O novo presidente da Real Academia Galega insiste na súa aposta por un modelo lingüístico "flexible" no ensino, que se "adapte" ao "mosaico de situacións sociolingüísticas" que presenta Galicia e que supere un decreto do plurilingüismo que considera que foi "fatal" para o idioma. "Foi peor polo discurso que o envolveu e pola filosofía que destilaba", asegura.
O 37% das entidades e empresas afirma que tivo un 2024 mellor que o ano anterior, mentres o 22% asegura que lle foi peor, segundo o Barómetro da cultura galega, elaborado polo Observatorio da Cultura Galega. O pasado ano non solicitaron subvencións o 52% das entidades, a porcentaxe máis elevada dende que se comezou a realizar este estudo.
O Museo do Pobo Galego combina os seus arquivos cos de Alan Lomax e o CSIC e unha trintena de persoas vencelladas na actualidade á música tradicional nunha mostra para "celebrar, difundir e dignificar este valiosísimo legado patrimonial". A exposición combina documentos sonoros e gráficos e inclúe a produción dunha peza documenta e unha ampla programación paralela
A banda de Cedeira con máis de vinte anos de historia aposta agora por cantar na súa lingua habitual, o galego, e fano coa súa tradicional música americana de raíz, que neste caso ole máis á terra e soa tamén a folk galego e irlandés grazas á presenza de instrumentos como o acordeón, o violín ou o piano. San Antonio (Ferror Records / Milana Música, 2025) amenceu esta semana e supón unha homenaxe a Arantza Navarrete, autora da meirande parte das letras do grupo desde Back on the Road (Warner, 2010), falecida recentemente.
O sociolingüísta muradán foi elixido este venres nun pleno extraordinario na Coruña tras ser a súa candidatura a única presentada para porse á fronte da entidade.
A obra de ButacaZero sobre o ex-presidente da Xunta e antigo ministro franquista, dirixida por Xavier Castiñeira e escrita por Esther F. Carrodeguas, fíxose con 9 dos 12 premios aos que aspiraba, entre eles o de mellor espectáculo, mellor dirección e texto orixinal. O Dragón de Ouro, de Sarabela, obtivo catro galardóns
Jesús Castro Yáñez presenta o seu terceiro poemario, Outroutro, editado por Chan da Pólvora, co que pecha “unha triloxía involuntaria”. Un libro no que explora a oralidade na escrita e no que reivindica a lentitude para prestar máis atención ao que sucede ao noso arredor
O Teatro Colón acolle o 10 de abril a IV Gala da Cultura da Deputación da Coruña A banda Alana e o coreógrafo Fran Sieira porán a música e a danza nun evento que servirá para entregar os nove premios culturais convocados pola institución, mais tamén para "celebrar que somos un país vivo, alegre e con moito talento"
As gañadoras e gañadores das 13 categorías daranse a coñecer o 26 de abril nunha gala que terá lugar no Teatro Principal de Santiago. Os galardóns, que chegan á súa décima edición, están organizados pola Asociación de Escritoras e Escritores en Lingua Galega, a Asociación Galega de Editoras e a Federación de Librarías de Galicia
O visor de Galicia Nomeada permite nestes momentos consultar e descargar máis de 529.000 nomes de lugar. Preto de 88.000 entradas son nomes de leiras, regos, devesas, camiños, praias, fontes e outros microtopónimos rexistrados por veciños e veciñas de todo o país