Fálase

Ignasi Belda será o primeiro director xeral da la Axencia Española de Supervisión da Intelixencia Artificial (AESIA), que terá a súa sede na Coruña. Belda, enxeñeiro informático e doutor en intelixencia artificial aplicada á biomedicina e dereito da tecnoloxía, impúxose nun proceso de selección ao que concorreron máis de cen persoas. Anteriormente exerceu cargos como director xeral do Parc Científic de Barcelona, fundou varias empresas no sector e, destaca o Ministerio para a Transformación Dixital, acumula "máis de 25 premios" á súa traxectoria. [Imaxe: © Daniel Portales, Parc Científic de Barcelona]

• O galego procura a súa normalización na Intelixencia Artificial da man dunha "histórica" lei europea
• HEMEROTECA | A Coruña consegue para Galicia a sede da Axencia estatal de Intelixencia artificial

O BOE publica a Lei de Amnistía en Catalunya, o que abre un prazo de dous meses para que os tribunais a apliquen a cada persoa con dereito a ela.

• HEMEROTECA | A lei de amnistía di buscar solución "desde a política" ao "conflito" e reivindica o respecto á Constitución
• HEMEROTECA | A amnistía en Catalunya deixa fóra os delitos considerados terrorismo polo dereito europeo

María Piñeiro e Antía Yáñez, gañadoras da segunda edición do certame de artigos organizado en torno ao Congreso As Mulleres que opinan son perigosas, cuxa sétima edición se celebrou o pasado febreiro en Pontevedra. A xornalista de El Progreso é distinguida polo artigo titulado Hablar -publicado en El Progreso- e a escritora, pola peza As leis de Newton -que será publicado proximamente-. Na imaxe, a entrega dos galardóns, este luns. [© Deputación de Pontevedra]

• Ética xornalística e ollada de xénero: 'As mulleres que opinan son perigosas', outra volta en Pontevedra

Yolanda Díaz anuncia que abandona o liderado de Sumar despois dos malos resultados acadados pola formación nas eleccións deste domingo. Díaz asume a "responsabilidade" e di que "é necesario dar un paso a un lado para dar un paso adiante na política que importa á xente". Con todo, a política galega confirma que seguirá no Goberno como vicepresidenta e Ministra de Traballo.

AMPLIAMOS | Yolanda Díaz anuncia que dá "un paso a un lado" en Sumar para dar "un paso adiante" no Goberno

Ana Peleteiro, campioa de Europa de triplo salto. A ribeirense acadou unha marca de 14.85 metros na final do campionato europeo de atletismo que se está a celebrar en Roma. 

Macron convoca eleccións en Francia: "Non podo facer como se non ocorrese nada". O presidente francés disolve a Asemblea Nacional tras coñecer a victoria do partido de extrema dereita de Le Pen nos comicios europeos e avanza unhas eleccións internas nun discurso dirixíndose á cidadanía francesa. 

A Real Academia Galega recibe como membro de honra o profesor, embaixador da lingua e da cultura galegas no Xapón Takekazu Asaka. “Para min, nipogalego, desde hai anos a lingua propia de Galicia é a miña segunda lingua. Ser membro de honra desta institución é o máximo que podería agardar dunha terra e dunha xente que tan ben me acolleron, e que me acollen cada vez que volvo”, asegurou no seu discurso no Auditorio da Xuventude de Cambados. [Fotografía CC-BY-SA RAG] 

Este venres detectáronse 1.542 raios en toda Galicia. A partir do mediodía deste venres as tormentas estiveron especialmente presentes na metade sur do país, onde se concentrou a actividade eléctrica. En total, dentro e fóra de Galicia, as redes de Meteogalicia contabilizaron 3.638 raios. 

A axencia da ONU para as persoas refuxiadas en Palestina (UNRWA) confirma "cando menos 35 mortes" na "escola-refuxio atacada durante a noite polas forzas israelís sen previo aviso aos desprazados" en Nuseirat (Gaza). "Atacar ou utilizar edificios da ONU con fins militares é un flagrante desprezo do dereito internacional humanitario", advirten, ademais de lembrar que "dende que comezou a ofensiva en Gaza, máis de 180 instalacións da UNRWA foron alcanzadas e, como resultado, máis de 450 persoas desprazadas morreron". [Imaxe: © UNRWA]

• Acampa chama a reflexionar sobre a infancia refuxiada co foco nos 15 mil menores asasinados en Gaza
• Concellos e deputacións galegas achegan axuda humanitaria a Gaza a través da UNRWA
• "A resistencia en Gaza é o único que queda porque non teñen armas, nin exército, nin apoio político ou económico"
• "De Gaza non se pode escapar, está pechada a cal e canto por Israel"

O Banco Central Europeo baixa os tipos de interese por primeira vez en oito anos e pon fin á escalada iniciada en 2022. O prezo do diñeiro pasa do 4,25% ao 4%, o que supón un alivio para as familias con hipotecas variables. Porén, o organismo presidido por Christine Lagarde advirte de que a política restritiva continúa e de que as vindeiras reducións de tipos tardarán en chegar