Cultura

Pol Guasch regresa a Santiago tras participar no festival de poesía Alguén que respira en 2020, un ano antes de gañar o premio Llibres Anagrama coa novela Napalm al cor, e faino á vez que a súa segunda obra de narrativa, Ofert a les mans, el paradís crema, chega ás librarías na súa edición en castelán. O autor catalán participa esta semana nas xornadas poéticas multilingües Rosalía en Camiño, organizadas pola Fundación Rosalía coa coordinación da poeta Chus Pato, entre Padrón e Compostela

O novo dicionario de Rinoceronte Editora componse de termos que non se atopan noutros por seren considerados "localismos, castelanismos ou estranxeirismos", moi recentes ou minoritarios. "O enfoque é eminentemente práctico" para unha ferramenta que procura "completar as lagoas" e "ofrecer alternativas a solucións dubidosas"

O Museo do Pobo Galego, o Consello da Cultura Galega e o Instituto da Lingua Galega da USC organizan o vindeiro 12 de xuño o acto, que mesturará palabra e música e no que o tecido cultural terá protagonismo

"Esta é unha exposición para descubrir artistas". Ana García Pan, Emilia Guimeráns, Anne Heyvaert, Tusi Sandoval, Blanca Silva e Laura Terré protagonizan a mostra Outras historias posibles, que se pode ver no Museo Centro Gaiás da Cidade da Cultura ata o 26 de xaneiro de 2025. "Interésame proporcionar referentes e crear novas xenealoxías para poñer en valor as traxectorias das nosas artistas", di a comisaria, Susana Cendán

As verbenas e festas populares son probablemente a manifestación cultural máis importante de Galicia, cando menos se atendemos á cantidade de xente que atraen e á súa pegada económica e social. Porén, ata agora non son moitos os estudos e investigacións que afondaron neste fenómeno e no seu ecosistema e ás súas implicacións culturais. A Biblioteca de Galicia organiza a Xornada técnica Transformando a música en patrimonio, que afondará nas verbenas e no estado da súa investigación ou no testemuño material que deixaron

A iniciativa parte da Asociación Cultural Autobán, co apoio do Concello da Coruña. O premio ten unha dotación económica de 1.250 euros e un trofeo personalizado pola artista Aisha Rey. Poden participar todas as autoras, autores e colectivos que autoeditaron un cómic ou fanzine gráfico en galego ou desde Galicia no último ano e medio

A curtametraxe obtivo os premios á Mellor Ficción, Mellor Director e Mellor Actor. Alguén me chamou Serpe Negra, Aquarium, Taquión ou Viaxar aos teus recordos e buscar pelexa obtiveron outros dos galardóns principais. A derradeira xornada do certame finalizou cos concertos de Grande Amore e de The Rapants.

Un proceso participativo iniciado hai cinco anos deu lugar á encomenda dunha obra artística que complementa os traballos de rehabilitación do Parque do Pasatempo. Este sábado inaugurarase a intervención artística realizada pola investigadora Carme Nogueira nun espazo que, ademais, foi transformado cunha proposta paisaxística de Iñigo Segurola

O músico e mestre, que este ano publicou Somos un pobo de artistas seguindo o ronsel aberto por O outro lado da música e da poesía, de Villalta, chama a "superar complexos de superioridade e vellos prexuízos académicos" e a procurar "un reencontro didáctico", subliñando que non se pode entender a literatura galega sen música

Unha ruada musical acompañada polas amizades do músico vasco e polos veciños e veciñas da parroquia deu paso ao acto polo que Kepa Junkera pasa a dar nome ao Jaliñeiro do festival, onde actuou hai dez anos. No ano 2018 sufriu un ictus que lle impide tocar música e limita moito os seus movementos

Esta fin de semana os responsables do FIC Vía XIV de Verín estiveron no Entre Curtas de Chaves, iniciando unha colaboración pola que tres dos filmes vencedores na cita lusa se proxectarán este verán no evento galego.Tamén se intercambiarán xurados, ademais de "ideas e coñecementos" para "xerar unha alianza que se traduza nunha mellor oferta cultural para a Eurocidade"