O Goberno de España aproba o anteproxecto de lei e dá o primeiro paso para reducir a xornada laboral a 37,5 horas. "Hoxe é un día histórico", di Yolanda Díaz, ministra de Traballo.

O Goberno de España aproba o anteproxecto de lei e dá o primeiro paso para reducir a xornada laboral a 37,5 horas. "Hoxe é un día histórico", di Yolanda Díaz, ministra de Traballo.
Álex López deixa o fútbol. O capitán do Racing de Ferrol e ex-xogador do Celta, entre outros equipos, asumirá outras funcións dentro do club ferrolán, segundo vén de anunciar a entidade.
Este luns entra en servizo o treito Palas-Melide da autovía A-54 entre Lugo e Santiago, de algo máis de 11 quilómetros. Faino case trinta anos despois da primeira pedra do primeiro treito, da Lavacolla a Compostela e coa recomendación de que os camións sigan circulando pola N-547 para evitar colapsar rúas do centro melidao. Aínda resta o tramo final, 16 quilómetros de Melide a Arzúa, que o Ministerio de Transportes prevé finalizar durante este 2025. O ministro Óscar Puente preside a inauguración nunha xornada na que tamén visita as obras da conexión ferroviaria do porto exterior da Coruña. Na imaxe [© Ministerio de Transportes], obras da A-54 entre Palas e Melide, o pasado ano.
Hoxe é a Candeloria, "o día que casan os paxariños" ou a Festa da Luz. A Agrupación Cultural Alexandre Bóveda dedícalle un artigo á celebración que marca o inicio do final do inverno: "pola Candeloria, metade do inverno fóra; e se chove e fai vento, metade fóra e metade dentro"
Un mural do artista urbano lucense Tirso Paz, Bublegum, vén de ser galardoado como o mellor do mundo na categoría Artist Choice dos premios internacionais Street Art Cities. Bublegum pintou o seu Ornamental Ocelot en Cheste (Valencia) dentro do festival Graftea Cheste. Tirso Paz destaca que “me gusta dar visibilidade a especies menos comúns e resaltar a biodiversidade do planeta. Quixen crear un gardián que protexese a rúa cunha presenza imponente”.
Os EUA confirman que imporán aranceis do 25% contra México e Canadá desde mañá sábado. Tamén aplicará o 10% sobre China. Foto: CC BY-SA Gage Skidmore.
Afundación renova o seu padroado e Xosé Carlos Caneiro deixa de ser vicepresidente substituído por Santiago Camba, xerente da área sanitaria de Ourense, Verín e O Barco e antes secretario xeral de Emigración con Feijóo e de Xuventude con Fraga. Como presidente da obra social de Abanca continúa Miguel Ángel Escotet, curmán de Juan Carlos Escotet, máximo responsable do banco.
O penúltimo treito da A-54 Lugo-Santiago, entre Palas e Melide, entra en servizo o luns, á espera de que ao longo deste ano abra tamén o derradeiro, Melide-Arzúa. Á inauguración do luns asistirá o ministro de Transportes, Óscar Puente. A primeira pedra do primeiro treito da autovía, entre Santiago e Lavacolla, púxose en 1996, hai 29 anos.
O presidente de RTVE confirma que a canle infantil Clan emitirá os seus contidos en galego. José Pablo López asegura que a corporación estatal traballa na versión en lingua galega dos contidos para a rapazada e que iniciará un proceso para ampliar a presenza do idioma de Galicia na televisión pública.
Condenan o Concello de Vigo a pagar máis de 1,5 millóns á promotora do concerto de Guns N' Roses en xuño de 2023 en Balaídos. O xulgado do Contencioso-administrativo número 2 de Vigo considera probado que "os pregos estaban feitos a medida desa negociación contractual que se levaba desenvolvendo entre as partes cos indispensables meses de antelación para a viabilidade da súa frutificación". A finalidade do servizo de contratación, segundo se indica no fallo, era "outorgar a vestimenta xurídica e formal adecuada a unha contratación preexistente". O Goberno local xa anunciou que recorrerá a sentenza porque di que "contén erros manifestos". [📸 Live Nation España]