A Cidade da Cultura confirma as datas e programa da edición 2021 do Atardecer no Gaiás con 16 concertos ao aire libre dende a vindeira semana e ata finais de agosto. As entradas custarán 3 euros e sairán á venda semanalmente.
Fálase
-
A Audiencia Nacional seguirá deliberando mañá sobre os recursos contra a prórroga de ENCE en Pontevedra, prolongando a tarefa iniciada a pasada semana por mor "da complexidade do procedemento". Así o fixo público Greenpeace, que xunto á APDR e ao Concello de Pontevedra recorreu a prórroga outorgada polo Goberno de Rajoy en funcións no ano 2016 para que a pasteira poida seguir en Lourizán ata 2073. (Imaxe: © Greenpeace)
O líder do PP, Pablo Casado, defende no Congreso que "falando de memoria histórica, a guerra civil foi un enfrontamento entre quen querían a democracia sen lei e quen querían a lei sen democracia". Afirmouno en resposta á comparecencia de Pedro Sánchez a petición propia sobre os indultos aos líderes independentistas cataláns e mais a respecto do último Consello Europeo. Casado reclamou tamén que Sánchez "dimita" nun discurso que foi respondido con aplausos da bancada do PP, posta en pé.
- HEMEROTECA | 'Dores', o documental que deita luz sobre a escuridade dos campos de concentración franquista en Galicia
- HEMEROTECA | Os franquistas tentaron roubar cartos da campaña do Estatuto do 36 mentres mataban os seus promotores
- HEMEROTECA | Saúdos fascistas e sorrisos conxelados: retratos de Galicia tras o golpe franquista
A Xunta mantén Sarria no nivel alto de restricións pola COVID e sitúa tamén nel a Carnota. Dende as 00:00 do sábado estarán en nivel medio Cambre, Castroverde, Oia, Barro, Cambados, Poio, Pontevedra, Vilaboa e Vilanova de Arousa
As persoas propostas polos grupos parlamentarios para compoñer o novo Consello de Administración da CRTVG comparecen esta mañá ante o Parlamento. A lei dos medios públicos fixa esta comparecencia como requisito previo á súa elección. Na imaxe (© Parlamento), Alfonso Cabaleiro, un dos propostos polo PP.
Lara Bacelo, Iván Villarmea e Manuel Barreiro gañan a quinta edición dos Premios María Luz Morales de ensaio e videoensaio sobre o audiovisual. Os galardóns organízaos a Academia Galega do Audiovisual e teñen o apoio das catro deputacións.
Fin de semana de éxitos para o atletismo galego cos triunfos de Ana Peleteiro, Adrián Ben, Leticia Gil e Belén Toimil no campionato de España celebrado en Getafe. (Fotos: © RFEA).
O PP renovaría a maioría absoluta en Galicia e o BNG aséntase como segunda forza segundo unha enquisa de Sondaxe que prevé a entrada de Galicia en Común no Parlamento.
Feijóo coincide con Aznar e di que "probablemente non haxa ningún antecedente na UE dun cambio de Goberno como consecuencia dun atentado" e atribúe aos ataques do 11M a vitoria do PSOE as eleccións de 2004.
Catro novos gromos de coronavirus en granxas de visóns galegas. A Xunta comunicou ao Ministerio de Agricultura, Pesca y Alimentación a existencia de catro focos positivos do virus SARS-CoV-2 en catro granxas de visón americano da provincia da Coruña: dous en Abegondo, un en Santiago e outro na Baña, onde se dectara o primeiro caso en xaneiro.
Medio Rural informa de que nunha explotación de Abegondo –que conta con 5.555 visóns– detectáronse 10 positivos, mentres na outra –con 5.310 animais– hai dous positivos. Nas instalacións de Santiago –cun total de 19.231 visóns censados– identificáronse dous positivos. E no que respecta ás da Baña –que teñen 6.500 visóns– hai catro animais con coronavirus. [Foto CC-BY-SA TheAnimalDay.org]
