No 40º aniversario do nacemento da televisión pública galega, levamos Praza ao 25 de xullo de 1985 para contar unha xornada histórica como o fariamos daquela. Un acontecemento que o que era presidente da Xunta, Fernández Albor, definiu como "un paso transcendental" pola súa "capacidade de dinamización insospeitada á tarefa de creación da nosa patria".
A xustiza constatou hai dous anos que Monbus e Alsa se repartiron ilegalmente o mercado nas liñas de transporte regular e agora as sospeitas esténdense ao transporte escolar, prorrogado polo Goberno galego hai ano e medio
Mala xestión. Traballadoras e familias usuarias dos servizos educativos das Galiñas azuis alertan da situación que están a vivir nas últimas semanas: o Executivo non está a cubrir permisos do persoal solicitados desde hai tempo para este mes de xullo, coa consecuente sobrecarga para as traballadoras que quedan nos seus postos e o descontento das familias que sofren un servizo mermado. Moitas escolas xa foron avisando nos últimos días de reducións de horarios ou servizos. Traballadoras e Anpas de varios centros xa enviaron queixas á Xunta pola situación.
O pasado luns chegaron ao aeroporto vigués de Peinador os 305 nenos e nenas saharauís que forman parte este ano do programa Vacacións en Paz, mediante a que familias galegas os acollen durante dous meses. Falamos con Covadonga Rodríguez, de Sogaps, que dende hai catro anos vén participando na iniciativa.
Un novo informe de Greenpeace sobre os efectos da crise climática e da construción na costa de Galicia advirte dos efectos de apostar por un "turismo crecente" sen protección abonda e sinala a Xunta por "repetir os mesmos erros que deterioraron abondosos espazos costeiros".
O Carme xunta abondosa presenza política nos actos festivos por toda a costa. Rueda centra a axenda na entrega de despachos na Escola Naval de Marín, Ana Pontón celebra a festa en Ribeira e José Ramón Gómez Besteiro, en Camariñas
O número de visados de inmobles de nova planta dispárase, cun aumento do 19% no primeiro semestre de 2015, pero aínda moi lonxe dos datos anteriores ao estoupido da burbulla inmobilia. Entre 2019 e 2024, segundo as cifras feitas públicas polo COAG, os arquitectos certificaron 17.933 novas vivendas, sobre todo nas cidades e áreas metropolitanas, cun predominio das unifamiliares durante a pandemia e unha escalada dos pisos en 2024 e 2025.
Ducias de persoas concéntranse ante o CHUO nunha mobilización á que acudiu a portavoz nacional do BNG, Ana Pontón, que denuncia que "en pleno século XXI as ourensás teñan que parir en condicións terceiromundistas".
A misión francesa Nodssum pecha a súa primeira expedición oceánica tras cartografar 3.355 barrís con refugallos nucleares a uns 650 quilómetros das costas da Coruña. Tras non detectaren "radioactividade moi significativa" sobre o terreo, o equipo disponse a abordar "medicións detalladas" no laboratorio de 5.000 litros de auga, 345 mostras dos fondos e 34 peixes e moluscos para obter un "diagnóstico máis fiable" sobre o eventual "espallamento" dos vertidos
A conselleira de Política Social, Fabiola García, afirmou este xoves que Galicia non ten na actualidade nin unha soa praza dispoñible para acoller menores estranxeiros non acompañados que neste momento se atopan noutras comunidades autónomas. O Colexio de Psicoloxía amosa a súa "fonda preocupación" pola "situación crítica" do sistema, da que culpa á "escasa vontade política e institucional" da Xunta.
