A pontevedresa Antía Jácome clasifícase para as semifinais do C1 200, que terán lugar este venres ás 10:30 horas e que darán o pase á final, prevista para o venres ao mediodía. O madrileño con licenza galega Diego Domínguez, considerado DGAN (Deportista Galego de Alto Nivel), pasou á final do C2 500, que se celebrará este ás 13:20 horas.
Fálase
Carles Puigdemont reaparece a carón do Parlament de Catalunya. O líder de Junts, que se enfronta a unha orde de detención, tentan bloquear a investidura como president do socialista Salvador Illa. [Imaxe: Junts]
Pablo Crespo, clasificado para as semifinais do C1 1000 metros, que terán lugar o venres ás 11:30 horas. O palista pontevedrés, de só 22 anos, foi segundo na repesca e sumouse ao resto de competidores e competidoras galegas, que este martes tamén acadaron a súa clasificación para as roldas decisivas. Foto: RFEP
A oleirense Yulenmis Aguilar, clasificada para a final de lanzamento de xavelina nos Xogos Olímpicos de París. A atleta de orixe cubana, que reside en Oleiros dende o ano 2021, realizou un lanzamento de 61,95 metros, a cinco centímetros no nivel esixido, pero obtivo o pase por postos, ao ser a novena mellor dos dous grupos. O sábado 10 ás 19:30 horas competirá na gran final
O Goberno do España considera "ilegal e ilexítimo" o tribunal que xulgou o médico republicano Rafael de Vega, asasinado polos golpistas en Lugo o 21 de outubro de 1936, e condena o seu fusilamento na acta de Recoñecemento e reparación persoal. En aplicación da Lei de Memoria Histórica, o Executivo comunicou este martes á familia a reparación da súa memoria, como adianta El Progreso. [📸 Rafael de Vega Barrera, nunha imaxe gardada pola súa familia CC-BY-NC-SA Rafaeldevega.es]
- HEMEROTECA | Rafael de Vega: Médico, republicano, asasinado
Unha vintena de concentracións en cidades e vilas galegas amosarán este mércores pola tarde a súa repulsa polo crime machista que tivo lugar no barrio coruñés de Labañou onde un home de 76 anos asasinou a súa muller, de 74.
Renfe pedirá compensacións económicas a Talgo polas incidencias reiteradas nos novos trens Avril. A empresa pública está "cuantificando o dano reputacional e en indemnizacións a viaxeiros" coa posibilidade de formular tamén "unha demanda adicional de danos e prexuízos". [Imaxe: Talgo]
- HEMEROTECA (23/5/2024) | Atrasos na estrea do Avril: cando as demoras no Alvia acabaron reducindo a seguridade e ocorreu o accidente de Angrois
- HEMEROTECA (16/5/2024) | A estrea dos trens Avril inicia unha xeira de melloras ferroviarias que continuarán "xa" os Avlo de baixo custe
- HEMEROTECA (7/7/2022) | Renfe prevé sancionar a Talgo por non entregar os trens que estenderán máis a alta velocidade por Galicia e o PP culpa a Sánchez
O Ministerio de Sanidade alerta de risco medio para a saúde este martes por altas temperaturas no Baixo Miño. O resto da provincia de Pontevedra está en nivel baixo.
O Concello de Vigo di que non autorizou, por falta de documentación, a atracción na que esta fin de semana morreu un home nas festas de Matamá. Segundo o goberno local, tanto o propietario da atracción como a comisión de festas "tiveron notificación escrita da falta de autorización por non atender os requirimentos de documentación".
Detido un home como presunto autor da morte dunha muller de 74 anos na Coruña. O sospeitoso pasou a disposición xudicial o sábado pola tarde e o Xulgado de Instrución 1 da Coruña decretou o seu ingreso en prisión provisional investigado por un delito de homicidio. O Ministerio de Igualdade estuda que poida ser unha morte por violencia de xénero. [Imaxe: CC-BY-NC-SA Gz Contrainfo]