Fálase

O Goberno do España considera "ilegal e ilexítimo" o tribunal que xulgou o médico republicano Rafael de Vega, asasinado polos golpistas en Lugo o 21 de outubro de 1936, e condena o seu fusilamento na acta de Recoñecemento e reparación persoal. En aplicación da Lei de Memoria Histórica, o Executivo comunicou este martes á familia a reparación da súa memoria, como adianta El Progreso. [📸 Rafael de Vega Barrera, nunha imaxe gardada pola súa familia CC-BY-NC-SA Rafaeldevega.es]

• HEMEROTECA | Rafael de Vega: Médico, republicano, asasinado

Unha vintena de concentracións en cidades e vilas galegas amosarán este mércores pola tarde a súa repulsa polo crime machista que tivo lugar no barrio coruñés de Labañou onde un home de 76 anos asasinou a súa muller, de 74.

• Detido un home de 76 anos polo asasinato da súa muller na Coruña

Renfe pedirá compensacións económicas a Talgo polas incidencias reiteradas nos novos trens Avril. A empresa pública está "cuantificando o dano reputacional e en indemnizacións a viaxeiros" coa posibilidade de formular tamén "unha demanda adicional de danos e prexuízos". [Imaxe: Talgo]

• HEMEROTECA (23/5/2024) | Atrasos na estrea do Avril: cando as demoras no Alvia acabaron reducindo a seguridade e ocorreu o accidente de Angrois
• HEMEROTECA (16/5/2024) | A estrea dos trens Avril inicia unha xeira de melloras ferroviarias que continuarán "xa" os Avlo de baixo custe
• HEMEROTECA (7/7/2022) | Renfe prevé sancionar a Talgo por non entregar os trens que estenderán máis a alta velocidade por Galicia e o PP culpa a Sánchez

O Ministerio de Sanidade alerta de risco medio para a saúde este martes por altas temperaturas no Baixo Miño. O resto da provincia de Pontevedra está en nivel baixo.

• Dos 25,5 graos na Mariña aos 37,5 en Ourense: cando a calor fai saltar a alerta sanitaria

O Concello de Vigo di que non autorizou, por falta de documentación, a atracción na que esta fin de semana morreu un home nas festas de Matamá. Segundo o goberno local, tanto o propietario da atracción como a comisión de festas "tiveron notificación escrita da falta de autorización por non atender os requirimentos de documentación". 

Detido un home como presunto autor da morte dunha muller de 74 anos na Coruña. O sospeitoso pasou a disposición xudicial o sábado pola tarde e o Xulgado de Instrución 1 da Coruña decretou o seu ingreso en prisión provisional investigado por un delito de homicidio. O Ministerio de Igualdade estuda que poida ser unha morte por violencia de xénero. [Imaxe: CC-BY-NC-SA Gz Contrainfo]

• AMPLIAMOS | Detido un home de 76 anos polo asasinato da súa muller na Coruña
• HEMEROTECA | Vinte mulleres vítimas das violencias machistas ao día en Galicia e aínda sen xulgados específicos en todas as cidades

O tomiñés Manuel Ochoa disputa esta tarde, a partir das 15.30, os cuartos de final de kayak cross nos Xogos Olímpicos. Na fin de semana, o cubano afincado na Coruña Enmanuel Reyes logrou a medalla de bronce en boxeo e a ribeirense Ana Peleteiro quedou sexta en triplo salto. [Foto: @RFEP]

• Galicia chega a París cunha trintena de deportistas e varias opcións de medalla

As fins de semana de agosto Praza.gal non se actualiza por descanso do persoal. Pero deixámosvos moito para lerdes e o luns estamos de volta.

Ana Peleteiro clasifícase ao primeiro intento para a final de triplo salto deste sábado nos Xogos Olímpicos. Con 14 metros e 36 centímetros logra un centímetro máis da mínima requirida. [Imaxe: RFEA]

• Ana Peleteiro entra en escena co obxectivo de acadar outra medalla

Liberado por Polonia o xornalista español Pablo González, nacido en Rusia e acusado de espiar para ese país, no marco dun intercambio de presos entre Moscú e Occidente. González, que levaba dous anos e medio preso sen ser xulgado, foi candidato en 2022 ao Premio á Liberdade de Prensa que outorga o Colexio Profesional de Xornalistas de Galicia e que acabaría gañando Érika Reija. [Imaxe: EITB]