Fálase

O TSXG autoriza a Xunta a seguir esixindo a presentación do certificado COVID (de vacinación, test negativo ou recuperación) ata o 26 de febreiro onde xa era obrigatorio, isto é, en negocios hostaleiros, pubs e discotecas e mais en visitas a hospitais e outros centros sanitarios e residenciais, albergues, instalacións deportivas pechadas e "eventos multitudinarios". O Tribunal baséase na doutrina do Supremo que, lembra, considerou a medida "adecuada e acorde coas esixencias derivadas da protección da saúde" e subliña que se aplica nun contexto no que "a COVID-19 continúa tendo unha elevada circulación" en Galicia, segundo os datos do Sergas.

• Fin das restricións horarias da Xunta na hostalería pola COVID dende este sábado
• A Xunta evidencia que "aplicará a lei" da fin da máscara ao aire libre e "recoméndaa" nos patios escolares

Berto lanza O teu mandil, o primeiro sinxelo de adianto do seu novo E.P. en solitario, Bailar Chikito. Defíneo como "un tema Electro-Gypsy pensado para o baile e o desfrute" que lanza en colaboración con Marinha. Pódese escoitar xa en Spotify, en Tidal e no resto de principais plataformas musicais.

• ENTREVISTA en VINTE | Berto: "A xente empeza a sentirse lexitimada para dicir que sofre e que está mal"
• HEMEROTECA | "Haberá quen pense que somos un par de 'gilipollas' e quen pense que o que facemos é bo para a normalización"

O DOG publica o decreto que regula a matrícula escolar para o curso 2022-23, con novos criterios para a admisión do alumnado. Máis puntos por domicilio, por parto múltiple ou para infancia afectada pola violencia machista no seu fogar, entre as principais novidades.

• Máis puntos por domicilio, parto múltiple ou violencia de xénero, novidades na matrícula escolar, que comeza o 1 de marzo
• A mocidade galega que segue estudando tras a ESO acada outro máximo histórico durante a pandemia

A Xunta elimina dende as 00:00 do sábado as restricións horarias á hostalería pola COVID e os límites quedan nos que "marque a licenza de cada local", confirma Feijóo na rolda de prensa posterior ao Consello da Xunta. O Goberno galego solicitou ao TSXG que o certificado COVID siga sendo preciso nestes negocios (e nos demais ámbitos onde se esixe actualmente) ata o día 26. 

• AMPLIAMOS 👉 Fin das restricións horarias da Xunta na hostalería pola COVID
• A Xunta evidencia que "aplicará a lei" da fin da máscara ao aire libre e "recoméndaa" nos patios escolares

O Ministerio de Traballo confirma o acordo cos sindicatos CC.OO. e UGT para subir 35 euros o salario mínimo interprofesional, ata os 1.000 euros mensuais con efecto retroactivo dende o 1 de xaneiro. A patronal CEOE desmarcouse do pacto. As centrais sindicais viñan reclamando concretar o incremento do SMI para paliar os efectos das fortes subas de prezos.

O Consello de Ministros aproba a supresión da máscara obrigatoria no exterior. A nova norma entra en vigor o xoves "recomenda o seu uso en aglomeracións" e mantena "excepcionalmente, en eventos multitudinarios ao aire libre onde non se poida manter unha distancia mínima de 1,5 metros". A decisión do Goberno centra contempla tamén a retirada da obriga nos patios escolares, se ben isto depende en última instancia da Xunta. [Foto: CC BY-SA Ana Varela / Xunta]

• AMPLIAMOS 👉 A máscara ao aire libre pasa a ser excepcional á espera da decisión da Xunta sobre os patios escolares

Xa está dispoñible o trailer do documental 'Nada que ver', que repasa os 25 anos de historia de CUAC FM e que se estreará este xoves no Teatro Colón da Coruña. O filme destaca a función da radio como "altofalante" da cidade e afonda da reivindicación de que os medios comunitarios vexa recoñecido o seu dereito a contar con licenzas de emisión

Persoal investigador concentrouse este luns en Santiago para demandar melloras na futura Lei de Ciencia, actualmente en tramitación. Finalmente, todo o persoal investigador terá dereito á indemnización ao remate dos seus contratos, como reclamaban as entidades do sector. Porén, entidades como Investigal ou a Asemblea de Insvestigadores de Compostela denuncian que a norma "deixa outras cuestións de urxencia sen abordar", como a elaboración dun Estatuto do Persoal de Investigación ou o incremento da retribución mínima dos contratados predoctorais desde o primeiro momento do contrato

O Consello Interterritorial de Saúde aproba a fin da máscara obrigatoria ao aire libre aínda que haxa distancia de seguridade. A modificación desta restrición, que recibiu o visto e prace do Congreso a pasada semana, será ratificada este martes polo Consello de Ministros, que -á espera da redacción definitiva- manterá o uso "recomendado" en exteriores en caso de aglomeración. A medida fora recuperada o pasado decembro entre peticións de varios gobernos de comunidades autónomas, entre eles a Xunta. Na imaxe [© Concello da Coruña], dúas persoas pasean con máscara á beira do mar na Coruña.

• HEMEROTECA | É o momento de comezar a xestionar a COVID como unha gripe? Expertos apostan polo "cambio de fase", pero con "prudencia"

Greenpeace reclama un Tratado Global dos Océanos dende o Parque Nacional das Illas Atlánticas. Trinta persoas voluntarias da organización despregaron faixas na Illa de Cortegada para alertar sobre a emerxencia ambiental que sofren os océanos