O venres 27 e o sábado 28 Bruxelas volverá falar en galego, cun cartel no que destaca a presenza, de novo, de The Rapants, ademais de Baiuca, Ortiga e Sabela. Ademais, o día anterior La Tricoterie acollerá outra xornada de música con Paloma Paloma, Fer e 9Louro, ademais dunha foliada con ACG A Roda e Irmandade Galega na Suíza e os picadiscos da Duendeneta.
O director palestino Kamal Alijafari vén de recibir o recoñecemento á súa traxectoria co Premio Cineuropa 2025. A súa obra supón todo un exercicio de resistencia a través da memoria, facendo do arquivo unha ferramenta estética e política.
O autor publica canda a Xosé Manuel Beiras un libro que recupera e deita luz sobre os primeiros traballos científicos do líder nacionalista, de 1959, centrados no cooperativismo de base agropecuaria desenvolvido no país nórdico, o gran modelo económico dos galeguistas no primeiro terzo do século XX. A obra inclúe tamén un repaso pola vida e a formación intelectual do político e economista na súa primeira etapa.
The Homens volven aos escenarios. O concerto do venres que vén na Sala Mardi Gras da Coruña será o primeiro de varias actuacións en salas, coa gravación dun novo disco no horizonte. Falamos con Martin Wu, que nos adianta os detalles sobre este regreso, con cancións máis guitarreiras e enerxéticas e o mesmo espírito e estética: volven as camisolas de raias.
Aulas dos concellos de Teo, Salvaterra de Miño, Vigo, Mos, Negreira, Santiago, Marín, A Estrada, Culleredo, Noia, en Galicia, ou Barcelos, Monção e Porto, en Portugal, resultaron gañadoras do concurso Imaxes do Patrimonio, organizado pola Asociación Ponte nas Ondas, que este venres entregou os seus galardóns en Vigo
A nova actualización do Dicionario, que suma xa máis de 58.000 entradas, inclúe neoloxismos e voces populares ata agora non recoñecidas, como feísmo ou surfear, e tamén expresións como a descomán. Igualmente, resolve dúbidas frecuentes coa suma de adictivo, que se diferencia de aditivo.
O incendio que en agosto arrasou o espazo protexido de Pena Trevinca afectou á mina existente en Casaio (Carballeda de Valdeorras). A Asociación Científica Sputnik Labrego, en colaboración co Albergue Eco dos Teixos e a Comunidade de Montes de Casaio e Lardeira, chaman a recadar fondos para protexer as instalacións que na Segunda Guerra Mundial explotaron os nazis.
Lugo, que plasma nun paseo os termos escollidos no certame organizado pola RAG e o Portal das Palabras da Fundación Barrié, acolle o lanzamento da elección deste ano. Ata o 1 de decembro está aberta a fase de recolla de suxestións e do 3 ao 21 do mesmo mes celebrarase a votación
Comprobouse como a percepción sobre o estándar que teñen os falantes de galego e brasileiro é moi semellante en varios puntos. Púidose medir a sensación, maioritaria nos dous grupos, de que a norma está demasiado afastada da lingua en uso no día a día. Unha impresión, ademais, que provoca un certo malestar e pode xerar inseguridades lingüísticas na práctica
A xornalista compostelá Raquel C. Pico vén de publicar 'O mundo de Jane Austen' (Sushi Books), un híbrido entre biografía e libro de viaxes que nos achega á figura da escritora británica no seu 250 aniversario
O proxecto de dinamización lingüística nacido no IES Rafael Dieste da Coruña e que xa se estendeu por 300 centros de todo o país, galardoado nunha edición dos premios que tamén recoñeceu á editorial Galaxia ou ao programa de radio Sempre en Galicia.
O documental dirixido por Alejandro Gándara Porteiro e Ariadna Silva Fernández recupera as protestas veciñais de comezos dos 90, que incluíron concentracións, peches, folgas xerais e mesmo unha gran manifestación en Santiago ante a sede da Xunta. A longametraxe estréase o 20 de novembro no Festival de Xixón e o 23 de novembro en Cineuropa e no Festival Cormorán da Coruña.