Sitúase só tres décimas por riba do 8% logo de que o paro diminuíse en 13.700 persoas nun ano. A cifra de ocupados aumentou en case 30.000, impulsada pola industria e os servizos, mentres España bate outra marca ao rachar coa barreira de 22 millóns de homes e mulleres traballando.
A ministra Aagesen prometeu o pasado febreiro que en 2025 se celebraría a primeira poxa desta tecnoloxía, pero aínda non sucedeu. A patronal eólica cre que a este ritmo os primeiros aeroxeradores flotantes en augas xurisdiccionais españolas chegarán arredor de 2032. SEO/BirdLife Galicia subliña que "desde o principio prememos para que haxa un enfoque ambiental sobre as aves mariñas e cremos que até agora se ignorou"
Dende 2013 Galicia rexistra cada ano máis compravendas de vivendas que hipotecas asinadas. En 2024 as adquisicións foron 5.000 menos que no ano previo ao inicio da gran recesión e a diferenza das hipotecas rolda as 27.000
Ata o 7 de xullo os propietarios de 8.416 VUT galegas realizaron a solicitude para ser inscritas no rexistro do Ministerio de Vivenda e operar legalmente, 1.587 máis que hai unha semana. En Galicia funcionan unhas 28 mil vivendas de uso turístico segundo a Xunta e 20 mil segundo o INE, con grandes diferenzas entre as dúas estatísticas, que debullamos concello a concello.
As familias galegas teñen que gastar un 25,5% máis que en 2019, especialmente en alimentación (+38%). Tamén destacan os aumentos en alugueiros (+30%), sanidade (+41%) e educación (+53%), o mesmo que en turismo e restauración. Un fogar medio gasta case sete mil euros máis que hai cinco anos. Alimentación (+1.605 euros) e vivenda e subministros (+1.501) levan case a metade deste incremento.
O pasado ano a débeda total dos concellos galegos pasou de 264 a 296 millóns de euros. Porén, foron máis as localidades que reduciron a súa débeda (108) que os que a aumentaron (64). O ente provincial pontevedrés pasa de ter unha débeda case inexistente (ao redor de dous mil euros) a presentar un total de case 22 millóns no primeiro exercicio completo do novo goberno do PP
A media de 1,1 millóns de persoas cotizando á Seguridade social rexistrada no mes de xuño supera as 1,09 acadadas en xullo de 2008, xusto antes do estoupido definitivo da crise que marcou o inicio do século. O paro rexistrado acada outro mínimo dende que hai datos comparables con 107.254 inscricións, un descenso interanual superior ao 9%
Os concellos emprestan unha gran cantidade de servizos á cidadanía que non sempre son competencia das administracións locais, un esforzo que moitas localidades realizan mesmo sen contar cun axeitado financiamento.
O primeiro informe oficial do Goberno de España sobre o cero eléctrico reparte culpas entre o operador do sistema e as grandes compañías
Persoal da provincia da Coruña retoma as mobilizacións nun conflito que pervive nun sector que en Galicia continúa a sufrir baixos salarios, desigualdade de xénero e importantes diferenzas entre territorios. Os sindicatos sinalan a patronal estatal que xunta as empresas máis importantes.
A produción mantívose no nivel máis baixo das dúas últimas décadas con 100.000 toneladas menos que en 2018. O resto de bivalvos rexistrou tamén os peores datos da historia recente, especialmente no caso da ameixa e do berberecho. A PDRA denunciou este mércores ante Alfonso Rueda e Marta Villaverde a "situación de abandono da ría” e reclamou o seu “saneamento e rexeneración”.
O Tribunal Xeral da UE tomba o recurso de España e de mariñeiros galegos e mantén a prohibición da pesca de arrastre e do palangre de fondo nas áreas protexidas. Non cre que a Comisión tivese a obriga de analizar o impacto de cada arte ou o impacto socioeconómico e lembra que a sostibilidade que se pretende busca "tamén a viabilidade a longo prazo da pesca".