Fálase

O PP de Granada esixe ao Concello da cidade "chegar ata o final cos recursos administrativos e xudiciais que procedan" para impugnar a elección da Coruña como sede da Axencia Estatal de Supervisión da Intelixencia Artificial, á que a cidade andaluza tamén optaba. Os populares granadinos reclamaranllo ao alcalde do PSO, a través dunha moción na que defenden que a decisión foi "política e discrecional", xa que "estamos seguros de que a candidatura de Granada supera con creces o resto no cumprimento dos criterios técnicos", afirman.

• Despoboación, transporte, inmoble ou lingua: os motivos oficiais polos que A Coruña terá a Axencia de Intelixencia Artificial
• Feijóo pide coñecer “os criterios” polos que A Coruña terá a Axencia de Intelixencia Artificial e Rueda salienta que están no BOE

IPC | A inflación moderouse en apenas tres décimas en Galicia en novembro e quedou no 7,5% interanual mentres que o dato estatal fica no 6,8% fronte ao 7,3% de outubro, cinco décimas menos. O incremento do prezo dos alimentos frea unha décima a nivel estatal (do 15,8% ao 15,7s%) mentres en Galicia segue a escalar e ascende ao 15,4%, dúas décimas máis. 

• AMPLIAMOS 👉 A inflación modérase tres décimas en Galicia pola luz e o prezo dos alimentos segue disparado co azucre á cabeza

A imaxe das Festas da Ascensión 2022, distinguida co Premio Internacional de Deseño Iberoamericano na categoría de mellor anuncio ou campaña na vía pública. É un traballo de Coma Comunicación Creativa para o Concello de Santiago realizado por Carlos el Rojo

• Unha Ascensión de sete estalos: Tanxugueiras, Kae Tempest e Dios ke te crew encabezan o programa das festas máis compostelás

A Mesa pola Normalización Lingüística conmemora o trixésimo quinto aniversario da "primeira gran manifestación pola lingua", impulsada por esta organización tal día coma hoxe de 1987 e secundada por todas as principais forzas políticas e sindicais, así como por multitude de organizacións sociais. "Como acontecera coa Lei de Normalización Lingüística, o Goberno español pretendía impedir que o uso do galego se estendese no ensino recorrendo o decreto que o regula e estuda facer o mesmo coa lingua nos concellos ou na xustiza", lembran. Naqueles días o Goberno tripartito (PSdeG, Coalición Galega e PNG) levaba apenas tres meses na Xunta.

• HEMEROTECA | Tripartito: trinta e cinco anos da primeira paréntese na Xunta

“Autoestima”, “candorca”, “comadre”, “ecocidio”, “inflación” e “resiliencia”, candidatas a seren Palabra do Ano 2022 no certame organizado polo Portal das Palabras da Real Academia Galega e a Fundación Barrié. Tras a primeira fase de suxestións, a votación final está aberta dende hoxe, 13 de decembro, e ata as 23:50 do día 25 . En anteriores edicións foran elixidas tanxugueiras (2021), nós (2020), sentidiño (2019) deseucaliptización (2018), afouteza (2017), irmandade (2016), refuxiado, -a (2015) e corrupción (2014).

• HEMEROTECA | A música imponse á pandemia: Tanxugueiras, palabra galega do ano
• HEMEROTECA | 'Nós', elixida palabra galega do ano 2020 nun chamamento á "implicación colectiva"

Feijóo ábrese a que o PP apoie a moción de censura de Vox se o candidato non é Abascal, que xa anunciou que non o será. O ex-presidente e actual líder do PP sinalouno nunha entrevista en EsRadio con Federico Jiménez Losantos, na que lamentou que a formación de extrema dereita non se aveña a unha "mínima coordinación" para facer oposición ao Goberno do PSOE e Unidas Podemos.

Galicia vive unha xornada de intensas chuvias e diversas localidades das provincias de Ourense e Pontevedra superaron xa os 70 litros por metro cadrado acumulados no que vai de día, segundo Meteogalicia. A predición indica que continuará chovendo, aínda que con menor intensidade, durante boa parte da semana.

A final do concurso Fran Pérez "Narf" para grupos e artistas musicais que promove a Deputación da Coruña celébrase este domingo cunha gala aberta ao público no Teatro Colón da Coruña a partir das 19.00 horas, que tamén se pode seguir en directo a través do canal de Youtube de Cultura da Deputación da Coruña. No acto conducido polo xornalista Luís Pardo participarán as bandas finalistas deste ano: Noar, Mallou e Malena Gamalho.

Mobilizacións en 19 localidades arredor do país "a prol das montañas e do rural galego e en contra da actual invasión eólica que ameaza o noso territorio". A coordinadora 'Eólica Así Non' convocou este domingo a "máis de 3.000 persoas" con motivo do Día mundial das montañas e "co gallo de reivindicar diante das administracións públicas a preservación destes ecosistemas fundamentais para a vida fronte ao actual espolio eólico, baixo o lema 'Na defensa das montañas. Eólica Así Non. Temos alternativa". [Na imaxe, a acción que tivo lugar en Becerreá]

• HEMEROTECA | Alcoa como comodín: os dous cambios legais cos que a Xunta autoriza eólicos en sitios non previstos e os acelera discrecionalmente 
• HEMEROTECA | Rueda prioriza outros 8 parques eólicos fóra do plan galego para o sector e xa son 13, todos os que pediron as empresas 

Feijóo pide eleccións anticipadas no Estado. O presidente do Partido Popular afirma nunha entrevista publicada polo xornal El Mundo este domingo que "chegou o momento" de que se convoquen uns comicios porque "o plan de Sánchez non ten lexitimidade". Para Alberto Núñez Feijóo, senador a proposta do Parlamento de Galicia, as eleccións deberan celebrarse "inmediatamente". [Na imaxe, Feijóo e Rueda o pasado venres na presentación en Santiago do libro de Xosé Luís Barreiro Rivas sobre o ex-presidente da Xunta]

• CRÓNICA POLÍTICA | Escóitano? É o silencio
• CRÓNICA POLÍTICA | Todo é gravísimo (agás algunha cousa)
• HEMEROTECA | Feijóo formulou catro iniciativas en medio ano como senador polo Parlamento, ningunha sobre Galicia