Fálase

A Xunta fai oficial que persoal non funcionario poida dirixir grupos de traballo cos que xestionará fondos europeos. O DOG publica este martes o acordo adoptado polo Consello da Xunta hai tres meses avanzado unha semana antes por Praza.gal. É unha máis das diversas mudanzas no emprego público e privatizacións de funcións que ata agora desenvolvía a administración que se iniciaron coa Lei de Reactivación Económica aprobada a comezos de ano. Aquí podes repasar as diversas informacións que estamos elaborando sobre esa norma.

Morre aos 78 anos a cantante italiana Raffaella Carrà. "A súa risa inconfundible e o seu extraordinario talento brillarán para sempre", di o seu compañeiro, que confirmou o pasamento á axencia de noticias Ansa. (Imaxe. CC BY-SA El Hormiguero)

Acordo entre a TVG e a irlandesa RTÉ para emitir as semifinais e finais do torneo All-Ireland de fútbol gaélico con comentarios de xogadores da liga galega. Fíxoo público a Asociación Galega de Fútbol Gaélico, que aplaude "que este gran evento vaia a ser retransmitido pola TVG por ser "unha colaboración pioneira entre a televisión publica galega e a irlandesa" e "permitir ao público galego coñecer como é o fútbol gaélico de máximo nivel". (Imaxe: RTÉ)

• HEMEROTECA | As seleccións galegas de fútbol gaélico acceden á fase final dos Xogos Mundiais

Na madrugada deste luns comeza a campaña de pesca do polbo, que estará aberta ata algún momento de 2022 aínda non determinado.

• HEMEROTECA (2018) | O Oceanográfico de Vigo confirma que deu reproducido o polbo en catividade

A XIII Festa da Palabra na Insua dos Poetas homenaxea a Lorca e os seus seis poemas galegos no 85 aniversario do seu asasinato.

• HEMEROTECA | Cen anos da chegada do estudante García Lorca a Galicia

A Real Academia Galega dedicará o Día das Letras de 2022 a Florencio Delgado Gurriarán. O "labor literario e activismo político e cultural constitúen un dos capítulos máis destacados das letras galegas da diáspora", destaca a Academia sobre o autor de Valdeorras. 

👉 AMPLIAMOS | Florencio Delgado Gurriarán, homenaxeado nun Día das Letras que recoñecerá o labor da intelectualidade galega no exilio

PARO REXISTRADO | As inscricións nas oficinas de emprego descenderon en 7.588 en Galicia durante o mes de xuño e o paro rexistrado queda en 157.718 persoas, 26.936 menos que o mesmo mes de 2020. No mesmo mes, a afiliación media á Seguridade Social en Galicia aumentou en 11.193 persoas e quedou en 1,021 millóns, 35.079 persoas máis que un ano antes. 

AMPLIAMOS 👉 A afiliación á Seguridade Social volveu en Galicia en xuño a niveis do verán de 2018 e o persoal en ERTE caeu un 17%

A Real Academia Galega decide mañá, 2 de xullo, a quen dedicará as Letras Galegas do 2022. As candidaturas entre as que votarán os membros da RAG son a conxunta de Ánxel Casal e Federico García Lorca, a de Florencio Delgado Gurriarán e mais a de Fiz Vergara Vilariño.

• 🔊PODCAST | Retrocorenta: Xela, Lois e as letras pop(ulares)

A Xunta confirma que "o vindeiro luns", 5 de xullo, activará o sistema de autocita para a vacinación da COVID-19 das persoas menores de 40 anos, segundo vén de concretar Feijóo, que non especifica que rangos de idade concretos poderán comezar a usalo. A Consellería de Sanidade avanzara que este sistema, paralelo á citación a través de SMS por orde de idade, está concibido para "encher ocos" e condicionado, como toda a campaña, ao fornecemento de doses.

• AMPLIAMOS 👉 A autocita da Xunta para a vacinación da COVID: menores de 30 anos e maiores que perdesen a súa quenda
• O gromo importado de Mallorca impulsa a incidencia da COVID en Galicia e axita a vacinación masiva

A Cidade da Cultura confirma as datas e programa da edición 2021 do Atardecer no Gaiás con 16 concertos ao aire libre dende a vindeira semana e ata finais de agosto. As entradas custarán 3 euros e sairán á venda semanalmente.