Fálase

Entra en funcionamento en Galicia o servizo 028 Arco da Vella, que ofrece información, asesoramento xurídico e atención psicosocial inmediata e especializada fronte as violencias por LGBTIfobia. A partir deste luns a Xunta activa un servizo que funciona no Estado desde o pasado 5 de xullo a través do Ministerio de Igualdade en coordinación coas comunidades autónomas. 

É gratuíto, funciona as 24 horas do día e está dirixido ás vítimas de delitos de odio ou de discriminación por LGBTIfobia, así como para informar e atender calquera necesidade das personas LGBTI, ás súas familias ou achegados. Ademáis de chamar ao 028, pódese contactar no 028-online@igualdad.gob.es e/ou sevizo028arcodavella@xunta.gal.

• HEMEROTECA | Día do Orgullo e de preocupación pola lexitimación dos discursos de odio: "O 23X xogámonos moito" 
• HEMEROTECA | Identidades e disidencias sexuais: radiografía á diversidade en Galicia entre chamadas á formación e á empatía

Galicia despide setembro superando os 34 graos de temperatura no interior e os 30º na costa. As altas temperaturas continúan no primeiro día de outubro, segundo as predicións de Meteogalicia en Ourense os termómetros chegarán aos 36º, aos 33º en Lugo, 32º en Santiago, 31º en Vigo, Pontevedra e Ferrol e aos 29º na Coruña. O luns chegará unha fronte que entrará polo oeste da provincia da Coruña deixando nubes baixas e probabilidade de orballos a partir do mediodía, cunha baixada das temperaturas máximas. 

Histórico: O Corno, Cuncha de Ouro do Festival de San Sebastián. A película en galego de Jaione Camborda gaña o máximo galardón do certame.

• ENTREVISTA | Jaione Camborda: "Aposto moito por compartir inquedanzas, gústame situarme na pregunta para compartir co espectador"

Feijóo reaparece no Foro A Toxa ao día seguinte de fracasar na súa investidura no Congreso "orgulloso" de non ceder a "ningunha chantaxe" dos partidos independentistas. O líder do PP considera que o referendo en Catalunya é "un cebo" para que a amnistía semelle "algo máis sensato". [Fotografía © Foro A Toxa] 

• Feijóo confirma o seu fracaso na investidura mantendo o idilio con Vox e compracendo a ala dura do PP

O PP de Lugo suspende de militancia o ex-alcalde de Quiroga Julio Álvarez por un presunto delito de violencia machista. O Partido Popular aparta o primeiro edil do Concello de Quiroga dende 1987 e ata as últimas municipais tras a súa detención na tarde deste xoves. [Julio Álvarez (á esquerda da imaxe) CC-BY-SA Xunta]

• HEMEROTECA | O PP escíndese no gran feudo da dereita na montaña de Lugo 

Felipe VI convoca unha nova rolda de consultas cos partidos políticos para os días 2 e 3 de outubro logo de recibir a presidenta do Congreso, Francina Armengol. Agárdase que o rei propoña agora a Pedro Sánchez como candidato á investidura logo do fracaso de Feijóo.

Miguel Tellado (PP) culpa o PSOE do acoso sufrido polo ex-alcalde de Valladolid, Óscar Puente, na súa viaxe cara a Madrid para participar no debate de investidura de Feijóo. O ex-secretario xeral do PPdeG chama "matóns de patio de colexio" aos socialistas logo e critica a "chulería e agresividade" do PSOE logo do altercado sufrido por un dos seus parlamentarios. A formación socialista pide a destitución do político ferrolán. 

Guadi Galego lanza novo sinxelo, O.D.A., o seu primeiro tema desde o álbum Roibén, de 2022. "Estamos vivas", reivindica a artista cedeiresa sobre unha canción que xa está dispoñible en diversas plataformas. 

• Guadi Galego: "Cantar na túa lingua na capital deste Estado plurilingüe e plurinacional vese como un triunfo, cando debería ser habitual"

Ás 12.15 horas deste venres retómase a sesión de investidura de Feijóo, na que deberá ter máis votos a favor que en contra para ser elixido presidente tras non lograr o mércores a maioría absoluta do Congreso. A votación realizarase "non antes" das 13.22 horas, 48 horas despois da fracasada primeira votación. A sesión pode verse en directo na web do Congreso.

• Feijóo certifica o fracaso da súa investidura tras reafirmar a súa alianza coa ultradereita
• Feijóo usa a investidura para entrar na precampaña galega e atacar o BNG e a Besteiro
• Feijóo afronta a súa 'quinta' investidura, abocada ao fracaso, lonxe do "Deus fratresque Gallaecia" irmandiño da de 2009

Unha concentración en Noia rexeita as "tentativas de intimidación da mineira de San Finx". A plataforma contra as verteduras concentrouse ante os xulgados, onde estaba chamado a declarar o director da mina para "ratificar unha denuncia falsa presentada contra Ecoloxistas en Acción". 

• A Xunta dá á mina de San Finx ata outubro para comprobar se executou unha depuradora ou lle revoga a autorización
• O director de Minas da Xunta de Feijóo insiste ante a xustiza en avalar informes da mina de San Finx que a acusación cre "falsos"