Nas últimas horas quedou controlado o incendio que dende o venres afectaba a Porto do Son (parroquia de Ribasieira) e que queimou 82 hectáreas. Tamén ficou estabilizado o que o venres comezara no Viana do Bolo (parroquia de Grixoa) despois de arrasar 102 hectáreas de superficie. Así mesmo, foi extinguido o incendio que que afectou o Parque Natural do Xurés e que queimou 1,5 hectáreas no concello de Muíños. E, finalmente, foi estabilizado o lume que arrasou 20 hectáreas na Pobra de Trives (parroquia de Barrio)
Fálase
Nas fins de semana de agosto, Praza.gal non se actualiza por descanso do persoal. Pero deixamos moito para ler e o luns estamos de volta 🙂
Hostaleiros denuncian que máis de 300 locais de lecer nocturno terán que devolver as axudas da Xunta na pandemia. A asociación Hostalaria.gal acusa o Goberno galego de "falta de sensibilidade", con reintegro de cantidades que acadan até os 35.000 euros
O PP rexeita que Rueda compareza tras a morte dunha muller no PAC de Baltar (Sanxenxo) e acusou o BNG de "demagoxia e mentira". A proposta dos nacionalistas foi apoiada polo PSdeG.
O Congreso dá o aprobado definitivo á lei de garantías da liberdade sexual –coñecida como a lei do 'só si é si'– e aproba o decreto lei de eficiencia enerxética, que recolle “medidas excepcionais” para garantir a sostenibilidade de distintos ámbitos económicos e sociais nun contexto de “incertezas a escala internacional” como a “crise dos prezos” e as “ameazas de interrupción parcial ou total do subministro de gas”. O BNG abstívose na votación deste decreto pola “discriminación a Galiza” dalgunhas das medidas e a “falta de compromisos concretos” co noso país por parte do Goberno do Estado. Nesta sesión do Congreso [na imaxe © Congreso] tamén quedou convalidado o decreto lei sobre os incendios forestais, que se tramitará polo procedemento de urxencia, aprobouse a nova lei de Ciencia, tecnoloxía e innovación así como unha modificación da lei concursal e mais o novo sistema de cotización para os autónomos.
Alfonso Rueda celebra as cifras "incribles" de turismo rexistradas en Galicia, que atribúe en boa parte ao Xacobeo: "Ten moito que ver". O presidente da Xunta prevé "un peche de ano fantástico" tras o verán.
O incendio en Lobeira que afecta o Parque Natural do Xurés queimou xa 93 hectáreas, segundo informa a Consellería do Medio Rural. Foto: ATBrif.
Trinta hectáreas ardidas nun incendio en Lobeira que afecta o Parque Natural Baixa Limia-Serra do Xurés, segundo informa a Consellería do Medio Rural, que vén de dar por extinguido o fogo declarado o pasado luns en Moaña logo de queimar 23 hectáreas arboradas. Foto: @Incendiosgalic1
Miguel de Lira recibirá o Premio Cinema Galego na 15ª edición do FICBUEU. O actor recibirá o galardón e será entrevistado polo xornalista e produtor Gaspar Broullón, uníndose a anteriores gañadores, como Alfonso Agra, Antonio Durán ‘Morris’, Mabel Rivera, Luis Zahera ou Melania Cruz.
Medio Rural dá por controlado o incendio na parroquia de Meira, en Moaña, que na tarde deste luns mantivo alerta a toda a veciñanza da zona pola proximidade das lapas ás vivendas, polo que se decretou a Situación 2 de emerxencia. A Consellería estima que arderon máis de 20 hectáreas de terreo neste lume, no que aínda seguirán traballando ata lograr a súa extinción.
O lume na parroquia de Guillade, en Ponteareas, segue estabilizado e "evoluciona favorablemente", segundo traslada Medio Rural. Leva arredor de 25 hectáreas ardidas e está "practicamente perimetrado".