Cultura

Miguel Anxo Seixas Seoane completa con 'Castelao. Construtor da nación. Tomo III 1949-1950' (Editorial Galaxia) a monumental biografía que desenvolveu nunha tese desde o grupo de investigación Histagra da Universidade de Santiago de Compostela. Máis de vinte anos de traballo nos que se achegou ao esforzo do rianxeiro para que "o mundo fora menos inxusto con Galicia". "Se hai unha Autonomía, só lla debemos a el", afirma o historiador

Os seus restos mortais foron trasladados este venres dende o Cemiterio Municipal de Lugo, onde fora soterrado en 1999, ata a súa casa natal, en Parada do Courel, onde serán depositados baixo un memorial. O cadaleito do poeta, cuberto coa bandeira galega, foi despedido por familiares e representantes políticos e culturais

A finais deste 2022 verá a luz un álbum colectivo, impulsado por Deleite, no que Verto, Familia Caamagno ou Radio Océano versionan a Juan Pardo, Siniestro Total, Goma 2 ou Andrés Dobarro. Este venres Ataque Escampe publica "Por última vez", unha canción que gravou en 1967 Ana Kiro, "a Máis Grande" para a formación compostelá.

A Deputación de Pontevedra dixitaliza e publica o fondo fotográfico da Asociación da Prensa de Vigo, con imaxes da vida social, política e cultural da cidade e doutros puntos da provincia pontevedresa a finais dos anos 70 e principios dos 80 do século pasado

O Fondo de Proxectos Culturais Reino de Galiza, lanzado pola Deputación ad Coruña, financiará ata 20 proxectos para "contribuír á socialización do coñecemento e do interese pola historia, as figuras, os lugares e os momentos" desta etapa histórica

As bibliotecas públicas da Xunta superaron os 700.000 préstamos en 2021, cun crecemento na contorna do 30% e cunha clara primacía dos libros en castelán nas listaxes dos máis solicitadods

A academia pide ao Goberno e os grupos parlamentarios asturianos que o galego sexa oficial en todo o Principado e critica “a escolla do glotónimo eo-naviego” para referirse ao que considera unha variedade do galego

Carballo acolleu a primeira edición dos galardóns, nos que a regueifeira de Coristanco se impuxo a Suso de Xornes, Kike Estévez, Antonio de Xornes ou Séchu Sende. O encontro destacou pola activa participación de mozos e mozas e tamén pola homenaxe recibida polos grandes nomes da improvisación oral de xeracións anteriores

Cruz Dafonte e Manuel Tato asinan o documental 'A vida conta', no que acompañan ás mulleres do rural compostelán na volta á vida despois do peor da pandemia da COVID-19. Acompañan a varias mulleres desde o illamento nas súas casas ata o encontro de volta nos centros socioculturais das parroquias de Figueiras, Lavacolla, Laraño, Marantes, Busto, Nemenzo, Santa Cristina, Grixoa e Bornais

A peza, dirixida por Esther F. Carrodeguas e Xavier Castiñeira, estrearase en 2023 despois dun amplo traballo de investigación e entrevistas ao longo deste 2022, centenario do nacemento do político vilalbés e dez anos despois do seu pasamento. A obra busca recoller a súa personalidade, “particularísima e popularísima” 

Ismael Ramos publicou este ano o seu terceiro poemario, 'Lixeiro', editado por Xerais, no que a incerteza envolve todos os versos. Uns poemas que falan das preguntas da súa xeración, sen pretender ser un relato xeracional dos que naceron nos noventa. "Este libro permitiume facer algo que levaba facendo moito tempo: pensar que escribir é parte da vida", conta o poeta de Mazaricos.

A Xunta publicita que o Gaiás recibiu 30.000 persoas máis que en 2019 nun cómputo do que di excluír “as máis de 600.000 visitas” de persoas que acudiron a vacinarse contra a COVID