Fálase

Falece o poeta e profesor lugués Arcadio López Casanova (Lugo, 1942) en Valencia. Escritor, crítico literario e profesor de Literatura Española na Universitat de València, pertenceu á xeración de escritores dos 'Novísimos do 68'. Entre as súas obras, destaca a publicación de Mesteres en 1976. López Casanova [Fotografía © Galipedia] é Académico de honra da Real Academia Galega e conta con numerosos recoñecementos, como o Premio da Crítica de creación literaria por Liturxia do corpo (1984) ou o Premio Cultura Galega das Letras de 2011. 

• ENTREVISTA (2016) | Arcadio López-Casanova: “Non se pode someter a poesía a valores ideolóxicos”

O pintor Xulio Maside finou este domingo en Compostela aos 89 anos de idade. Nacido en Vigo en 1933 e sobriño de Carlos Maside, era tamén médico, profesión que sempre compaxinou coa pintura, actividade que exerceu ata os seus últimos días. Participou en múltiples mostras colectivas, con técnicas diversas, dende o debuxo á pintura pasando polo collage.

Macron gaña por catro puntos e enfrontarase a Le Pen na segunda volta das eleccións francesas. Dereita, socialistas e ecoloxistas chaman a votar polo actual presidente o vindeiro 24 de abril. [Imaxe: La République en Marche]

• AMPLIAMOS 👉 Macron volverá disputar a presidencia de Francia con Le Pen e Mélenchon fica ás portas de superar á extrema dereita

Feijóo avoga pola celebración dun congreso para a súa sucesión, que espera quede resolta no mes de maio. Asegura nunha entrevista en La Voz de Galicia que volver ao modelo das baronías territoriais sería "un grave erro" que non "representa o futuro"

• As novas boinas e birretes: Baltar e Calvo reclaman protagonismo nunha sucesión de Feijóo cos focos sobre Rueda

A ONU confirma case 1.800 persoas civís mortas e máis de 2.400 feridas na invasión de Ucraína. Do total de falecidas, 142 son crianzas. Foto. SES-Ukraine. 

Francia acode hoxe ás urnas marcada polo ascenso da dereita e a guerra da Ucraína. Macron parte como favorito nesta primeira volta fronte a un grupo con dous ultradereitistas con opcións, con Le Pen como a mellor posicionada. 

O Frente Polisario anuncia a suspensión dos seus contactos co actual Goberno de España tras o anuncio de "apoio ao plan do ocupante marroquí. Nun comunicado, asegura que a relación queda suspensa ata que España "se adhira ás resolucións da lexitimidade internacional que recoñecen o dereito de autodeterminación do pobo saharauí". 

• España volve deixar o pobo saharauí nas mans de Marrocos en plena mudanza do taboleiro internacional

O Tribunal Supremo admite a trámite os recursos do Concello de Santiago contra a sentenza da Audiencia de Madrid que deixou as esculturas do Mestre Mateo nas mans dos herdeiros de Franco. O alcalde compostelán, Xosé Sánchez Bugallo, di que o goberno local está satisfeito por unha noticia "inesperada" que "abre unha porta para que o Concello poida recuperar as pezas", mercadas polo consistorio en 1948.

• HEMEROTECA | O inventario do Pazo de Meirás inclúe 700 bens, entre eles as esculturas do Mestre Mateo
• HEMEROTECA | A Audiencia de Madrid recoñece que as esculturas do Mestre Mateo son do Concello de Santiago, pero seguirán en poder dos Franco

A Xunta levanta este sábado as últimas restricións específicas pola COVID na hostalería e deixa de haber límite de comensais por mesa. Feijóo sinala que a única restrición que seguirá vixente será a esixencia de certificado COVID para visitas a hospitais e residencias de maiores, xa avalada polo TSXG.

• A máscara de protección pola COVID deixa de ser obrigatoria en interiores o 20 de abril tras case dous anos

A elevada produción de renovables baixa o prezo da luz ata alcanzar os 7 euros/MWh nalgún tramo horario deste venres. Os fortes refachos de vento no norte da península e o tempo solleiro no centro e sur permiten unha forte baixada do importe da electricidade no mercado maiorista ao prescindirse do gas. 

• O custo do gas desbócase coa guerra, dispara o recibo da luz e evidencia as eivas do sistema de fixación de prezos