Fálase

O Congreso aproba de xeito definitivo os orzamentos do Estado para 2022 tras aceptar unha última emenda introducida no Senado con máis cartos para as linguas cooficiais diferentes do castelán. A emenda de Compromís co apoio do PP na Cámara Alta recibiu este martes o voto favorable na Cámara Baixa tamén de PSOE, Unidas Podemos ou BNG, formación esta última que se abstivo na votación global das contas para o próximo ano. Os orzamentos prevén un 29% máis de investimento en Galicia para 2022. [Imaxe: Congreso dos Deputados]

O Goberno de España concede a Medalla de Ouro das Belas Artes a Antón Reixa. A proposta do Ministerio de Cultura recoñece “a traxectoria deste artista polifacético como escritor, músico, guionista e director de cine”.

• HEMEROTECA (2016) | Antón Reixa: "Estamos moi anoxados outra vez co mundo"

A Xunta pedirá permiso ao Tribunal Superior para recuperar a prohibición dos encontros entre persoas non conviventes entre as 2 e as 6 da madrugada. Ademais, anuncia o peche da hostalería a medianoite agás venres e sábados, que será ás 1 da madrugada. Pubs e discotecas terán que pechar ás 2 da madrugada. As medidas estarán en vigor ás 00:00 do día 31 e prolongaranse ata o 18 de xaneiro, segundo vén de anunciar o conselleiro de Sanidade, Julio García Comesaña. 

• AMPLIAMOS 👉 A Xunta pide aval xudicial para vetar encontros de non conviventes tras o peche dos pubs, aos que limita horarios
• Noiteboa foi o día con máis PCR procesadas no Sergas dende o comezo da pandemia

A Xunta comunica este mediodía as medidas pola COVID que prevé para Noitevella e Aninovo nunha comparecencia ante a prensa do conselleiro de Sanidade, Julio García Comesaña, prevista para as 13h. Feijóo e Comesaña mantiveron no serán deste luns unha xuntanza (na imaxe) con membros do comité clínico que os asesora. (Foto: CC-BY-SA David Cabezón / Xunta)

• CONSÚLTAAS AQUÍ 👉 A Xunta pide aval xudicial para vetar encontros de non conviventes tras o peche dos pubs, aos que limita horarios
• Unha pandemia totalmente diferente: máis positivos ca nunca pero ata agora moitas menos hospitalizacións
• Noiteboa foi o día con máis PCR procesadas no Sergas dende o comezo da pandemia

O Tesouro Públco ingresa os primeiros 10.000 millóns de euros dos fondos NextGeneration de recuperación. A Comisión Europea confirmou este luns o desembolso ao Goberno de España, o primeiro dos Estados membros en recibir esta primeira achega. 

• NextGenerationEU, PERTE, Proxecto tractor: guía para non perderse nas axudas á recuperación tras a COVID que chegarán a Galicia 

Jácome renomea como 'Artes e Festexos' a Concellaría de Cultura do goberno bipartito de Ourense, que comparte co PP

• HEMEROTECA | Ourense lanza un SOS masivo na rúa contra a xestión de Jácome e Baltar: "Xa abonda"

Tanxugueiras, palabra do ano 2021 na votación organizada polo Portal das Palabras da Real Academia Galega e a Fundación Barrié. A gañadora "é símbolo dos novos camiños da música tradicional galega e que chanta as súas raíces na toponimia", destaca a RAG. As seguintes opcións preferidas foron resiliencia e vacinódromo.

• +INFO 👉 A música imponse á pandemia: Tanxugueiras, palabra galega do ano
• De Serrat ás Tanxugueiras: o uso das linguas minorizadas en Eurovisión, unha materia pendente no Estado español

O mundo di adeus a Desmond Tutu, o arcebispo emérito surafricano que foi clave na loita contra o apartheid, labor que foi recoñecido co premio Nobel da Paz en 1984. Faleceu este 26 de decembro aos 90 anos de idade.

O conselleiro de Sanidade, Julio García Comesaña, adianta nunha entrevista concedida a Europa Press que a Xunta traballa "dende o punto de vista normativo" en fórmulas para que o persoal sanitario que non estea vacinado -unha minoría- teña que someterse de forma constante a probas de detección da COVID co obxectivo de dar "garantías" á cidadanía que fai uso da atención sanitaria.

O domingo chega con avisos amarelos por chuvia no interior de Pontevedra e no oeste e suroeste da Coruña e avisos amarelos por fortes ventos na Mariña, norte da Coruña e nas montañas de Lugo e Ourense, informa Meteogalicia. A inestabilidade continuará este luns.