Cultura

Patrimoniogalego vén de presentar a súa nova app para dispositivos móbiles "pensada para consultar e interpretar o territorio directamente desde o móbil". O trebello dá acceso a máis de 620.000 bens culturais: as 14 mil fichas do seu propio catálogo, os preto de medio millón de microtopónimos do proxecto Galicia Nomeada e os 75 mil bens do Inventario do Patrimonio Cultural de Galicia.

O proxecto coordinado polo bailador Artur Puga, “unha chamada colectiva a disfrutar e reivindicar o baile tradicional galego”, presenta nesta edición As Pegadas do Baile, un proxecto pioneiro que busca ensinarlle á xente os pasos básicos do baile galego e que conta coas Tanxugueiras como embaixadoras

Ademais dos 14 premios escollidos por un xurado profesional, houbo dous premios elixidos pola Xunta Directiva de AGEM, para o artista do ano (Carlos Ares) e a persoa do ano no mundo da música (Francisco Gómez ‘Gandy’). Finalmente, escolleuse por votación popular o evento que destacou pola súa excelencia na experiencia do público (Surfing the Lérez).

O Culturgal acolle este venres a presentación desta iniciativa, froito do traballo de varias investigadores das tres universidades galegas, que recolle 32 proxectos de creadoras nos ámbitos das artes escénicas, música, danza, teatro e propostas multidisciplinares.

Tras o éxito da súa primeira xira, o espectáculo musical infantil producido por Ainé fai parada no Culturgal e, nas vindeiras semanas, en Vilagarcía, A Coruña e Vigo. Lidia Veiga vólvese meter na pel de Ava, a observadora de paxaros que guía as nenas e nenos polas aventuras da Banda do Bosque ao son de doce cancións orixinais

Do 1 ao 5 de decembro celébrase a sétima edición da Semana do Patrimonio Invisible, que permite visitar en grupos reducidos sete espazos que normalmente están pechados ao público: o Pazo Arcebispal, as Escavacións da Catedral, o Auditorio de Galicia, a Compañía de María, a Casa da Parra, a Colexiata do Sar e un que aínda non foi desvelado.

Ante un recurso da Fundación Guerra da Cal o tribunal di que o "conflito ortográfico" é "plenamente lexítimo" pero "debe resolverse noutro escenario" xa que a xustiza só aplica a lei e a de Normalización Lingüística atribúe á RAG o "criterio de autoridade"

O órgano oficial de defensa da cultura galega alerta de que a reforma legal que impulsa o PP liberaliza a xestión do patrimonio deixándoo en mans das administracións "máis expostas" ás presións urbanísticas

Ferror Records celebra o seu décimo aniversario convertido no selo de referencia do undergound galego, con 160 discos publicados e un cento de concertos organizados. A periferia da periferia reclama o seu espazo e denuncia unha política cultural centrada en eventos de gran formato "inflados con cartos públicos" e que deixan á maior parte do sector musical galego á marxe.