a diario no sistema sanitario, por parte das institucións ou no mundo laboral. O informe péchase cunha proposta de medidas que presentarán ás administracións.

Empeora a hospitalización e a taxa de positividade das probas, e as mortes achéganse ás 1.400 tras sumarse outras sete na última xornada

No inicio dos días nos que cabe agardar que comecen a aflorar os contaxios do Nadal, o Sergas suma 484 positivos, a maior cifra en 24 horas dende finais de novembro. A positividade media das probas PCR xa traspasou o limiar do 5% que a OMS sinala para dar por controlada a pandemia nun territorio

O proxecto GaliMinho 2 – Empreendedorismo na Eurorregião vén de ser premiado polo Estado español como unha das iniciativas máis destacadas da rede eTwinning, na que un ciclo de FP do IES San Clemente de Compostela impartido en portugués traballou de forma conxunta durante un ano con alumnado de Braga. Falamos cun dos seus coordinadores

O labor extra dunha traballadora do Sergas nunha residencia propicia que estreee a vacinación entre o colectivo de enfermería do Sergas tras loitar contra o coronavirus desde o inicio da pandemia: "É emocionante, como o día de Reis"