O Teatro Colón da Coruña acolle este sábado a estrea de 'Rosalía', unha obra para nenos e nenas sobre a infancia da escritora. Hai uns días falamos coa súa directora, Fina Calleja: "O apego de Rosalía á terra non é contemplación. É revolucionario, consciente. Non é unha paisaxe de postal, nostálxica".
En Marea decide non presentarse ás eleccións dous días despois de que Luís Villares anunciase que deixa a política. Tras a marcha do seu líder, a formación toma a decisión “para non fragmentar o voto progresista”. Ampliamos aquí a información.
O 83,8% dos participantes na consulta de Podemos Galicia sobre se ir en coalición ás eleccións galegas apoian esa fórmula, que aínda se está a negociar con Anova e mareas municipais. Segundo a formación, na consulta celebrada este xoves participaron 3.728 persoas, das que o 83,8% dixo si, o 12,5% non e o 3,7% abstivéronse. Este venres remata o prazo para comunicar as coalicións á xunta electoral.
Falece un traballador do porto exterior da Coruña esperando atención médica. O operario, de 38 anos, sufriu unha indisposición e tivo que agardar máis de media hora para ser atendido por unha ambulancia pola carencia de servizo sanitario nas instalacións, informa Radio Coruña
O xulgado acepta a adhesión da Deputación da Coruña ao proceso para reclamar a propiedade do Pazo de Meirás á familia Franco iniciado polo Estado. A institución provincial súmase así ao Concello de Sada e a Xunta, xa adheridos á mesma demanda.
Guadi Galego recibe hoxe o Premio á Promoción da Realidade Plurilingüe do Estado, que conceden os gobernos de todas as autonomías plurilingües. É galardoada por ‘Immersión’: un disco de “catarse emocional” para situar as linguas peninsulares “á altura dos afectos”
5A | A CRTVG propón celebrar un debate electoral "en horario de máxima audiencia" entre "as principais forzas políticas galegas" o día 23 de marzo, primeiro luns da campaña. A corporación pública sinala que agardará ao peche de candidaturas para especificar a que forzas políticas se refire. O último debate electoral en prime time que ofreceu a CRTVG foi o das eleccións galegas de 2016; nos seguintes comicios, optou por emitilos ás 10 da mañá.
Tres persoas feridas no descarrilamento dun tren da antiga Feve á altura de Mañón, na liña Ferrol-Ribadeo. Segundo informan o 112 e Adif, a causa do accidente foi un corremento de terras. Na imaxe, unha locomotora do tren do norte.
A Comisión da Competencia abre expediente a sete empresas de alugueiros e intermediación inmobiliaria. A CNMC analiza a posible coordinación de prezos a través de algoritmos das súas plataformas informáticas de Idealista SA, Look & Find primera red inmobiliaria SA, DC Franquiciadora Inmobiliaria SA, Aplicaciones Inmovilla SL, Witei Solutions SL, Anaconda Services and Real Estate Technologies SL e Servicio Multiple de Exclusivas Inmobiliarias SL (MLS).
5A | Luís Villares retírase da política. O ata agora líder de En Marea anuncia a súa marcha ás portas dunhas eleccións galegas nas que as enquistas se viñan amosando moi negativas para a formación. Ampliamos a información neste espazo
