Fálase

Forte desprendemento de rochas nun arco dun dos cantís da praia de Augas Santas (As Catedrais) de Ribadeo sen causar danos persoais. O alcalde da vila, Fernando Suárez, subliña que fenómenos coma este son "inherentes á costa cantábrica, derivados da propia acción da natureza". “Ás administracións soamente nos queda tomar medidas preventivas ao respecto á veciñanza e aos visitantes da nosa costa, tomar conciencia das mesmas", subliña. Diversos estudos advirten dende hai anos destes riscos de desprendementos na zona e un deles provocou a morte dunha muller en 2018. (Imaxe: Concello de Ribadeo)

O TSXG rexeita o recurso de Alcoa contra o auto que lle prohíbe parar as cubas da factoría de San Cibrao. O tribunal considera “imprescindible” que as cubas permanezan en funcionamento para garantir a readmisión dos traballadores se os seus despedimentos fosen nulos

• HEMEROTECA | O TSXG dá folgos á loita contra o ERE de Alcoa ao impedir a parada das cubas

A negativa dunha futbolista galega a homenaxear a Maradona ecoa xa nos medios arxentinos e de todo o mundo, que destacan o rexeitamento de Paula Dapena ao minuto de silencio nun partido do Viaxes Interrías fronte ao Deportivo, unha acción reivindicativa da que deu conta Pontevedra Viva nunha reportaxe. Foto: © Tania Esperón

A Xunta só deixa fóra Baleares e Canarias da obriga de rexistro de viaxeiros que cheguen a Galicia. O DOG renova este luns a anterior listaxe de territorios, publicada o 11 de novembro e que debía ser actualizada aos 15 días naturais, na que está incluída a maioría de Europa, incluído Portugal.

Verín volverá mobilizarse este luns, un ano despois da gran marcha contra o peche do paridoiro, para pedir a retirada do expediente ao xinecólogo do hospital comarcal. 

• ENTREVISTA | Javier Castrillo: "Foi unha vinganza; xa me advertiran de que gardase ben as costas"

Marilar Aleixandre gaña o Premio Blanco Amor de novela longa coa obra As malas mulleres. O certame organizado pola Deputación de Ourense, na súa 39ª edición, elixe por unanimidade a obra da académica numeraria da RAG de entre 32 orixinais presentados. 

• ENTREVISTA | "É moi importante que haxa máis mulleres nas institucións, mais tamén que haxa mulleres feministas"

A Deputación de Ourense pide á Xunta o arquivo "inmediato" do expediente aberto ao xefe de Xinecoloxía de Verín, un dos rostros visibles na loita contra o peche do paridoiro. O pleno amosa por unanimidade o seu "apoio" ao doutor, que considera a acción disciplinaria aberta "unha vinganza". 

• O Sergas mantén ocultos un ano despois os informes técnicos que esgrimiu para pechar o paridoiro de Verín

A Xunta levanta os peches perimetrais pola COVID en Vedra, O Pino, Mugardos, Viveiro, Toén e San Cibrao das Viñas e impón as máximas restricións, incluíndo confinamento perimetral, peche da hostalería e veto ás reunións de non conviventes en Cee, Dumbría e Muxía e maias en Ribadumia, Meis e Meaño. Máis información, este mediodía en Praza.gal

• AMPLIAMOS | O coronavirus frea aos poucos en Galicia mentres o eixo atlántico concentra máis incidencia e restricións
• INTERACTIVO | Mapa actualizado dos concellos con restricións especiais polo coronavirus

Dimite Díaz Barreiros, presidente da patronal galega, logo de dous días no cargo e tras xurdir "dúbidas manifestas" entre os asociados que poñen en dúbida a súa elección do pasado martes, logo da retirada do outro aspirante, Pedro Rey. O xa ex-máximo dirixente anunciou nun comunicado a súa decisión. 

• A patronal galega segue no caos: sen presidencia aos dous días tras tres anos vacante

A Xunta promete a unha plataforma do ensino concertado que vai "reducir ao mínimo posible" a aplicación en Galicia da nova lei educativa. Así o afirmou a delegada do Goberno galego en Vigo, Marta Fernández-Tapias, na liña do expresado nos últimos días polo propio Feijóo.

• O que di (e o que non) a nova lei de educación