Fálase

A Xunta amplía a súa petición ao Tribunal Superior de Xustiza para que o veto aos encontros entre non conviventes tras o peche dos pubs e discotecas (de 3 a 6 da madrugada, segundo o pactado co sector) se aplique tamén a espazos privados e non só á rúa. Inicialmente, anunciara que pediría aval para impedir estes encontros en espazos públicos de 2 a 6. Segundo indica o Goberno galego, a petición ao Tribunal inclúe excepcións como "a pernocta no mesmo domicilio no caso de reunión ou reencontro familiar ou de achegados" ou o coidado a menores ou anciáns, entre outras.

• A Xunta pide aval xudicial para vetar encontros de non conviventes tras o peche dos pubs, aos que limita horarios

O Xulgado de Instrución número 1 de Lugo resolve dividir en trinta e tres causas a peza principal do caso Pokémon, tal e como pedira a Fiscalía e resolvera a Audiencia Provincial. O instrutor que substituíu á sancionada xuíza Pilar de Lara conclúe que a única "conexión" de todas as pezas é que nelas interveñen empresas do grupo Véndex, pero deben ser abordadas nos lugares onde se produciron os presuntos delitos.

• HEMEROTECA | Pokémon rompe: o caso que convulsionou a política galega encamíñase a unha trintena de incertos xuízos

O Ministerio de Sanidade e as comunidades autónomas acordan rebaixar de 10 a 7 os días de corentena para as persoas que dean positivo por COVID-19 e tamén para os contactos estreitos que, por non estaren vacinados con pauta completa ou no resto de excepcións, teñen que illarse. A decisión chega nun contexto de alta incidencia, co consecuente incremento de baixas laborais.

• A Xunta dá por rematada a "fase de contención" da COVID, recorta o rastrexo e xa dá por válidos os test feitos na casa

Feijóo confirma a demora do plan estratéxico da Xunta para 2021-2030, que non será público ata febreiro de 2022. 

• HEMEROTECA | A Xunta comunica á UE outra demora do seu plan estratéxico para 2021-2030, que debía ter cando apareceu a COVID

O grupo empresarial GES-Industrial, propiedade de Carlos Mouriño, que controla o Celta SAD, pasa a ter como administradora única a filla do empresario, María de los Ángeles Mouriño Terrazo. As empresas controladas pola familia van desde o equipo de fútbol a sectores como a enerxía (especialmente en México) a viticultura ou a inmobiliaria. [Imaxe: Xunta de Galicia]

• HEMEROTECA | O presidente do Celta, ante outra recualificación polémica 12 anos despois da que tombou un goberno do PP en Nigrán

O persoal de Alcoa na Mariña aproba, co 70% dos votos e un 76% de participación, aceptar a proposta da empresa que implica parar a fabricación de aluminio durante dous anos e que, segundo a compañía, suporá manter o emprego. O persoal das empresas auxiliares é contrario a esta opción.

• AMPLIAMOS 👉 O persoal de Alcoa aproba en referendo o peche da planta de aluminio de San Cibrao dous anos a cambio de manter os empregos
• HEMEROTECA | Alcoa propón permisos retribuídos, deixar de fabricar aluminio ata 2024 e ningún despido colectivo en catro anos

O Congreso aproba de xeito definitivo os orzamentos do Estado para 2022 tras aceptar unha última emenda introducida no Senado con máis cartos para as linguas cooficiais diferentes do castelán. A emenda de Compromís co apoio do PP na Cámara Alta recibiu este martes o voto favorable na Cámara Baixa tamén de PSOE, Unidas Podemos ou BNG, formación esta última que se abstivo na votación global das contas para o próximo ano. Os orzamentos prevén un 29% máis de investimento en Galicia para 2022. [Imaxe: Congreso dos Deputados]

O Goberno de España concede a Medalla de Ouro das Belas Artes a Antón Reixa. A proposta do Ministerio de Cultura recoñece “a traxectoria deste artista polifacético como escritor, músico, guionista e director de cine”.

• HEMEROTECA (2016) | Antón Reixa: "Estamos moi anoxados outra vez co mundo"

A Xunta pedirá permiso ao Tribunal Superior para recuperar a prohibición dos encontros entre persoas non conviventes entre as 2 e as 6 da madrugada. Ademais, anuncia o peche da hostalería a medianoite agás venres e sábados, que será ás 1 da madrugada. Pubs e discotecas terán que pechar ás 2 da madrugada. As medidas estarán en vigor ás 00:00 do día 31 e prolongaranse ata o 18 de xaneiro, segundo vén de anunciar o conselleiro de Sanidade, Julio García Comesaña. 

• AMPLIAMOS 👉 A Xunta pide aval xudicial para vetar encontros de non conviventes tras o peche dos pubs, aos que limita horarios
• Noiteboa foi o día con máis PCR procesadas no Sergas dende o comezo da pandemia

A Xunta comunica este mediodía as medidas pola COVID que prevé para Noitevella e Aninovo nunha comparecencia ante a prensa do conselleiro de Sanidade, Julio García Comesaña, prevista para as 13h. Feijóo e Comesaña mantiveron no serán deste luns unha xuntanza (na imaxe) con membros do comité clínico que os asesora. (Foto: CC-BY-SA David Cabezón / Xunta)

• CONSÚLTAAS AQUÍ 👉 A Xunta pide aval xudicial para vetar encontros de non conviventes tras o peche dos pubs, aos que limita horarios
• Unha pandemia totalmente diferente: máis positivos ca nunca pero ata agora moitas menos hospitalizacións
• Noiteboa foi o día con máis PCR procesadas no Sergas dende o comezo da pandemia