Economía

O Ministerio advirte do risco de seguridade pola proximidade da planta ao Arsenal, un temor que o PP estatal xa difundira para deitar dúbidas sobre a chegada de SAIC, como adiantou Praza.gal. O presidente da Xunta considera "difícil de entender" a advertencia cando "en ningún momento" da negociación conxunta entre executivos central e autonómico e a empresa chinesa se alertou deses perigos. 

O Goberno galego aproba o plan, con 18 millóns de euros de orzamento, co apoio da CEG e de UGT. A central celebra o acordo por "centrarse na protección da saúde laboral e no benestar laboral" e di ter "cambiado o enfoque": "Pasouse co control ao coidado". CIG e CCOO critican o pacto. 

En pleno debate sobre a conveniencia de reducir as baixas, impulsado pola Xunta e mais a patronal, un informe de CCOO revela que máis de 25.000 persoas no país fan horas extras sen remuneración e perden 7.700 euros anuais de media. 

Máis de 11.300 persoas migrantes regularizadas no proceso extraordinario xa están traballando legalmente no país: o 30% de todas as que se acolleron ao procedemento. 

A empresa de participación estatal avanza un investimento de 18 millóns de euros e "entre 70 e 120 empregos directos de alta cualificación"

O consumo por persoa no país baixou un chisco o pasado ano pero o gasto no supermercado marcou récord, con máis de 1.970 euros per cápita, segundo o informe anual do Ministerio, que debulla os hábitos alimentarios nas diferentes comunidades autónomas. 

A voadura dos catro grandes depósitos remata coa paisaxe icónica da vila pontesa e da central térmica, que funcionou durante máis de medio século e deixou de queimar carbón hai tres anos. Malia as intencións iniciais de derrubalas a un tempo, dúas caeron á hora prevista e as outras, un cuarto de hora máis tarde. 

Como cos eólicos, a plataforma SOS Groba e o Concello de Oia, do PP, están a mobilizarse para presentar alegacións contra os proxectos

Un terzo dos ingresos da concesionaria da AP-9 proveñen de fondos públicos para subvencionar peaxes

Tribunais galegos lembran que as empresas tamén incumpren e anulan despidos baseados en seguimentos de detectives dunha muller que saía de compras tras un ictus e dun home con ciática que levantou pesos, e indemnízanos 

A caída da poboación activa permite reducir a porcentaxe de persoas en desemprego no país, que destruíu máis de 6.000 postos de traballo no segundo trimestre, tras caer a ocupación en todos os sectores agás no dos servizos, pero gañou 6.500 con respecto a hai un ano. 

Tras superar os 10.000 millóns en 2020, as contas galegas baterán un novo récord e prevén un aumento do PIB do 1,9%