Detido un veciño de Mesía acusado de agredir sexualmente empregadas e captar inmigrantes para prostíbulos. Anunciábase nunha web ofrecendo traballos de camareira, limpadora ou persoal para obras e reformas.
Fálase
-
O PSdeG convoca para o 7 de abril as súas primarias á secretaría xeral e para o 27 o Congreso Extraordinario no que ratificará a nova dirección. Valentín González Formoso chama a "reflexionar profundamente" tras os "malos" resultados o 18F.
A Xunta desactiva o seu plan anticontaminación "pola baixa incidencia de pellets na costa". O Goberno galego indica que "os coordinadores dos grupos de resposta en terra e mar" salientan que "a pesar das condicións oceanográficas favorables para a entrada de máis material á costa galega nos últimos días, non se apreciou novas chegadas significativas de máis granulado". [Imaxe: © Greenpeace]
Pontón reitera a reclamación dunha "auditoría dos contratos de urxencia feitos polo Goberno do PP" entre marzo e decembro de 2020, ao inicio da pandemia. "Se non ten nada que agochar, non debería ter inconveniente", sinala a portavoz nacional do BNG ao ser preguntada polo 'caso Koldo', ao respecto do que reclama "ser implacable contra a corrupción" e sobre o que lembra a "falta de transparencia" nas contratacións de urxencia ao inicio da pandemia da COVID en diversas administracións, "incluída a Xunta". A líder do Bloque sinalouno durante un encontro na Coruña coas deputadas e deputadas da formación por esta provincia para a nova lexislatura.
- Ábalos rexeita dimitir e o BNG quere que o Congreso investigue tamén as compras na pandemia da Xunta de Feijóo
- HEMEROTECA | Contas conclúe que o fondo do Estado polos gastos da COVID foi "suficiente" para a Xunta agás no ensino
- HEMEROTECA | Detido un empresario polo roubo de "dous millóns de máscaras" sanitarias en Santiago en plena crise do coronavirus
Israel mata decenas de persoas en pleno reparto de axuda humanitaria en Gaza. Médicos sen Fronteiras amosa o seu "horror" por un ataque que, lembra, se produce mentres medra a fame entre a poboación palestina por mor das accións dos ocupantes israelís, que se limitan a atribuír as mortes de civís neste suceso a unha avalancha.
Gómez Besteiro renuncia á súa acta no Congreso para exercer como deputado na Cámara galega tras o 18F. "Renuncio á miña acta para seguir traballando por todos os galegos e galegas desde o Parlamento da nosa terra", di o que fora candidato do PSdeG á presidencia da Xunta. O comité nacional dos socialistas galegos avalía o posible adianto do Congreso no que, todo apunta, Besteiro asumirá o liderado do partido.
Persoal da banca secunda unha xornada de folga en Galicia por un convenio "xusto" e digno, "acorde cos beneficios millonarios das entidades". Centos de persoas manifestáronse na Coruña para reclamar a recuperación do poder adquisitivo ou a redución de carga de traballo.
The Rapants, a banda formada por Matías, Samu, Xanma e Xaquín, anuncia o seu terceiro disco La máquina del buen rollo para o 14 de marzo. O cuarteto muradán esgotou en cuestión de horas as entradas para as dúas datas de presentación na sala Capitol de Santiago para os días 23 e 24 de marzo, e antes participará no festival EmigraSon en Bruxelas. Este disco, “máis tranqui pero máis cañeiro que os anteriores”, é “moi próximo ao que o público pode escoitar en directo”, salientan.
Novas revelacións sobre a trama de corrupción Koldo sinalan que Miguel Tellado se reuniu cun dos investigados e que o xuíz apunta o ex-ministro Ábalos como "intermediario". O PSOE pide explicacións a Feijóo sobre a reunión do seu número dous co líder da trama corrupta, algo que negan o portavoz do PP e o propio partido. O ex-asesor de Ábalos dixo que quedara con Miguel Tellado "e con Alberto ao día seguinte".
Pontevedra será a sede do ESEE-Degrowth 2024, un congreso no que se agrupan a 15ª Conferencia da Sociedade Europea de Economía Ecolóxica (ESEE) e a décima Conferencia Internacional de Decrecemento, entre o 18 e o 21 de xuño. "Son eventos irmáns, que reúnen a elite da investigación sobre economía ecolóxica", salientou o director do grupo de investigación Post-Growth Innovation Lab da Universidade de Vigo, Mario Pansera.
Ademais da programación científica haberá "actividades non académicas" dirixidas ao conxunto da cidadanía. O evento buscará xerar un debate sobre as ideas do decrecemento e poscrecemento, que, como sinalou Pansera, fan referencia a como as sociedades poden manter "unha relación sostible co medio ambiente" e "vivir mellor sen ter que medrar de forma infinita, que é imposible". [Na imaxe, CC-BY-SA UVigo, a presentación no Concello de Pontevedra]
