Fálase

Rueda asegura que non dedicou "nin un minuto nin dez segundos" a "pensar" nun posible adianto das eleccións galegas para facelas cadrar coas xerais, previstas para decembro. O presidente da Xunta e do PP en Galicia responde así á prensa tras o Consello do Goberno galego -na imaxe- despois de que esta semana o xornal El Español apuntase a un eventual adianto dos comicios galegos citando fontes da dirección estatal do partido, que encabeza o ex-presidente Feijóo. [Foto: CC BY-SA David Cabezón / Xunta]

• HEMEROTECA | Un PP menos "deG" á sombra do ex-presidente
• HEMEROTECA | Rueda presenta as municipais como "antesala" da campaña de Feijóo, que se atribúe a caída de Sánchez en 2016

Pepe Mujica e Rafael Pillado, galardoados co Recoñecemento Acampa á defensa dos Dereitos Humanos, que se entregará no marco do VII Encontro Internacional Acampa pola Paz que se celebrará entre o 16 e o 18 de xuño na Coruña. As organizacións e as persoas inscritas no Movemento Acampa pola Paz escolleron o ex-presidente uruguaio e o sindicalista ferrolán, falecido o pasado 20 de febreiro, como meredores dun recoñecemento que subliña a súa "defensa dos pobres, os esquecidos e os invisibles".

• Rafael Pillado, vida de loita fronte ao franquismo, o silencio e a morte
• Os imprescindibles (en recordo de Rafael Pillado)

PARO REXISTRADO | As inscricións nas oficinas de emprego diminuíron en 2.245 en marzo en Galicia (-1,56% e na media estatal, -1,67%) e quedan en 141.847, o que supón un -7,49% a respecto de hai un ano, mentres que no total estatal o descenso é do -7,93%. No mesmo mes, a afiliación media á Seguridade Social aumentou en Galicia un 0,74% (+1,02% no total estatal), ata 1,044 millóns de cotizantes, isto é, un 1,47% máis que en marzo de 2022, fronte a un avance interanual medio no Estado do 2,73%. 

• AMPLIAMOS 👉 Galicia acada os mellores datos de emprego e paro nun mes de marzo desde a crise de 2008

A UE confirma a Francia que non prohibirá a pesca de arrastre nas zonas mariñas protexidas. Anunciouno este domingo o goberno galo logo dun encontro co comisario europeo de Medio Ambiente e Pesca, Virginijus Sinkevicius, que confirmou que non imporá o veto de artes de fondo nin en 2024 nin en 2030, malia o plan presentado pola Comisión. Foto: CC-BY-NC Periódico Resumen. 

A Xunta anuncia unha viaxe de Rueda a Panamá, Venezuela e México do 12 ao 17 de abril. O obxectivo, di o Goberno galego, é "manter encontros empresariais e institucionais". É a súa segunda viaxe a América como presidente tras visitar o pasado outubro Arxentina e Uruguai (na imaxe, en Buenos Aires).

• Feijóo emenda a política exterior da Xunta
• HEMEROTECA | As campañas electorais galegas vólvense xogar tamén en América
• HEMEROTECA | Feijóo, 'presidente' por un día con Rueda ausente

O presidente de Asturias, Adrián Barbón, culpa dos incendios no Principado ao "terrrorismo medioambiental", di que a vaga foi "claramente organizada" e súmase ás teses que antes defendera a Xunta de Feijóo e que desmentiron desde a Fiscalía ata á policía, ademais das propias comisións de investigación. 

• De Romay a Feijóo pasando polo bipartito: 35 anos á procura da etérea "trama incendiaria"
• "En anos de investigación, nunca atopamos esa famosa trama incendiaria"

Catro mozos mortos e un ferido grave ao caer o seu coche por un barranco en Xove. As vítimas son dous homes e dúas mulleres de Ribadeo. O sinistro produciuse ás 9:40 horas no punto quilómetro 1,100 da estrada LU-P-2604, á altura da urbanización Palmeiro. Imaxe: CRTVG. 

O vindeiro curso escolar iniciarase en Galicia o venres 8 de setembro para todas as etapas. É a proposta que a Consellería de Cultura e Educación remitiu aos sindicatos e na que o curso 2023-24 finalizará o xoves 20 de xuño. 

Extinguido o incendio iniciado en Baleira o pasado martes no que arderon 1.400 hectáreas de monte. Trátase do primeiro gran incendio forestal do ano en Galicia. O incendio de Alfoz, onde arderon 120 hectáreas, está controlado dende esta mañá, e o de Viveiro, con 90 hectáreas, púidose controlar xa este xoves. Imaxe: Brif Laza.

• O primeiro gran incendio forestal do ano en Galicia chega ás 1.400 hectáreas en Baleira tras forzar desaloxos

Asturias segue padecendo os efectos dunha virulenta vaga de incendios, con máis dun cento de focos, que mesmo obriga a cortar conexións viarias como a da autovía A-8 en dirección a Galicia. Na imaxe, efectivos da UME traballando nun dos incendios a pasada noite. En Galicia, o primeiro gran incendio do ano, en Baleira, foi dado por controlado e a súa superficie mantense en 1.400 hectáreas.

• O primeiro gran incendio forestal do ano en Galicia chega ás 1.400 hectáreas en Baleira tras forzar desaloxos