Fálase

Medio Rural declara a Situación 2 de emerxencia na área de influencia do distrito forestal XI O Ribeiro - Arenteiro pola proximidade dos lumes rexistrados nos concellos do Irixo, de Boborás e do Carballiño a diversos núcleos de poboación da contorna.

O lume do Irixo, na parroquia de San Cosmede de Cusanca, iniciouse ás 12.30 horas deste mediodía e segundo as últimas estimacións da Consellería afecta unha superficie de 240 hectáreas. No de Boborás, na parroquia de Astureses, o lume comezou ás 17.30 horas e no concello do Carballiño, na parroquia de Longoseiros, o incendio está activo desde as 15.51 horas desta tarde. [Imaxe do lume do Irixo: ATBRIF]

• Cinco incendios iniciados este martes en Laza, Carballeda, Chandrexa e As Pontes suman outras 1.500 hectáreas queimadas nun só día 

O DOG publica o decreto que autoriza o inicio de actividades da universidade de Abanca, aprobado polo Consello da Xunta o 27 de xullo pero ocultado polo presidente Rueda na rolda de prensa posterior. A universidade foi recoñecida por unha lei do Parlamento apoiada só polo PP hai un ano.

Un incendio en Carballeda de Valdeorras, na parroquia de Casaio, que comezou este martes pouco antes das dúas do mediodía, xa leva 90 hectáreas ardidas. A Consellería do Medio Rural non informa de máis lumes novos ata as 19.30 horas, os incendios de Verín e Ponte Caldelas están controlados, o de Boiro permanece estabilizado e o de Monfero, dentro do Parque Natural Fragas do
Eume, dáse por extinguido desde esta tarde. [Imaxe: Brif de Laza]

O Estado financiará á Xunta para exhumar tres foxas de vítimas do franquismo en Lousame, na Capela e en Celanova. Así o confirmou o delegado do Goberno de España en Galicia, José Miñones, durante unha visita ao que fora campo de concentración dos golpistas en Camposancos  (A Guarda), na imaxe. A achega, de algo máis de 104.000 euros, está destinada a financiar "os traballos de localización, exhumación e identificación" das vítimas, así como a "difusión posterior, a dignificación dos lugares e a reparación da memoria das vítimas".

• HEMEROTECA | Os 11 campos de concentración franquistas en Galicia, o espazo dunha "estratexia de terror"
• HEMEROTECA | A Xunta, ausente da declaración pola memoria histórica asinada pola maioría de autonomías

Os derbis galegos da temporada 22-23 da ACB xa teñen data: o Breogán recibirá ao Obradoiro no Pazo o 8 de xaneiro (17h) e o partido de volta no Fontes do Sar disputarase o 25 de marzo (18h). O calendario completo da máxima competición do baloncesto masculino pódese descargar nesta ligazón. Na temporada pasada, o conxunto compostelán impúxose ao lucense en Sar e os breoganistas levaron o partido xogado na súa casa. Na imaxe, canto do himno galego no derbi do pasado marzo [© CB Breogán]

Renfe abriu este luns un rexistro na súa web para obter o abono gratuíto para viaxes recorrentes en Media Distancia e Cercanías. As persoas usuarias comezarán a recibir o abono o 24 de agosto e este será válido do 1 de setembro ao 31 de decembro.

• As viaxes gratis en trens de media distancia requirirán dunha fianza de 20 euros

Nas fins de semana de agosto, Praza.gal non se actualiza por descanso do persoal. Pero deixamos moito para ler e o luns estamos de volta 🙂

Varios dos tripulantes do histórico Xurelo reúnense na Coruña para lembrar "o papel decisivo de Galicia na loita pola defensa do medio mariño" e a fin das verteduras nucleares ao Atlántico, grazas á súa travesía de hai catro décadas. A homenaxe foi impulsada pola organización do Festival Mar de Mares, que se celebra do 15 ao 18 de setembro, e nela participaron Gonzalo Vázquez, na altura tenente de alcalde da Coruña por Esquerda Galega; Roxelio Pérez, profesor universitario e activista do Colectivo Natureza, o escritor e xornalista Manuel Rivas e mais o fotoxornalista Xosé Castro, Pepucho.

• HEMEROTECA | 40 anos da odisea do 'Xurelo': "Debería figurar no calendario de vitorias de Galicia e da humanidade"
• HEMEROTECA | “Greenpeace avisounos dos vertidos radioactivos pero o seu barco avariouse e os galegos fomos sós no Xurelo”

O conselleiro de Sanidade cesa o xerente do Sergas, José Flores, para nomealo xerente da área sanitaria de Pontevedra - O Salnés. Julio García Comesaña -na imaxe, comunicando a decisión xunto a Flores e o seu antecesor-, afirma que Flores "desempeñou un papel fundamental na xestión da pandemia da covid-19 e no funcionamento do Servizo Galego de Saúde como hospital único durante esta crise". O Consello da Xunta aproba o seu cesamento este xoves e o nomeamento como sucesora de Estrella López-Pardo, ata agora directora xeral de Planificación e Reforma Sanitaria.

• BNG e PSdeG advirten de que o "cambio de caras" na xerencia do Sergas non solucionará o "colapso" sanitario

O fume do incendio de Verín, moi próximo ás casas e no que xa arderon arredor de 260 hectáreas, obriga a cortar a estrada N-525. A actualización de Medio Rural da última hora desta tarde indica que o lume "iniciouse en máis dunha decena de focos diferentes, polo que todo apunta á súa intencionalidade”. Na imaxe, bombeiros da Brif de Laza, en Verín. [Imaxe: © Brif Laza]

• AMPLIAMOS 👉 O lume volve poñer casas en risco nun incendio con dez focos ás portas de Verín
• Os grandes incendios "incontrolables" asentan en Galicia tras anos de avisos polo influxo do cambio climático