Xosé Manuel Núñez Seixas obtén o Premio Nacional de Literatura do Ministerio de Cultura na modalidade de Ensaio pola súa obra 'Suspiros de España. El nacionalismo español 1808-2018'. Núñez Seixas, catedrático da USC en excedencia e actualmente da Universidade Ludwig-Maximilian de Múnich, é tamén vicepresidente do Consello da Cultura Galega e ten unha ampla produción sobre os nacionalismos, a emigración ou exilio.
10N | O CIS augura unha cómoda vitoria do PSOE nas eleccións xerais do 10N con ata 150 escanos, moi por riba da tendencia xeral dos inquéritos. O seu barómetro prevé que o PP ascenda ata chegar a un máximo de 81 escanos e sinala que Unidas Podemos e as súas confluencias poderían lograr ata 45. Prevé un devalo de Ciudadanos e non augura un forte ascenso de Vox. O traballo de campo foi realizado do 21 de setembro ao 13 de outubro, antes da sentenza do procés e da exhumación de Franco. Consulta neste espazo de Praza.gal toda a información e os datos galegos
O Museo do Pobo Galego fai hoxe 42 anos e celébrao cunha xornada de portas abertas. Recuperamos esta peza na que hai dous anos, cadrando co cuadraxésimo aniversario da institución, repasamos unha ducia de razóns para visitalo.
Feijóo desmárcase das críticas de Transición Ecolóxica a Endesa por presentar "contras trucadas" sobre As Pontes e especula sobre se a ministra "ten algún problema" coa firma. "Galicia non ten ningunha responsabilidade no que fan as empresas", asegura o presidente da Xunta, que di que hai unha "crise que incentiva o Goberrno central".
O INE rastrexará o movemento dos teléfonos móbiles en todo o Estado durante oito días de novembro. É unha información do xornal El País, que debulla o acordo do organismo estatal con Movistar, Vodafone e Orange. As compañías subliñan que os datos serán fornecidos de xeito anónimo.
A que foi tumba de Franco durante 44 anos xa está tapada con novas lousas no mausoleo do 'Valle de los Caídos'. O Goberno de España divulgou imaxes dos traballos posteriores á exhumación do ditador. (Imaxe: Secretaría de Estado de Comunicación)
Comeza en Madrid o xuízo contra a antiga cúpula de Caixanova por unha operación inmobiliaria de 40 millóns de euros presuntamente delituosa.
Suspendido o inicio do xuízo ao asasino confeso de Diana Quer por non poder conformarse o xurado popular. O Tribunal Superior de Xustiza confirma que este luns foran convocadas 21 persoas para conformar o xurado, conformado por unha vintena, pero dúas elas formularon alegacións para non participar e que se axustan ás condicións legais. O proceso fica adiado ata o 11 de novembro.
Hoxe comeza na sección sexta da Audiencia da Coruña, con sede en Santiago, o xuízo ao asasino confeso de Diana Quer. José Enrique Abuín é acusado de asasinato, agresión sexual e detención ilegal e a Fiscalía pide para el prisión permanente revisable.
O Frente de Todos gaña as eleccións na Arxentina e Alberto Fernández será o novo presidente tras derrotar o dereitista Mauricio Macri co 48% dos votos. Máis información, hoxe en Praza.gal
