Fálase

O Consello de Ministros aproba a nova Lei do Aborto, que inicia agora a súa tramitación parlamentaria. A nova norma mellora a xestión pública da interrupción voluntaria do embarazo, fortalece o dereito a facelo das mozas de 16 e 17 anos sen que sexa necesario contar coa autorización dos seus pais e introduce a posibilidade de acceder a baixas laborais por menstruacións dolorosas. Tamén inclúe a gratuidade dos anticonceptivos hormonais, incluída a pílula do día despois e o permiso remunerado antes do parto, dende a semana 36 do embarazo.

Morre en Compostela un bombeiro que formaba parte do dispositivo de extinción do incendio nun autobús urbano sen pasaxe en Aríns. O mozo, que estaba en prácticas e que non participaba na intervención, foi alcanzado polo vehículo.

A UE anuncia unha "intervención de emerxencia" para reformar o mercado eléctrico ante o "aumento vertixinoso dos prezos" que pon de manifesto "as súas limitacións", segundo anuncia a presidenta da Comisión Europea, Ursula Von der Leyen. Os ministros de Enerxía están convocados para unha reunión o vindeiro 9 de setembro. 

• ANÁLISE | O custo do gas desbócase coa guerra, dispara o recibo da luz e evidencia as eivas do sistema de fixación de prezos

Nas últimas horas quedou controlado o incendio que dende o venres afectaba a Porto do Son (parroquia de Ribasieira) e que queimou 82 hectáreas. Tamén ficou estabilizado o que o venres comezara no Viana do Bolo (parroquia de Grixoa) despois de arrasar 102 hectáreas de superficie. Así mesmo, foi extinguido o incendio que que afectou o Parque Natural do Xurés e que queimou 1,5 hectáreas no concello de Muíños. E, finalmente, foi estabilizado o lume que arrasou 20 hectáreas na Pobra de Trives (parroquia de Barrio)

Nas fins de semana de agosto, Praza.gal non se actualiza por descanso do persoal. Pero deixamos moito para ler e o luns estamos de volta 🙂

Hostaleiros denuncian que máis de 300 locais de lecer nocturno terán que devolver as axudas da Xunta na pandemia. A asociación Hostalaria.gal acusa o Goberno galego de "falta de sensibilidade", con reintegro de cantidades que acadan até os 35.000 euros

O PP rexeita que Rueda compareza tras a morte dunha muller no PAC de Baltar (Sanxenxo) e acusou o BNG de "demagoxia e mentira". A proposta dos nacionalistas foi apoiada polo PSdeG. 

• A Xustiza investiga a morte nun PAC de Sanxenxo dunha muller que non puido conseguir unha ambulancia

O Congreso dá o aprobado definitivo á lei de garantías da liberdade sexual –coñecida como a lei do 'só si é si'– e aproba o decreto lei de eficiencia enerxética, que recolle “medidas excepcionais” para garantir a sostenibilidade de distintos ámbitos económicos e sociais nun contexto de “incertezas a escala internacional” como a “crise dos prezos” e as “ameazas de interrupción parcial ou total do subministro de gas”. O BNG abstívose na votación deste decreto pola “discriminación a Galiza” dalgunhas das medidas e a “falta de compromisos concretos” co noso país por parte do Goberno do Estado. Nesta sesión do Congreso [na imaxe © Congreso] tamén quedou convalidado o decreto lei sobre os incendios forestais, que se tramitará polo procedemento de urxencia, aprobouse a nova lei de Ciencia, tecnoloxía e innovación así como unha modificación da lei concursal e mais o novo sistema de cotización para os autónomos.

• HEMEROTECA | Calefacción a 19 graos e luz apagada nos comercios e oficinas pechadas: guía do plan estatal de aforro enerxético
• HEMEROTECA | "É acoso no momento que lle dis que non": medra a violencia sexual ligada ao uso das redes sociais

Alfonso Rueda celebra as cifras "incribles" de turismo rexistradas en Galicia, que atribúe en boa parte ao Xacobeo: "Ten moito que ver". O presidente da Xunta prevé "un peche de ano fantástico" tras o verán. 

• Galicia superou en xullo o seu máximo histórico de turistas neste mes e apunta a un ano de récord

O incendio en Lobeira que afecta o Parque Natural do Xurés queimou xa 93 hectáreas, segundo informa a Consellería do Medio Rural. Foto: ATBrif. 

• ACTUALIZAMOS | O incendio que afecta o parque natural do Xurés queimou xa 265 hectáreas