Voltar

Fálase

  • Fálase | O Prestige ecoa en Europa e músicas para desvirtualizarse

    No novo episodio do Fálase, o podcast informativo de Praza.gal conducido por David Lombao, conversamos con Ana Miranda, eurodeputada do BNG, sobre a conferencia que organizou na sede do Parlamento Europeo en Bruxelas ao fío do vixésimo aniversario da catástrofe do Prestige. Con VINTE, coñecemos músicas como o novo de Ataque Escampe e contámosvos onde nos podemos ver no 'mundo real', a comezar pola Culturgal

  • 🔊Fálase | Os primeiros do chapapote e (re)construír a memoria

    No novo episodio do Fálase, o podcast informativo de Praza.gal conducido por David Lombao, lembramos os primeiros mariñeiros que, hai agora vinte anos, se botaron ao mar para tentar frear o chapapote do Prestige nas costas galegas. Tamén coñecemos máis dunhas das iniciativas de Praza para recordar a catástrofe e achegámonos aos contidos da xornada organizada en Bruxelas por Ana Miranda, eurodeputada do BNG, ao fío do vixésimo aniversario do naufraxio do petroleiro

  • 🔊Fálase | As palabras do Prestige e memoria de nós en internet

    No novo episodio do Fálase, o podcast informativo de Praza.gal conducido por David Lombao, achegámonos ao glosario colectivo que a asociación Unha Gran Burla Negra elaborou ao fío do vixésimo aniversario da catástrofe do Prestige e tamén escoitamos algo do que dicían os gobernantes da época. Ademais, tamén en clave de memoria, con VINTE coñecemos o videoensaio no que María Yáñez traza unha historia underground da internet galega.

  • 🔊Fálase | Números importantes e aburridos e mais unha sonata

    No novo episodio do podcast informativo de Praza.gal, conducido por David Lombao, poñemos pausa e contexto para explicar o fundamental dos Orzamentos Xerais da Xunta para o ano vindeiro: o que sobe, o que baixa, o que se mantén e o que inflúe nas nosas vidas, que é case todo. Contra o remate escoitamos unha sonata para coñecer o que nos contou James Rhodes durante a súa estancia na Coruña

  • 🔊Fálase | Pagos na escola concertada e recortes no escenario

    No novo episodio do podcast informativo de Praza.gal sabemos máis dos pagamentos esixidos ás familias en colexios concertados malia estar vetados pola lei, despois do estudo que os detecta en oito e cada dez destes centros en Galicia. No espazo de VINTE coñecemos mellor á actriz Isabel Garrido e achegámonos a novas historias da mocidade lucense, desta volta no eido dos movementos sociais

  • 🔊Fálase | Angrois a xuízo e facerse visible no espazo público

    Neste episodio do podcast informativo de Praza.gal, conducido por David Lombao, abordamos o inicio do xuízo polo accidente de Angrois e ordenamos feitos, refrescamos datos e poñemos contexto sobre o acontecido coa axuda de David Reinero. Con VINTE, achegámonos ao proxecto A porta aberta da artista Lúa Gándara e escoitamos as músicas ao vivo de Grampoder

  • 🔊Fálase | Os papeis de Meirás e a incerteza da Citroën

    No novo episodio do podcast informativo de Praza.gal, conducido por David Lombao, coñecemos a importancia da documentación que quedou en Meirás e que agora reclama o Estado no marco da súa demanda xudicial polos bens do pazo. Tamén nos detemos na problemática que arrodea o persoal de Stellantis en Vigo, marcado polas paradas puntuais e a inestabilidade

  • 🔊Fálase | A conciliación é mentira e historias da mocidade de Lugo

    No primeiro episodio da segunda temporada do podcast informativo de Praza.gal achegámonos aos malabares das familias para conciliar no inicio do primeiro curso 'normal' tras a COVID, escoitando varios testemuños e conversando con Sabela Losada, politóloga experta en igualdade e en políticas de coidado con enfoque de xénero. Con VINTE coñecemos o que se está a mover en Lugo a través de moitas historias da súa xente moza

  • 🔊 Fálase | O viaduto

    Neste episodio do Fálase poñemos contexto á derruba no viaduto da A-6 ás portas de Pedrafita para tentar entendelo mellor e tirar fíos sobre o que pode acontecer. Ademais, co enxeñeiro e profesor Manuel Herrador coñecemos máis sobre este tipo de viaduto, os seus problemas máis habituais e a importancia da transparencia nas pescudas como as que agora se inician na A-6

  • 🔊Fálase | Os millóns perdidos nas caixas e novas xeracións para a música galega

    No novo episodio do Fálase, o podcast informativo de Praza.gal conducido por David Lombao, escoitamos o que nos contaron as autoridades sobre o rescate bancario hai agora dez anos e lembramos o impacto que tivo nas caixas galegas, falando tamén con Noa Presas (BNG) e Pablo Arangüena (PSdeG), membros da paralizada comisión de investigación sobre a desaparición de Caixanova e Caixa Galicia. Ademais, con VINTE, escoitamos moitas músicas que arrecenden a verán, anotamos varias festas na axenda e coñecemos a historia de dúas mozas ucraínas acabadas de chegar á Coruña

  • Fálase | O autogoberno que nos prometeran e familias que acollen

    No novo episodio do Fálase, o podcast informativo de Praza.gal conducido por David Lombao, escoitamos as promesas en materia de autogoberno coas que Feijóo e Rueda chegaran á Xunta ao fío da reactivación do debate polas competencias sobre o litoral. Ademais, ao fío do Día do Acollemento Familiar, atendemos ás voces de familias de acollida e das asociacións e profesionais que as apoian