Fálase

O BNG rexistra a investigación do sobrecusto do Cunqueiro e os contratos da Xunta con "empresas amigas e vinculadas a familiares". Ana Pontón asegura "non contemplar" que o PP "vete que Feijóo e Rueda comparezan", porque "sería unha falta de respecto aos galegos e galegas e á democracia". O seguinte paso será formular un plan de traballo con peticións concretas de comparecencias e documentación. Este mesmo venres o PSdeG avanzou que, no marco desa comisión, tamén reclamará a Feijóo e Rueda, e "probablemente haberá outras persoas de apelido Feijoo e de apelido Núñez que tamén cremos que son importantes, porque non pode ser que a contratación dunha empresa privada co sistema público aumente exponencialmente en canto entra a dirixir a irmá do presidente da Xunta", avanza o voceiro da súa Executiva, Julio Torrado.

• Que Feijóo volva a Galicia... Para dar explicacións
• "De que sobrecustos está falando?": Rueda critica a Besteiro por non estar "centrado" e pide a Pontón que sexa "valente"
• O BNG gaña o foco e o PP retén o control: os marcos da investigación aos contratos e sobrecustos da Xunta
• O foco de Feijóo sobre o que pode facer a familia dun presidente acaba virando contra a súa

Ti non o sabes, túa filla é a última en saír de todas as raves. Fillas de Cassandra revisa o mítico himno de La Pegatina, Maricarmen. “Ao final Maricarmen está tan entusiasmada que quere bailar no ‘afterhour’ coa filla ata o final, obviamente”, din Sara Faro e María SOA.

As Fillas de Cassandra actúan esta fin de semana no Festival Revenidas, en Vilaxoán; na sesión vermú da E-Foliada de Vila de Cruces; e nas Festas do Cristo do Barco de Valdeorras.

• ENTREVISTA | Fillas de Cassandra: “A emoción segue exactamente igual, aínda coa pel de galiña”

Concello de Vigo e Zona Franca anuncian o "inicio da recuperación da Panificadora para a cidade". Ambas institucións lanzan un novo convenio para "o desenvolvemento urbanístico da antiga industria" e da súa contorna. "Agora hai que redactar o convenio, que definirá o como, para que, os detalles e o investimento" que se fará "en canto o PXOM estea aprobado", sinala o alcalde, Abel Caballero. A antiga fábrica de pan pechou en 1980 e, dende aquela, acumulou intentos de demolición, incendios e ocupacións mentres planeaban sobre ela diversos proxectos que non chegaron a executarse, tal e como contamos nesta reportaxe.

• HEMEROTECA | Os destinos da Panificadora de Vigo

Papá & Mamá: nova vida para un clásico de Los Satélites da man de Ortiga. O compostelán versiona o popular merengue da emblemática orquestra coruñesa cunha letra actualizada aos nosos días e pensada para bailar. Faino pouco despois do pasamento de Sito Sedes, histórico vocalista da orquestra.

• Sito Sedes, historia de Los Satélites e emblema da música popular galega
• EN VINTE | Ortiga. Acostumarse á festa

O PPdeG rexeita confirmar se vetará a comparecencia de Feijóo no Parlamento de Galicia na investigación sobre os contratos da Xunta e o sobrecusto do hospital de Vigo. A número 2 do partido, Paula Prado, negouse este xoves a responder a varias preguntas de xornalistas ao respecto.

• CRÓNICA | Que Feijóo volva a Galicia... Para dar explicacións

Interior quere rebaixar de 0,5 a 0,2 a taxa de alcol en sangue para todos os condutores. Actualmente o límite xeral é de 0,5 gramos de alcol por litro de sangue, mentres que para condutores noveles e profesionais está en 0,3. En aire espirado a taxa xeral é de 0,25 mg/l e pasaría a 0,1. A proposta lanzouna este xoves o ministro, Fernando Grande-Marlaska.

• AMPLIAMOS | Interior quere reducir de 0,5 a 0,2 a taxa de alcol en sangue ao volante 25 anos despois da anterior rebaixa

O alumnado do colexio Altamar de Vigo acode a clase con casco ante a "insalubridade" das instalacións. A asociación de nais e pais do alumnado reclama solucións tanto á Xunta como ao Concello de Vigo. [Imaxe: Federación Asociacións de Veciños de Vigo]

Hugo Mallo, ex-capitán do Celta, é condenado por abuso sexual por tocar os peitos a unha muller que traballaba disfrazada de mascota do Espanyol. Terá que pagar unha multa de 6.000 euros e indemnizar a vítima con outros mil euros. Os feitos ocorreron no estadio do Espanyol en abril de 2019, antes do inicio dun partido entre os dous equipos. [Foto: RC Celta de Vigo SAD]

A Xunta organiza un congreso sobre fusións municipais con 15 homes e unha soa muller, moderadora, ante o que o alcalde de San Sadurniño, do BNG, renuncia a participar. O congreso pretende ser o marco de presentación dun estudo sobre fusións de concellos encargado pola Xunta hai máis de dous anos e medio.

• HEMEROTECA | Á procura do estudo que acredita un apoio cidadán do 83% á fusión de concellos, segundo a Xunta

A Casa-Museo Emilia Pardo Bazán celebra o 173 aniversario da escritora, nada o 16 de setembro de 1851, coa estrea de Contos escollidos. Emilia Pardo Bazán dende hoxe, unha serie de vídeos de curta duración nos que as voces convidadas len e comentan fragmentos do relato da homenaxeada que elixiron. A escritora viguesa Ledicia Costas protagoniza a primeira peza, na que comparte un anaco do relato Las medias rojas, unha desgarradora narración que conta a historia de Ildara, unha moza vítima da violencia sexista. Tamén participarán actriz María Vázquez, a poeta Lúa Mosquetera e o poeta Mario Obrero.