Fálase

O Goberno de España non concederá a Altri os 30 millóns de fondos europeos de descarbonización que pedía para a fábrica que prevé en Palas, segundo adianta elDiario.es. A compañía portuguesa, que impulsa a factoría canda a Greenalia, aspira a máis de 200 millóns en axudas públicas para este proxecto. Na imaxe, recreación da fábrica divulgada pola empresa.

• AMPLIAMOS 👉 Altri pide ao Estado reclamar á UE máis prazo para as axudas das que fica fóra
• A Xunta tamén deixa á marxe da lei de transparencia o pacto con Altri: "Ten carácter privado" 
• De "fibras téxtiles" a "produción de celulosa": o ministro de Industria advirte dunha viraxe en Altri 
• Altri, Xunta e PP reducen a mentiras as críticas á instalación da fábrica en Palas 
• Luz verde ambiental da Xunta a Altri

Multa de 850.000 euros ás dúas empresas implicadas na explotación de inmigrantes en Begonte. A rede ilegal fora desmantelada en xaneiro logo dunha investigación iniciada tras unha alerta sobre a presenza de numerosas persoas de orixe africana nun hotel ilegal en Ordes. 

• Sen papeis e nun hotel ilegal: desvelada unha trama que explotaba 82 inmigrantes en Begonte

O comité intercentros da CRTVG interrompe a xuntanza do Consello de Administración dos medios públicos "para defender a produción propia e esixir a fin da externalización". "Malia que na mañá asumiu con persoal propio a programación da morte do Papa ,a TVG cedeu ás produtoras d'O Termómetro a cobertura na tarde", indican. Ante a protesta, sinala a representación do persoal, "tres membros do Consello de Administración polo Partido Popular abandonaron a xuntanza canda o director xeral", mentres que "as representantes do BNG e do PSdeG, xunto a Alfonso Cabaleiro, conselleiro do PP, comprometéronse a pedir explicacións do acontecido". [Imaxes: CUT]

• ENTREVISTA | Manuel Pampín: "A TVG vai camiño da irrelevancia e os dirixentes teñen pánico a calquera crítica á Xunta"
• HEMEROTECA | O que vén na CRTVG: da fin do nome histórico á nova dirección só cos votos do PP

Pedro Sánchez anuncia máis de 10.000 millóns adicionais para gasto militar e de seguridade co obxectivo de que as partidas de defensa equivallan xa este ano ao 2% do produto interior bruto, segundo o comprometido coa OTAN, o que implica un incremento de seis décimas porcentuais. O presidente do Goberno de España asegura que esta operación non implicará recortes sociais nin subas de impostos.

O Sergas activa un plan para que os centros de saúde fagan cirurxías menores antes do verán. Estarán dispoñibles en centros de Lugo e Pontevedra co obxectivo de que en 2029 se estendan por toda Galicia. 

San Xoán será festivo en 2026, segundo a proposta formulada pola Xunta este luns. Os outros dous festivos de carácter autonómico, unidos aos estatais, serán o 19 de marzo e o 25 de xullo, xa que o Día das Letras será domingo. Ademais, outros dous festivos son fixados por cada concello.

O PP accede á alcaldía de Cambre con catro concelleiros de 21. Diana Piñeiro, nova rexedora, logra a alcaldía en segunda votación. Unión por Cambre, partido máis votado e con 7 concelleiros, abstívose tras negar o apoio ao PSOE, que se postulara (4) logo da dimisión da anterior alcaldesa, María Pan, que substituíu a Óscar García Patiño, tamén dimitido hai un ano. 

Domingo de ascensos para o fútbol galego. O Pontevedra é equipo de Primeira RFEF tras imporse por 4-2 ao Laredo en Pasarón e a UD Ourense sobe á Segunda RFEF tras o seu empate a 1 gol co Silva. Ademais, o Montañeros da Coruña certifica que é equipo de 3ª RFEF coa súa vitoria 1-3 ante o Miño [Imaxes: Pontevedra CF e UD Ourense]

• HEMEROTECA (2018) | UD Ourense: catro ascensos en catro anos de fútbol popular

Novas obras nos viadutos da A-6 cortarán unha das calzadas desde este luns e durante dous meses. Tras a apertura do segundo viaduto o pasado decembro, os traballos de impermeabilización definitiva das dúas estruturas quedaron pendentes de tempo seco e comezarán agora, o que obrigará a desviar alternativamente o tráfico por unha ou outra calzada, comezando este luns por pechar a calzada sentido Galicia.

• HEMEROTECA (30/12/2024) | Reabre o segundo viaduto da A-6 en Pedrafita dous anos e medio despois
• HEMEROTECA (29/12/2023) | Reabre un dos dous viadutos da A-6 cortados en Pedrafita desde hai ano e medio e o outro prevese para dentro doutro ano

Nivel de alerta laranxa este sábado no litoral galego, con nivel amarelo en boa parte do país por chuvia e vento, mesmo con neve no leste de Lugo e Ourense.