O cantareiro e bailador vén de publicar o seu segundo traballo, De ronda, integrado por once temas con cadanseu videoclip, que son, ao tempo, “estados do corpo” que se poden dar nunha noite de troula. Un traballo no que Mondra propón un disco máis persoal pero sempre irreverente e atravesado pola sexualidade, o amor propio, a comunidade ou os valores da mocidade e cunha manchea de elementos propios da tradición oral galega
O festival celebrarase do 20 ao 24 de maio, coa presenza de Daniel Sánchez Arévalo e a estrea de películas como Antes de Nós, de Ángeles Huerta. Na parte musical destacan as actuacións de Mondra, Susana Seivane, Biznaga ou Caamaño&Ameixeiras.
Malpica acollerá a sesión extraordinaria da Academia, na que Aida Tarrío e Olaia e Sabela Maneiro porán a música nun evento que personificará nas Pandeireteiras de Mens a homenaxe ás cantareiras. O pleno incluirá as alocucións académicas de Ana Boullón, impulsora da candidatura; de Antón Santamarina, coautor do Cancioneiro Popular Galego; e do expresidente da RAG Xesús Alonso Montero.
Os días 5 e 8 de xuño o histórico grupo ofrecerá senllos concertos no recinto cultural lucense que leva o seu nome coa compaña de Faia e De Ninghures: "É un soño, que remos compartir co público todo o que a música nos deu durante máis de cinco décadas"
A versión en teatro da serie musical de animación en galego para nenos e nenas inicia a súa xira na Coruña o vindeiro 7 de xuño.
Alfonso Zarauza fai trinta anos dedicado ao audiovisual cunha celebración tripla: as súas películas e curtametraxes pódense ver de novo en pantalla grande na sala Numax en Santiago, unha exposición percorre a súa carreira na Zona C de Compostela e recibirá o Premio Pedigree de Honor do Festival de Cans na súa XXII edición que se celebra do 20 ao 24 de maio
No marco da divulgación da súa vida e obra polo Ano Castelao, a RAG destaca o traballo tipográfico do artista e político como "unha das súas grandes achegas ao noso patrimonio gráfico". As letras deseñadas por Castelao forman "un conxunto coherente" co resto da súa vida e obra porque "comparte con eles as mesmas intencións políticas e de reivindicación da identidade galega", subliña a Academia
Xa non é noticia. As autoras volveron dominar a lista dos Premios Follas Novas, que celebraron onte a súa tradicional gala na que se entregaron tanto os premios por categorías literarias como aqueles que recoñecen a figuras do mundo da literatura, da edición e do sector libreiro
Di María Álvarez Landesa que cando chega a dor, ficamos espidas. A poeta e profesora publicou na editorial Alvarellos un poemario que acompaña a enfermidade terminal da súa nai, Os pozos elegantes das clavículas. O libro é finalista nos Premios Follas Novas, que se entregan este sábado, e sobre el conversamos coa viguesa nunha terraza fronte ao mar
Este sábado 26 de abril a Casa da Cultura de Lérez, parroquia pontevedresa na que viviu a familia Silvent, acollerá unha homenaxe ao iniciador da tradición, José Silvent. No acto, organizado pola Asociación de Funcionarios para a Normalización Lingüística, mudarase por outra en galego a lápida da tumba na que repousan os seus restos e os da súa dona.
Unha ollada feminista sobre a cultura tradicional galega uniu a Laura Varela, Iria Villares e Vanesa Siso, que se marcaron o obxectivo de recolocar o foco para ver de onde parte a tradición e quen foron as súas iniciadoras e mantedoras. O resultado é o documental 'Lévame a idea', no que participan Teresa dos Cucos, Felisa Segade, Sés, Mercedes Peón, Beatriz Busto, Branca Villares, Lupe Blanco, Xiana Lastra e as Lilaina, entre outras